பிரமாண்ட பேரணியாக சென்று.. தலைமை தேர்தல் ஆணையருக்கு எதிராக உச்சநீதிமன்றத்தில் ராகுல் காந்தி ரிட் மனு

SIR பணிகளை நிறுத்த வேண்டும் என்றும், முறைகேடுகளுக்குப் பொறுப்பேற்று தலைமைத் தேர்தல் ஆணையர் ஞானேஷ் குமார் பதவி விலக வேண்டும் என்றும் எதிர்க்கட்சிகள் வலியுறுத்தி வருகின்றன.

இந்த நிலையில், ராகுல் காந்தி தலைமையில் காங்கிரஸ் மற்றும் இந்தியா கூட்டணி கட்சிகளின் தலைவர்கள் இன்று டெல்லியில் உச்ச நீதிமன்றம் நோக்கி பேரணி நடத்தினர். இப்பேரணியில் காங்கிரஸ், சமாஜ்வாதி கட்சி, இடதுசாரி கட்சிகளின் தொண்டர்கள் மற்றும் நூற்றுக்கணக்கான மாணவர்கள் பங்கேற்றனர்.

ராகுல் காந்தி, பிரியங்கா காந்தி, மல்லிகார்ஜுன கார்கே, மம்தா பானர்ஜி உள்ளிட்டோர் இந்தப் பேரணியில் கலந்து கொண்டனர். இந்த பேரணியின் முடிவில், தேர்தல் ஆணையத்தின் எஸ்.ஐ.ஆர். நடவடிக்கையை எதிர்த்து ராகுல் காந்தி உச்ச நீதிமன்றத்தில் ரிட் மனுத் தாக்கல் செய்துள்ளார்.

ஒரிஜினல் குற்றவாளி நீங்க இல்ல.. ராகுல் காந்தி சொன்ன 5 முக்கியமான பாயிண்ட்.. மோடிக்கு எகிறும் பிரஷர்

முன்னதாக, தேர்தல் ஆணையத்தின் செயல்பாடுகள் தொடர்பாக விவாதிக்க ராகுல் காந்தியும் காங்கிரஸ் தலைவர் மல்லிகார்ஜுன கார்கேவும் உச்சநீதிமன்ற தலைமை நீதிபதி சூர்யகாந்த்தை நேரில் சந்திக்க நேரம் கேட்டிருந்தனர்.

ஆனால், இந்த விவகாரங்கள் ஏற்கெனவே உச்ச நீதிமன்றத்தில் வழக்குகளாக இருப்பதால் தனிப்பட்ட முறையில் சந்தித்துப் பேச முடியாது என்று தலைமை நீதிபதி சூர்ய காந்த் பதில் கடிதம் அனுப்பினார்.

அதே நேரத்தில், நீதிமன்றத்தில் முறையாக மனுத் தாக்கல் செய்தால் விசாரணைக்கு எடுத்துக்கொள்ளப்படும் என்றும் தெரிவித்திருந்தார். இந்நிலையில், ரிட் மனுவை தாக்கல் செய்துள்ளனர். எஸ்.ஐ.ஆர் தொடர்பான இதேபோன்ற வழக்குகள் நாளை (அக்டோபர் 13) உச்சநீதிமன்றத்தில் விசாரணைக்கு வர உள்ளது குறிப்பிடத்தக்கது.