காத்மண்டு: நேபாள நாட்டின் வடக்கு எல்லையோர மாவட்டங்களில் திடீரென ஏற்பட்ட கோர வெள்ளப்பெருக்கு மற்றும் நிலச்சரிவில் சிக்கி இதுவரை 95 பேர் உயிரிழந்துள்ளனர். தமிழர்கள் உள்பட 133 இந்தியர்கள் மாயமாகி உள்ளதாகவும் தகவல் வெளியாகி உள்ளது. மேலும், திபெத் எல்லை வழியாக நேபாளத்திற்கு ஆன்மீக மற்றும் சுற்றுலா பயணம் மேற்கொண்ட தமிழ்நாட்டைச் சேர்ந்த சுமார் 50 சுற்றுலாப் பயணிகள் உட்பட நூற்றுக்கணக்கானோர் தொடர்பை இழந்து மாயமாகியுள்ளதாக தகவல்கள் வெளியாகி உள்ளன.
திபெத் எல்லையிலிருந்து சீறிப்பாய்ந்த வெள்ளம்
திபெத் எல்லைப் பகுதியில் பெய்த கனமழை மற்றும் நீர்வரத்து காரணமாக, அங்கிருந்து உற்பத்தியாகும் போத்தே கோசி ஆற்றில் கடுமையான வெள்ளப்பெருக்கு ஏற்பட்டது. இந்த பெருவெள்ளம் நேபாளத்தின் நுவாகோட், தாடிங் மற்றும் ரசுவா ஆகிய மாவட்டங்களை நிலைகுலைய வைத்துள்ளது. கரையோர கிராமங்கள் பல வெள்ளத்தில் அடித்துச் செல்லப்பட்டுள்ளன.
மத்திய காவல் செய்தித் தொடர்பாளர் மற்றும் துணை இன்ஸ்பெக்டர் ஜெனரல் அபினாராயண் கப்லே தகவல்படி, நுவாகோட் மற்றும் தாடிங் மாவட்டங்களில் இருந்து இதுவரை 8 உடல்கள் மீட்கப்பட்டுள்ளன. மொத்தமாக 95 பேர் தற்போது வரை பலியாகி உள்ளதாக தகவல் வெளியாகி உள்ளது. இதில் தமிழர்கள் உள்பட 133 இந்தியர்கள் மாயமாகி உள்ளதாகவும் தகவல் வெளியாகி உள்ளது.
நேபாளம் மற்றும் கைலாஷ் மானசரோவர் எல்லைப் பகுதிகளுக்கு ஆன்மீகப் பயணம் மேற்கொண்ட தமிழ்நாட்டைச் சேர்ந்த சுமார் 50 பயணிகள், வெள்ளம் பாதித்த பகுதியில் தொடர்பை இழந்துள்ளதாக தகவல்கள் தெரிவிக்கின்றன. தகவல் தொடர்பு கோபுரங்கள் மற்றும் சாலைகள் துண்டிக்கப்பட்டுள்ளதால் அவர்களது நிலை குறித்து அறிய தமிழ்நாடு அரசும் மத்திய அரசும் தூதரக அதிகாரிகளுடன் தீவிர தொடர்பில் ஈடுபட்டு வருகின்றன. வெள்ளத்தின் தீவிரம் எந்த அளவிற்கு இருந்துள்ளது என்றால், பொதுமக்களை மீட்கும் பணியில் இருந்த மற்றும் பாதுகாப்பு முகாம்களில் தங்கியிருந்த நேபாள காவல்துறை வீரர்கள் 26 பேரும், ஆயுதப் படை பிரிவைச் சேர்ந்த 7 பேரும் வெள்ளத்தில் அடித்துச் செல்லப்பட்டு மாயமாகியுள்ளனர். இவர்களைத் தேடும் பணி முழுவீச்சில் நடைபெற்று வருகிறது. பாதிக்கப்பட்ட மலைப்பகுதிகளுக்கு நேபாள ராணுவத்தின் மீட்புக் குழுவினர் ஹெலிகாப்டர்கள் மூலம் விரைந்துள்ளனர். சாலைகள் முழுமையாக துண்டிக்கப்பட்டுள்ளதால், வானூர்திகள் மூலமே உணவுப் பொருட்கள் வழங்குதல் மற்றும் சிக்கிய மக்களை மீட்கும் பணிகள் முடுக்கிவிடப்பட்டுள்ளன. முழு சேத விவரங்களை கணக்கெடுக்கும் பணிகள் தொடர்ந்து நடைபெற்று வருகின்றன. இந்த திடீர் இயற்கை சீற்றத்தால் நேபாளத்தின் முக்கிய மின் உற்பத்தி மற்றும் உள்கட்டமைப்புகள் கடுமையாக சேதமடைந்துள்ளன. ரசுவாகடி, சிலிமே, திரிசூலி 3A, திரிசூலி 3B ஹப் 220 kV துணை மின்நிலையம், திரிசூலி நீர்மின் நிலையம் மற்றும் தேவிघाट நீர்மின் நிலையம் ஆகிய ஆறு பிரதான நீர்மின் நிலையங்கள் சேதமடைந்துள்ளதாக நேபாள மின்சார ஆணையம் (NEA) அதிகாரப்பூர்வமாக அறிவித்துள்ளது. இதன் காரணமாக நாட்டின் பல பகுதிகளில் மின் விநியோகம் முற்றிலுமாக தடைபட்டுள்ளது. தேசிய நெடுஞ்சாலைகளும் மூடப்பட்டுள்ளன. நிலைமையின் தீவிரத்தை உணர்ந்த நேபாள பிரதமர், தேசிய பேரிடர் அபாயக் குறைப்பு மற்றும் மேலாண்மை ஆணையத்தின் அவசரக் கூட்டத்தைக் கூட்டி ஆய்வு மேற்கொண்டார். மருத்துவர்கள், தன்னார்வலர்கள், சாரணர் இயக்கம் மற்றும் செஞ்சிலுவைச் சங்கம் ஆகியவை இணைந்து களத்தில் மீட்புப் பணிகளை ஒருங்கிணைக்குமாறு உத்தரவிட்டுள்ளார். தெற்காசியாவில் பருவமழை தீவிரமடைந்து வரும் நிலையில், பருவநிலை மாற்றம் காரணமாக இத்தகைய தீவிர வானிலை பேரிடர்கள் அடிக்கடி நிகழ்வதாக புவியியல் ஆய்வாளர்கள் கவலை தெரிவித்துள்ளனர். நதிக்கரையோர மக்கள் உடனடியாக பாதுகாப்பான இடங்களுக்குச் செல்லுமாறு அறிவுறுத்தப்பட்டுள்ளனர்.தமிழ் சுற்றுலாப் பயணிகள் நிலை என்ன?
பாதுகாப்புப் படை வீரர்கள் மாயம்
ஹெலிகாப்டர்களுடன் களமிறங்கிய ராணுவம்
முடங்கிய மின் உற்பத்தி நிலையங்கள்
பிரதமர் அவசர ஆலோசனை