விஜய் காதுக்கு போன விஷயம்.. தப்பு பண்ணிட்டோமோ? எம்எல்ஏ கார் விவகாரத்தில் முதல்வருக்கு ஷாக்

எம்எல்ஏக்களுக்கு கார்

எம்எல்ஏக்களை தக்க வைத்துக்கொள்ளவே முதல்வர் விஜய் இப்படி செய்கிறாரோ என்ற சந்தேகங்கள் வலுத்து வருகின்றன,. அதுமட்டுமல்ல, மக்கள் வரிப்பணத்தில் கார் வழங்குவது எந்த வகையில் நியாயம்? கார் இல்லாத உறுப்பினர்களுக்கு மட்டும் சலுகை வழங்கியிருக்கலாமே, அல்லது கட்சி நிதியில் இருந்து கார் வசதியை செய்திருக்கலாமே.. எம்எல்ஏக்களின் வசதிக்காக அரசு கஜானாவை பயன்படுத்துவது நியாயமில்லை என்ற விமர்சனமும் சோஷியல் மீடியாவில் வலுத்து வருகிறது.

தேர்தலுக்கு வரும் நபர், "உங்களுக்கு சேவை செய்ய எனக்கு ஒரு வாய்ப்பு தாருங்கள்" என்று சொல்லி வாக்கு வாங்கி ஜெயிக்கிறார்கள். ஜெயித்ததும் எல்லா வசதிகளும் இலவசமாகவே அரசு தர வேண்டும் என கோரிக்கை வைத்து சாதித்துக் கொள்கிறார்கள். எம்எல்ஏக்கள் ஒன்றும் இலவசமாக மக்கள் சேவை செய்யவில்லையே? அதற்கும் சம்பளம் வாங்குகிறார்கள்தானே? அதில் கார் வாங்கிக் கொள்ளட்டுமே! மக்கள் வரி பணத்தை இப்படி விரயமாக்குவதா?

தவெக அரசு அறிவிப்பு

மகளிர் உரிமை தொகை கொடுக்க முடியாமல் தவிக்கும் அரசு, மக்கள் பணத்தை எம். எல். ஏ. க்களுக்காக விரயமாக்குவதா? என்றும் கண்டன விமர்சனங்கள் கிளம்பி வருகின்றன..

இந்த அதிருப்தி அலைகளும், கடுமையான விமர்சனங்களும் முதல்வர் விஜய்யின் கவனத்திற்கும் சென்றுள்ளதால் அவர் ஆழ்ந்த யோசனையில் இருப்பதாக தெரிகிறது. "தப்பு பண்ணிட்டோமோ'" என்கிற கவலை அவரிடம் தெரிகிறதாம்.

விஜய் காதுக்கு போன விஷயம்

மேலும், அரசின் வருவாயை பெருக்கும் வழிகளை ஆராய்வதற்காக பிரத்யேகமாக அமைக்கப்பட்ட உயர் மட்டக் குழுவினரிடம் எவ்வித ஆலோசனையும் நடத்தாமல் இந்த திடீர் அறிவிப்பு வெளியிடப்பட்டுள்ளது அந்தக் குழுவின் தலைவருக்கு கடும் வருத்தத்தை ஏற்படுத்தியுள்ளதாக தெரிகிறது. இதுவும் முதலமைச்சர் விஜய்யின் கவனத்துக்கு கொண்டு செல்லப்பட்டுள்ளதாம்.

மேற்கண்ட இந்த விஷயங்கள்தான், தற்போது அரசியல் வட்டாரங்களில் பெரும் பரபரப்பை ஏற்படுத்தி கொண்டிருக்கின்றன.

- சிறப்பு நிருபர் எழில்