டெல்லி: நீட் தேர்வு ரத்து செய்யப்பட்டதை தொடர்ந்து தற்கொலை செய்து கொண்ட மாணவர்களின் குடும்பங்களுக்கு இழப்பீடு வழங்க வேண்டும் என்பதும் கரப்பான் பூச்சி கட்சியின் முக்கிய கோரிக்கையாக இருந்த நிலையில், அந்த கோரிக்கையை மத்திய அரசு நிறைவேற்றும் என்று உச்சநீதிமன்றத்தில் சொலிசிட்டர் ஜெனரல் துஷார் மேத்தா தெரிவித்துள்ளார்.
இந்தாண்டு முதலில் நீட் தேர்வு மே மாதம் நடைபெற்றது. இருப்பினும், வினாத்தாள் முன்கூட்டியே லீக் ஆனதால் தேர்வு ரத்து செய்யப்பட்டு, மறுதேர்வு நடத்தப்பட்டது. இருப்பினும், நீட் ரத்தால் மாணவர்கள் ஏமாற்றமடைந்தனர். மீண்டும் நீட் பிராசஸிற்குள் செல்ல அஞ்சிய மாணவர்கள் தற்கொலையும் செய்து கொண்டனர். இது நாடு முழுக்க பரபரப்பாக பேசப்பட்டது.
இதற்கு நடுவே தான் கடந்தாண்டு நீட் முறைகேடுகளுக்கு எதிராக போராட்டங்கள் நடைபெற்றது. கரப்பான் பூச்சி கட்சி சார்பில் முன்னெடுக்கப்பட்ட இந்த போராட்டத்திற்கு நாடு முழுக்க ஆதரவு கிடைத்தது. இறுதியில் அந்த போராட்டத்திற்கு மத்திய அரசு இறங்கி வர நேர்ந்தது. அப்போது கல்வி துறை அமைச்சராக இருந்த தர்மேந்திர பிரதான் தனது பதவியை ராஜினாமா செய்தார். அப்போது மத்திய அரசு சார்பில் மேலும் இரு வாக்குறுதிகள் அளிக்கப்பட்டு இருந்தது. நீட் தேர்வு ரத்தால் தற்கொலை செய்து கொண்ட மாணவர்களின் குடும்பங்களுக்கு இழப்பீடு வழங்க வேண்டும், போராட்டத்தில் ஈடுபட்டோர் மீதான வழக்குகளை ரத்து செய்ய வேண்டும் என இரு கோரிக்கைகள் முன்வைக்கப்பட்டு இருந்தது. அதையும் மத்திய அரசு அப்போது ஏற்றதாக தெரிகிறது. இருப்பினும், மத்திய அரசு அதை நிறைவேற்றாமல் காலம் தாழ்த்தியது. இதனால் கரப்பான் பூச்சி ஜனதா கட்சி சார்பில் செப்டம்பர் 5ம் தேதி போராட்டம் அறிவிக்கப்பட்டது. இந்தச் சூழலில் தான் வழக்குகளை வாபஸ் பெறுவது தொடர்பாக மத்திய அரசு உச்ச நீதிமன்றத்தை அணுகியது. அதை ஏற்று வழக்குகளை ரத்து செய்ய உச்ச நீதிமன்றம் உத்தரவிட்டது. மேலும், உயிரிழந்தோர் மாணவர்களுக்கு இழப்பீடு வழங்கும் கோரிக்கையையும் மத்திய அரசு நிறைவேற்றும் என்று உச்சநீதிமன்றத்தில் சொலிசிட்டர் ஜெனரல் துஷார் மேத்தா தெரிவித்துள்ளார். இருப்பினும், இழப்பீடு வழங்குவதற்கான விதிமுறைகளை இறுதி செய்ய 3 மாத கால அவகாசம் தேவைப்படும் என்றும் அவர் உச்ச நீதிமன்றத்தில் தெரிவித்துள்ளார். இதன் மூலம், கரப்பான் பூச்சி கட்சி போராட்டக்காரர்களுடன் மத்திய அரசு நடத்திய பேச்சுவார்த்தையில் அளிக்கப்பட்ட மற்றொரு முக்கியமான உறுதிமொழியும் நிறைவேற்றப்பட உள்ளது. நீட் தேர்வு ரத்து செய்யப்பட்டதைத் தொடர்ந்து ஏற்பட்ட மன உளைச்சல் மற்றும் அதனால் மாணவர்கள் தற்கொலை செய்து கொண்ட சம்பவங்கள் கரப்பான் பூச்சி கட்சி போராட்டத்தின் முக்கிய பிரச்சினைகளில் ஒன்றாக இருந்தது. மாணவர்களின் குடும்பங்களுக்கு அரசு நிதியுதவி வழங்க வேண்டும் என்பதும் போராட்டக்காரர்களின் கோரிக்கையாக இருந்தது.