நாகையில் கொத்தாக சிக்கிய மெத்.. அடுத்தடுத்து உருளும் தலைகள்! போலீசுக்கும் தொடர்பா? ஷாக் தகவல்!

இதையடுத்து கடந்த சில நாட்களுக்கு முன்னர் நாகை மாவட்டம் வேளாங்கண்ணி அருகே பிரதாபராமபுரம் நடுத்தெருவை சேர்ந்த பைனான்சியரான சுகன் என்பவர் வீட்டிற்கு மத்திய வருவாய் புலனாய்வு இயக்குனரக அதிகாரிகள் 4 கார்களில் வந்தனர்.

சுகன் லாட்ஜ் ஒன்றை வாடகைக்கு எடுத்து நடத்தி வரும் நிலையில் அவரது வீட்டில் இந்த சோதனை நடைபெற்றது. சோதனையின் போது இலங்கைக்கு கடத்துவதற்காக பதுக்கி வைக்கப்பட்டிருந்த 5 கிலோ எடை கொண்ட 27 பாக்கெட்டுகளில் மெத்தபட்டமைன் பறிமுதல் செய்யப்பட்டது. மொத்தம் 135 கிலோ பறிமுதல் செய்யப்பட்ட நிலையில் இதன் சர்வதேச சந்தை மதிப்பு 135 கோடி என்கின்றனர் அதிகாரிகள்.

தொடர்ந்து போதைப்பொருள், கார் உள்ளிட்டவற்றை பறிமுதல் செய்த மத்திய வருவாய் குற்றப்பிரிவு புலனாய்வுத்துறை அதிகாரிகள் தொடர் விசாரணைக்கு பிறகு இந்த கடத்தலுக்கு மூளையாக செயல்பட்ட நாகை மாவட்ட தவெக பிரமுகர் வழக்கறிஞருமான பூபாலன் என்பவரை கைது செய்தனர்.
விசாரணையில் பூபாலனின் மனைவி இலங்கையைச் சேர்ந்தவர் என்பதும், அவர் மூலம் பழக்கத்தை ஏற்படுத்தி சுகன் போன்றவர்கள் மூலம் நாகையிலிருந்து இலங்கைக்கு பல ஆண்டுகளாக போதை பொருட்களை கடத்தி வந்தது தெரிய வந்தது.

நர்ஸ் கொலையில் மருத்துவமனை ஊழியர் கைதானது எப்படி? காட்டி கொடுத்த துண்டு சீட்டு! அதில் இருந்தது என்ன?

தொடர்ந்து பல மணி நேரம் சோதனை நடத்தப்பட்ட நிலையில் பூபாலன், சுகன், மணிகண்டன், சதீஷ் ஆகிய நான்கு பேர் கைது செய்யப்பட்டனர். தொடர்ந்து இவர்களிடம் சுமார் 24 மணி நேரம் விசாரணை நடைபெற்ற நிலையில், சர்வதேச போதை பொருள் கடத்தல் கும்பல் இவர்களுக்கு தொடர்பு இருக்கலாம் என சந்தேகிக்கப்படுகிறது.

அதுமட்டுமல்லாமல் தமிழகத்திலும் நடிகர் நடிகைகள் உள்ளிட்ட பலருக்கு இவர்கள் போதை பொருள் சப்ளை செய்தார்களா என்ற கோணத்தில் விசாரணை நடைபெற்ற வருகிறது. இந்த நிலையில் மேலும் பல முக்கிய புள்ளிகளுக்கு இந்த கடத்தலில் தொடர்பு இருக்கலாம் என வருவாய் புலனாய் போலீசார் விசாரணை நடத்தி வந்தனர். அந்த வகையில் நாகை மாவட்டம் பிரதாப ராமபுரம், யாதவர் தெருவை சேர்ந்த பூபாலனின் கூட்டாளி ராஜ்குமார் என்பவருக்கு மத்திய வருவாய் புலனாய்வு போலீசார் சம்மன் அனுப்பியுள்ளனர்.

நாகையில் மெத்..இண்டர்நேசனல் கும்பலுக்கு தொடர்பு? பூபாலன் பின்னணியில் லாட்ஜ் ஓனர்! சிக்கிய ராஜ்குமார்

இந்த நிலையில் வேளாங்கண்ணி டிஎஸ்பி-யின் ஓட்டுநர் சிவா, வேளாங்கண்ணி காவல் நிலைய பெண் காவலர் சங்கீதா ஆகியோர் தஞ்சாவூருக்கு பணியிட மாற்றம் செய்யப்பட்டுள்ளனர். மெத் வழக்கில் இரண்டாவது குற்றவாளியான பிரதாபராமபுரம் பகுதியை சேர்ந்த சுகனின் உறவினர் மற்றும் அதே பகுதியை சேர்ந்தவர்தான் வேளாங்கண்ணி டிஎஸ்பி-யின் கார் ஓட்டுனர் சிவா என்பது குறிப்பிடத்தக்கது.

மேலும் சுகன் ஒப்பந்தத்திற்கு நடத்தி வரும் வேளாங்கண்ணி பகுதியில் உள்ள குயின்ஸ் பேலஸ்
விடுதியில் கைப்பற்றிய டைரியில் டிஎஸ்பி ஓட்டுனர் சிவா மற்றும் பெண் காவலர் சங்கீதா ஆகியோர் கையூட்டு பெற்றதை வருவாய் புலனாய்வு பிரிவு போலீசார் கண்டறிந்த நிலையில் பணியிட மாற்றம் செய்யப்பட்டுள்ளதாக தகவல் வெளியாகியுள்ளது. மேலும், வேளாங்கண்ணி பகுதியை சேர்ந்த காவல் அதிகாரிகளும் சிக்குவார்கள் என்றும் தகவல் வெளியாகியுள்ளது.