தனுஷ் அரசியலுக்கு வர தீவிரமா இருக்காரே? குறை சொல்லாதீங்க.. எடப்பாடி பழனிசாமி கொடுத்த ரியாக்சன்!

இதனிடையே தனுஷ் மத்திய அமைச்சராகிறார் என்றெல்லாம் பேச்சுகள் எழுந்தன. டெல்லியில் இருந்து வந்த பின் தனுஷ், மகளிரணி நிர்வாகிகளை சந்தித்தார். மகளிருக்கு வெள்ளி காமாட்சி விளக்கை பரிசாக கொடுத்த தனுஷ், அவர்களுடன் புகைப்படம் எடுத்து கொண்டார். அந்த வெள்ளி விளக்கில் தாமரை சின்னம் பொறிக்கப்பட்டிருந்தது. அதனை தனுஷ் கேட்டதால், பொறித்ததாக நகைக்கடை நிறுவனம் விளக்கம் அளித்தது.

இதனால் பாஜக ஆதரவுடன் தனுஷ் அரசியலுக்கு வருகிறாரோ என்ற சந்தேகம் எழுந்திருக்கிறது. அதுமட்டுமல்லாமல் தனுஷை அதிமுகவில் இணைக்கும் முயற்சிகளும் நடப்பதாக பேச்சுகள் வருகின்றன. முன்னாள் அமைச்சர் ராஜேந்திர பாலாஜி நேரடியாகவே அதிமுக தனுஷை நாடி செல்லலாம் என்று கூறி இருந்தார்.

Dhaunsh: 234 தொகுதிகளுக்கும் குறி! மாணவர்களுக்கு ஏசி டியூஷன் மையங்களை தொடங்கும் தனுஷ்?

அதேபோல் தனுஷின் அரசியல் வருகையை தவெக ரசிக்கவில்லை. அமைச்சர் ஆதவ் அர்ஜுனா தொடங்கி மரிய வில்சன், பிரபு, ராஜ்மோகன், விஜய் பாலாஜி உள்ளிட்ட பலரும் விமர்சித்து வருகின்றனர். தனுஷை விமர்சித்து தவெகவும் ரீல்ஸ் வெளியிட்டு வருகிறது. இந்த நிலையில் மதுரையில் செய்தியாளர்களை சந்தித்த எடப்பாடி பழனிசாமியிடம் தனுஷ் அரசியல் வருகை தொடர்பாக கேள்வி எழுப்பப்பட்டது.

அதற்கு எடப்பாடி பழனிசாமி, இந்தியா மிகப்பெரிய ஜனநாயக நாடு.. யார் வேண்டுமானாலும் கட்சி தொடங்கலாம். கட்சி தொடங்குவதை எப்படி தவறு என்று சொல்ல முடியும். திரைப்படங்களில் நடித்து கொண்டிருக்கிறார். ரசிகர்கள் இருக்கிறார்கள்.. எப்படி விஜய்க்கு ஜாக்பாட் அடித்ததோ, அதுபோல் தனக்கும் ஜாக்பாட் அடிக்கும் என தனுஷ் நம்புகிறார். அதனால் ஒருவரை குறை சொல்வது பொருத்தமாக இருக்காது என்று கூறியுள்ளார்.