உச்ச நீதிமன்றம் நோக்கி பேரணி சென்றபோது உடன் வந்தவரை தாக்கிய ராகுல் காந்தி? பரவும் வீடியோ!

முழங்கையால் குத்திய ராகுல் காந்தி

இதன்படி, இந்தியா கூட்டணிக் கட்சிகளைச் சேர்ந்த தலைவர்கள் மற்றும் ஆயிரக்கணக்கான தொண்டர்கள் உச்ச நீதிமன்றத்தை நோக்கி பேரணியாக சென்றனர். இதனால் டெல்லி முழுவதும் பலத்த பாதுகாப்பு போடப்பட்டு இருந்தது. இந்தியா கூட்டணி கட்சிகளின் இந்த பேரணியில் ராகுல் காந்தி, காங்கிரஸ் தலைவர் மல்லிகார்ஜுன கார்கே, அகிலேஷ் யாதவ் கர்நாடக முதல்வர் டிகே சிவக்குமார், பிரியங்கா காந்தி உள்ளிட்டவர்கள் கலந்து கொண்டனர்.

இந்தப் பேரணியில் அகில இந்திய மாணவர் சங்கத்தின் தலைவர் நேஹா போராவும் பங்கேற்று இருந்தார். உச்ச நீதிமன்றம் நோக்கி பேரணியாக சென்ற போது, ராகுல் காந்தியை நெருங்கி பலரும் முண்டியடித்துக்கொண்டு வந்தனர். இதனால், அப்செட் ஆன ராகுல் காந்தி, தள்ளி செல்லுமாறு கடுகடுத்தார். ஒரு கட்டத்தில், தன்னை ஒட்டி வந்த நபர் ஒருவரை தனது முழங்கையால் ஓங்கி வெகமாக குத்தினார்.

வீடியோ வைரல்

இது தொடர்பான காட்சிகள் சமூக வலைத்தளங்களில் வைரலாகி வருகிறது. அந்த வீடியோவில், பேரணியின் போது இளைஞர்கள் சிலர் ராகுல் காந்தியிடம் செல்ஃபி எடுப்பது போன்று உடன் ஓடி வருகின்றனர். அப்போது கூட்ட நெரிசலால் ஒருவரை ஒருவர் இடித்தப்படி வருகின்றனர். இதில் ராகுல் காந்தி மீது ஒருவர் மோதியதை அடுத்து ராகுல் காந்தி முழங்கையால் குத்துகிறார்.

பேரணியில் கடுமையான நெரிசல் இருந்ததால் முன்னால் சென்ற தங்கை பிரியங்கா காந்தியையும் ராகுல் காந்தி பாதுகாப்பாக அழைத்து சென்றார். ராகுல் காந்தி உள்ளிட்ட இந்தியா கூட்டணி எம்பிக்களை போலீசார், பகவான் தாஸ் சாலை அருகே தடுத்து நிறுத்தினர். தொடர்ந்து ராகுல் காந்தி மற்றும் பிற தலைவர்கள் உச்ச நீதிமன்றம் சென்றனர்.

அங்கே அவர்களது வழக்கறிஞர்கள் குழு, மனு தாக்கலுக்கான நடைமுறையை முடித்து கொடுத்தனர். எஸ்.ஐ.ஆர் விவகாரம் குறித்தும், தேர்தல் ஆணைய விவகாரத்தில் தலையிடுமாறும் மனுவில் கோரப்பட்டுள்ளதாக தகவல்கள் கூறுகின்றன. இந்த மனுவை நாளை உச்ச நீதிமன்றம் விசாரணைக்கு எடுத்துக்கொள்ளும் என்று தெரிகிறது.