தூய சக்தி இமேஜ் உடையுதே! விஜய் உஷாரா இருக்கணும்.. அடுத்தடுத்து வரும் பஞ்சாயத்து!

என்ன நடந்தது?

செங்கல்பட்டு மாவட்டம் மாம்பாக்கம் பகுதியில் நவீன் என்கிற அரசு ஒப்பந்ததாரர், ரூ.9.80 லட்சம் மதிப்பில் சிமெண்ட் சாலையை அமைத்திருந்தார். ஆனால், இந்த பணிகள் முடிவடைந்த பின்னரும் கூட.. பணிக்கான பணம் வரவில்லை. இந்த தொகை விடுவிக்கப்பட ரூ.1.30 லட்சத்தை வீராசாமி லஞ்சமாக பெற்றதாக வீடியோ வெளியானது. இது கைமாற்றாக பெறப்பட்ட பணம் என்று வீராசாமி விளக்கமளித்தாலும்.. உண்மை வெளியே வந்ததால், தற்போது அவர் கட்சியிலிருந்து நீக்கப்பட்டிருக்கிறார்.

பெண் தொழிலாளர்களிடம் கை குலுக்காத முதல்வர் விஜய்.. சரமாரியாக எழும் கேள்விகள்!

அமைச்சர்கள் லிஸ்ட்

வெளியில் தெரிந்தது ஒரு வீராசாமிதான். ஆனால், பல துறைகளில் ஊழல் மீண்டும் தலை தூக்கியிருக்கிறது என்று ஒப்பந்ததாரர்கள் புலம்பியிருக்கின்றனர். தவெக ஆட்சி மாற்றம் ஏற்பட்டபோது, ஒட்டுமொத்த ஒப்பந்ததாரர்களிடையே பெரிய சந்தேகம் இருந்தது. இதற்கு முன்னர் இருந்ததை போல இப்போதும் அரசு நிர்வாகம் இருக்குமா? அல்லது உண்மையான மாற்றம் ஏற்படுமா? என்பதுதான் அந்த சந்தேகம். விஜய் மக்கள் மத்தியில் தொடர்ந்து பேசி, கமிஷன், கரப்ஷன் இருக்காது என்று உறுதியளித்திருந்தார்.

அடிதடி வழக்கு.. சமாதானத்திற்கு வந்த அமைச்சர் மரிய வில்சன்! சமரச மையத்தில் ஆஜர்!

அதிகாரிகளின் ஆட்டம்

எனவே மாற்றம் ஏற்பட்டுவிட்டது என்று அனைத்து தரப்பினரும் நம்பினர். இருப்பினும் பால்வளத்துறை தொடங்கி பல துறைகளில் ஒப்பந்ததாரர்களிடையே கமிஷன் பெரும் நடைமுறை நீடிக்கிறது என்று புலம்பல்கள் தொடங்கியிருக்கின்றன. இது தொடர்பான விஷயங்கள் ஒவ்வொன்றாக வெளிச்சத்திற்கு வர தொடங்கியிருக்கின்றன. விஷயம் பப்ளிக்காக தெரிவதற்கு முன்னரே பல்வேறு அதிகாரிகள் பணியிடமாற்றம் செய்யப்பட்டிருக்கின்றனர்.

இறுதி வடிவத்தை எட்டும் பட்ஜெட்! ரிவ்யூ செய்யும் முதல்வர் விஜய்! ஜூலை 16ல் அமைச்சரவை கூட்டம்

உஷாரா இருக்கனும்

இதையெல்லாம் பார்க்கும்போது முதல்வர் விஜய் உஷாராக இருக்க வேண்டும் என்று அரசியல் விமர்சகர்கள் எச்சரிக்க தொடங்கியிருக்கின்றனர். விஜய் என்னமோ லஞ்சம் வேண்டாம்தான் என்கிறார்.. ஆனால் தனது அமைச்சரவையில் என்ன நடக்கிறது? என்பதை அறிந்து.. அது பெரிய பிரச்சனையாக வெடிப்பதற்கு முன்னரே தடுக்க வேண்டும் என்று வலியுறுத்தியுள்ளனர்.