மோடி நல்லது செய்திருந்தால் நீங்கள் ஏன் துபாய்ல இருக்கீங்க? நடிகர் மாதவனுக்கு ராஜ் தாக்கரே கேள்வி

அப்போது அவர் பேசுகையில், ஆயிரக்கணக்கான தொழிலதிபர்கள் இந்தியாவில் இருந்து வெளிநாடுகளுக்கு புலம் பெயர்ந்து வருகிறார்கள். பிரதமர் நரேந்திர மோடி குறித்து படத்தை தயாரித்து அதில் பிரதமராகவே நடித்த விவேக் ஓபராய், துபாயில் வசிக்கிறார்.

அது போல் மோடி இந்தியாவை வளர்ச்சி பாதைக்கு கொண்டு செல்கிறார் என்றும் ஏராளமான தொழிற்சாலைகளை இந்தியாவில் தொடங்க ஒப்பந்தம் போட்டுள்ளார் என்றும் நடிகர் மாதவன் பாராட்டுகிறார். அப்படி பாராட்டும் அவரும் துபாயில் செட்டிலாகிவிட்டார்.

பிரதமரையும் இந்திய நாட்டையும் அவர்கள் நேசிப்பதென்றால், பிரதமர் நாட்டை வளர்ச்சி பாதைக்கு கொண்டு செல்கிறார் என அவர்கள் நம்புகிறார்கள் என்றால் குடும்பத்தினருடன் ஏன் துபாயில் வசிக்க வேண்டும்? அரசு நிதியுதவியில் எடுக்கப்பட்ட படத்தில் நடித்துவிட்டு துபாய்க்கு சென்று விடுகிறார்கள்.

சிலர் தூரந்தர் போன்ற அரசு ஆதரவு படங்களில் நடித்து விட்டு துபாய் செல்கிறார்கள். என்னை கேட்டால் நடிகர்கள் எல்லாம் இது போன்ற லாஜிக்கே இல்லாத கருத்துகளை வெளிப்படுத்துவதை காட்டிலும் அமைதியாக இருப்பதே மேல்! என ராஜ் தாக்கரே விமர்சித்துள்ளார்.

அவர் மேலும் பேசுகையில், நீட் போராட்டத்தில் ஈடுபட்ட மாணவர்கள் வழிதவறி சென்றுவிட்டார்கள் என்றும் அவர்களை சரியான பாதைக்கு கொண்டு வேண்டும் என்றும் பிரதமர் மோடி கூறிய கருத்துகள் தவறானவை. போராட்டத்தின் மீது மாணவர்கள் மீது போலீஸார் தடியடி நடத்திய நிலையில் இதற்கு யார் பொறுப்போ அவர்கள் பதில் சொல்ல வேண்டும் என ராஜ் தாக்கரே தெரிவித்துள்ளார்.