கிரீன் குளோப் அமைப்பின் ரத்த பிளேட்லெட் தான முகாம்: மனிதநேயத்துடன் திரண்ட தன்னார்வலர்கள்!

இந்நிகழ்ச்சியில் பல்துறை முக்கியப் பிரமுகர்கள் சிறப்பு விருந்தினர்களாகக் கலந்துகொண்டு கொடையாளர்களை வாழ்த்திப் பாராட்டினர். அன்வர் குரூப் நிறுவனர் திரு. அன்வர் தீன், சாம்கோ நிறுவனத்தின் தலைவர் திரு. சமீர், சமூக செயற்பாட்டாளர் திரு. முஹம்மது ராசிக், இசை அமைப்பாளர் திரு. ஷாஹீத், காஸ்மோரா மார்க்கெட்டிங் நிறுவனத் தலைவர் ஆர்த்தி அஸ்வின், அமீரக திரைப்பட நடிகர் அப்துல்லா ஜாபலி மற்றும் தன்னம்பிக்கைப் பேச்சாளர் திரு. சபீன் ஆகியோர் வருகை தந்து நிகழ்ச்சியை சிறப்பித்தனர். மேலும், திருச்சி ஜமால் முகம்மது கல்லூரி முன்னாள் மாணவர் சங்கத்தைச் சேர்ந்த நவாசுதீன் மற்றும் ராசிக் ஆமீன் ஆகியோரும் கலந்து கொண்டு ஆதரவு தெரிவித்தனர்.

முகாமிற்கு வருகை தந்த கொடையாளர்கள் மற்றும் விருந்தினர்களை கிரீன் குளோப் அமைப்பின் முக்கிய நிர்வாகிகள் ரசூல், தாஹிர், சாபீர், பீர் முஹம்மது, அப்துல் ரஹ்மான் மற்றும் களப் பணியாளர்கள் சிறப்பாக வரவேற்று வழிகாட்டினர். அனைத்து ஏற்பாடுகளும் மிக நேர்த்தியாக ஒருங்கிணைக்கப்பட்டிருந்தன.

நிகழ்வில் பங்கேற்ற கொடையாளர்கள் மற்றும் தன்னார்வலர்கள் அனைவருக்கும் தூய குடிநீர், புத்துணர்ச்சி தரும் தேநீர் மற்றும் சுவையான மதிய உணவு அன்போடு பரிமாறப்பட்டது. ஒருவரின் உயிரைக் காப்பாற்றத் தயங்காமல் முன்வந்து உதவிய அனைத்து நல்உள்ளங்களுக்கும், முகாம் வெற்றிகரமாக அமைய ஒத்துழைப்பு வழங்கிய அனைவருக்கும் அமைப்பின் சார்பில் மனமார்ந்த நன்றி தெரிவிக்கப்பட்டது. மனிதநேயத்தை போற்றும் இத்தகைய நற்பணிகள் தொடர வேண்டும் எனப் பலரும் வாழ்த்தினர்.