அன்பில் மகேஷ் கைது சரவெடி வைங்க.. என்கிட்டயே பணம் வாங்கினார்.. தீயாய் பரவும் திமுக நிர்வாகி ஆடியோ

அன்பில் மகேஷல்லாம் கட்சிக்கு தகுதியானவர்கள் இல்லை. அன்பில் மகேஷ் கைது என்றால் எல்லாரும் சரவெடி விடுங்கள். அதில் தவறு இல்லை. அமைச்சருக்கே பங்கம் விளைவித்தவர் அவர். அவர் கைதாவதில் ஒன்றும் தவறில்லை. அது வரவேற்கத்தக்கது ஒன்றுதான். பணி மாறுதலுக்காக அவருக்கு நான் ரூ.7 லட்சத்து 70 ஆயிரம் கொடுத்துள்ளேன். இதை எங்கே கேட்டாலும் நான் சொல்வதற்கு தயாராக உள்ளேன்.

தனுஷ் அரசியல் வருகை.. அலர்ட் மோடில் திமுக.. இளைஞரணியை பலப்படுத்தும் பணியில் உதயநிதி ஸ்டாலின்!

திமுக நிர்வாகி குமுறல்

ஒரு தலைமை ஆசிரியர் மூலமாக சென்னையில் கொண்டு போய் கொடுத்திருக்கிறேன். அரியலூர் சி.இ.ஓ அலுவலகம் மூலம் முயற்சி செய்து பணம் கொடுத்தேன்.பணி மாறுதலுக்காக நான் பணம் கொடுத்தேன். இதை எங்கு வேண்டுமானால் வந்து சொல்ல தயார். இதேபோல வளவிசெட்டிபட்டியில் 11 ஆசிரியர்கள் பணியிட மாற்றத்திற்காக தலா ரூ.7 லட்சத்து 50 ஆயிரம் கட்டி தான் வந்துள்ளார்கள். அந்த இடத்திற்கு பணம் கட்டி தான் வந்துள்ளனர். யாரும் சும்மா வரவில்லை.

மாவட்டம் விட்டு மாவட்டம் பணியிட மாற்றம் என்றால் ரூ.7 லட்சத்து 50 ஆயிரம், மாவட்டத்திற்குள்ளேயே பணியிட மாற்றம் என்றால் ரூ.3 லட்சத்து 50 ஆயிரம் பணம் கட்டி தான் வந்துளள்னர். இதை எங்கு வேண்டுமானாலும் நிரூபிக்க தயார். அன்பில் மகேஷ் செய்து வரவேற்கத்தக்கது. யாரும் வருத்தப்பட வேண்டாம். அவர் ஜெயிலுக்கு போக வேண்டிய ஆள். என்னுடைய மனைவியின் பணியிட மாறுதலுக்காக நான் ரூ.7 லட்சத்து 50 ஆயிரம் செலவழித்தேன். சொந்தக் கட்சிக்காரர்களுக்கே இந்த நிலை என்றால் மாற்றுக் கட்சியினர், மக்களின் நிலையை யோசித்து பாருங்கள்".