திம்பம் மலைப் பாதையில் ஹாயாக உலா வந்த சிறுத்தை.. நடுரோட்டில் தரிசனம் கொடுத்ததால் வாகன ஓட்டிகள் ஷாக்

ஈரோடு: ஈரோடு மாவட்டம், சத்தியமங்கலம் புலிகள் காப்பகப் பகுதிகளில் ஏராளமான வன விலங்குகள் வசித்து வருகின்றன. இந்நிலையில், திம்பம் மலைப் பாதையில் விலங்குகள் நடமாட்டம் அதிகரித்து வரும் நிலையில், மலைப் பாதையில் சுற்றித் திரிந்த சிறுத்தையின் வாகன ஓட்டிகள் அச்சமடைந்துள்ளனர்.

ஈரோடு மாவட்டம், சத்தியமங்கலம் புலிகள் காப்பக வனப் பகுதியில் மான், யானை, கரடி, சிறுத்தை, புலி, காட்டெருமை, செந்நாய் உள்ளிட்ட வனவிலங்குகள் அதிகளவில் வசித்து வருகின்றன. அவ்வப்போது, வனப்பகுதியை விட்டு வெளியேறும் வன விலங்குகள் சாலையில் உலா வருவது வழக்கம். தற்போது, இரவு நேரங்களில் வாகனப் போக்குவரத்திற்குத் தடை விதிக்கப்பட்டுள்ளதால் திம்பம் மலைப் பாதையில் சிறுத்தைகள் அதிக அளவில் நடமாடி வருகின்றன.