விஜயபாஸ்கரின் முயற்சிக்கு முட்டுக்கட்டை.. தவெகவில் கிளம்பிய புகைச்சல்.. ஆட்டத்தை மாற்றிய டெல்லி

விஜயபாஸ்கரின் வழக்குகள்

அவர் அதிமுகவில் இருந்து விலகுவது கிட்டத்தட்ட உறுதியாகிவிட்டது. தவெகவில் இணைவதற்கு தான் அவர் திட்டமிட்டார். ஆனால் விஜயபாஸ்கரை தவெகவில் இணைப்பதற்கு எதிர்ப்பு நிலவுகிறதாம். இதுகுறித்து தவெக நிர்வாகிகள் கூறுகையில், "அமைச்சர்கள் புஸ்ஸி ஆனந்த், செங்கோட்டையன், ஆதவ் அர்ஜுனா மூலம் தவெகவில் இணைய விஜயபாஸ்கர் முயற்சி செய்கிறார்.

விஜயபாஸ்கர் மீது குட்கா ஊழல், சொத்து குவிப்பு உள்ளிட்ட பல்வேறு வழக்குகள் விசாரணையில் உள்ளன. ஊழலுக்கு எதிரானவர்களாகவும், தூய சக்தியாகவும் எங்களை நிலை நிறுத்தியுள்ளோம். ஏற்கனவே ஊழல் பின்னணி கொண்ட அதிமுக மாஜிகளை இணைக்க கூட்டணி கட்சியினர் எதிர்ப்பு தெரிவித்தனர். விஜயபாஸ்கர் மீது பல்வேறு வழக்குகள் இருப்பதால் அவரை தவெகவில் இணைப்பது சரியாக இருக்காது.

தவெகவில் எதிர்ப்பு

விஜயபாஸ்கரை தவெகவில் இணைத்தால் ஊழல் குற்றச்சாட்டுகள் தவெக மீது திரும்பும். குட்கா மற்றும் சொத்து குவிப்பு வழக்குகளுடன் கேரளாவின் சில வழக்கிலும் விஜயபாஸ்கர் சிபிஐ விசாரணை வளையத்தில் உள்ளார். ஏற்கனவே பாஜக மேலிடம் நம் மீது கோபத்தில் உள்ளது. விஜயபாஸ்கரையும் தவெகவில் இணைத்து சேர்த்து டெல்லியை மேலும் பகைத்துக் கொள்ள வேண்டாம் என சீனியர்கள் கருதுகிறார்கள்.

விஜயபாஸ்கரால் நமக்கு எந்த பயனும் இல்லை. இருக்கும் பிரச்சனைகளுடன் அதிக சேதாரத்தை சந்திக்க வேண்டியிருக்கும். மக்கள் மத்தியிலும் நம் தூய்மை பிம்பம் உடைந்து பின்னடைவு ஏற்படும். என்று யோசிக்கிறார்கள். ஆனால் எவ்வளவு விலை கொடுத்தாவது தவெகவில் இணைய விஜயபாஸ்கர் தீவிரம் காட்டி வருகிறார்கள். எடப்பாடியுடன் இணைந்த வேலுமணி ஆதரவு எம்எல்ஏக்களும் இப்போது வருத்தத்தில் உள்ளனர்.

பழைய பதவியை கூட கிடைக்க முடியாதபடி எடப்பாடி பழிவாங்கல் நடவடிக்கையில் உள்ளார். இதனால் அதிமுகவில் இருந்தால் எதிர்காலம் இருக்காது என விஜயபாஸ்கர் நினைக்கிறார். நெருங்கிய அமைச்சர்கள் மூலம் விஜயபாஸ்கர் விடாப்படியாக அழுத்தம் கொடுக்கிறார். இதனால் தவெக தலைமை யோசித்து கொண்டிருக்கிறது" என்றார்.