டெல்லி: முடிவுக்கு வந்தது நாடாளுமன்ற மழைக்கால கூட்டத்தொடர். தொடர் அமளியால் மக்களவை தேதி குறிப்பிடாமல் ஒத்திவைக்கப்பட்டுள்ளது. ஜூலை 20 ஆம் தேதி தொடங்கிய கூட்டத்தொடரில் எதிர்க்கட்சிகள் பல்வேறு பிரச்சனைகளை எழுப்பி அமளியில் ஈடுபட்டு வந்தன.
நாடாளுமன்ற மழைக்கால கூட்டத்தொடர் கடந்த ஜூலை 20 ஆம் தேதி தொடங்கியது. கூட்டத்தொடர் தொடங்கிய முதல் நாளிலிருந்தே பல்வேறு பிரச்னைகள் குறித்து கேள்விகளை எழுப்பி, எதிர்க்கட்சிகள் அமளியில் ஈடுபட்டு வருகின்றன.
குறிப்பாக, டெல்லியில் மாணவர்கள் போராட்டத்தில் காவல்துறை தாக்குதலுக்கு அனுமதி அளித்தது யார்? எனவும், ராமர் கோயில் நன்கொடை திருட்டு விவகாரம் குறித்தும் கேள்வி எழுப்பி அமளியில் ஈடுபட்டனர். எதிர்க்கட்சிகளின் அமளிக்கு இடையே பல்வேறு மசோதாக்கள் நிறைவேற்றப்பட்டுள்ளன. மக்களவையில் கேரள மாநிலத்திற்கான பெயர் மாற்றம் தொடர்பான மசோதா நிறைவேறியது. இதேபோன்று, தேசிய கூட்டுறவு வளர்ச்சி கழக (திருத்த) மசோதா உள்ளிட்டவையும் தாக்கல் செய்யப்பட்டு நிறைவேற்றப்பட்டன. மாணவர்கள் மீதான தாக்குதலுக்கு மத்திய உள்துறை அமைச்சர் அமித் ஷா உரிய பதிலளிக்க வேண்டும் என்றும் எதிர்க்கட்சிகளைச் சேர்ந்த எம்.பிக்கள் கோரி வருகின்றனர். இதனையடுத்து, மாணவர்கள் மீது தாக்குதல் நடத்தப்பட்டது குறித்து விரிவான விவாதம் நடத்த அமித் ஷா அழைப்பு விடுத்த நிலையில், அதனை ஏற்க மக்களவை எதிர்க்கட்சித் தலைவர் ராகுல் காந்தி மறுப்பு தெரிவித்துள்ளார். மாணவர்கள் மிது பெல்லட் குண்டுகளை பயன்படுத்தி தாக்க உத்தரவிட்டது யார்? என்பது குறித்து அமித் ஷாவிடம் இருந்து நேரடி பதில்தான் வேண்டுமே தவிர, உரைகள் தேவையில்லை என ராகுல் காந்தி தெரிவித்தார்ர். இந்த விவகாரத்தில் நாடாளுமன்ற மழைக்கால கூட்டத்தொடரின் கடைசி நாளான இன்றும் சமரசம் ஏற்படவில்லை. காவிரி நதிநீட் நீர் விவகாரம் தொடர்பாக விவாதிக்க மக்களவையின் வழக்கமான அலுவல்களை ஒத்திவைத்து உடனடியாக விவாதிக்க வேண்டும் என திமுக மக்களவைக் குழுத் தலைவர் டி.ஆர். பாலு கோரிக்கை விடுத்திருந்தார். இந்நிலையில், மக்களவை குளிர்கால கூட்டத்தொடர் தேதி குறிப்பிடாமல் ஒத்திவைக்கப்பட்டுள்ளது. 2026 ஆம் ஆண்டு மழைக்கால கூட்டத்தொடரின் இறுதி நாளான இன்று மக்களவை காலவரையின்றி ஒத்திவைக்கப்பட்டதையடுத்து, மழைக்கால கூட்டத்தொடர் நிறைவடைந்தது.