இடைத்தேர்தல் ஆதரவை கூட்டணியாக பார்க்காதீங்க.. ஸ்டாலின் சொன்ன வார்த்தை.. சீமான் கொடுத்த பதில்!

இடைத்தேர்தல் தொடர்பான அறிவிப்பே இன்னும் வெளியாகாத சூழலில், சீமானின் அறிவிப்பு ஆச்சரியத்தை ஏற்படுத்தியது. இதனிடையே தவெகவுக்கு எதிராக சீமானை பொது வேட்பாளராக நிறுத்த வேண்டும் என்ற குரல்கள் எழுந்தன. ஆனால் திமுக மற்றும் அதிமுக ஆகிய கட்சிகள் சீமானை ஆதரிக்குமா என்ற சந்தேகம் எழுந்தது.

தேர்தல் முடிவால் ரஜினி வருத்தம்.. நீங்களாவது ஜெயிச்சிருக்கலாம்னு சொன்னார்! சீமான் பகிர்ந்த சீக்ரெட்

இந்த நிலையில் பசும்பொன் வந்த ஸ்டாலின் செய்தியாளர்களை சந்தித்த போது, சீமானுக்கு திமுக ஆதரவு அளிக்குமா என்ற கேள்வி எழுப்பப்பட்டது. அதற்கு ஸ்டாலின், இடைத்தேர்தல் இன்னும் அறிவிக்கப்படவில்லை.. பின்னர் பேசலாம் என்று தெரிவித்தார். இதனால் சீமானை திமுக ஆதரிக்குமோ என்ற சந்தேகம் எழுந்துள்ளது.

ஸ்டாலினின் இந்த கருத்து தொடர்பாக நாம் தமிழர் கட்சியின் தலைமை ஒருங்கிணைப்பாளர் சீமான் பதில் அளித்துள்ளார். பசும்பின் முத்துராமலிங்கத் தேவருக்கு மரியாதை செலுத்திய பின் செய்தியாளர்களை சந்தித்து சீமான் பேசுகையில், இடைத்தேர்தல் ஆதரவை கூட்டணியாக பார்க்க முடியாது. தேர்தல் வரட்டும்.. பார்ப்போம் என்று கூறியுள்ளார். அதனைதான் நானும் கூறுவேன்.

அம்பை இடைத்தேர்தல்.. அவசரப்பட்டு வேட்பாளராக அறிவித்து கொண்டாரா சீமான்? நாதக திட்டம் என்ன?

கூட்டணி என்று கிடையாது. திமுக மற்றும் அதிமுக விலகி கொண்டு என்னை பொது வேட்பாளராக நிறுத்துவோம் என்பதை திமுக, அதிமுக இன்னும் முடிவு எடுக்கவில்லை. நாங்கள் இன்னும் முடிவு செய்யவில்லை. ஆனால் இந்த பேச்சை தொடங்கியது யாரென்று அனைவருக்கும் தெரியும். தவெக கட்சியினரும், நிர்வாகிகளும் தான் மீண்டும் மீண்டும் பேசுகிறார்கள்.

ஈரோடு கிழக்கு இடைத்தேர்தலில் திமுக மற்றும் நாதக மட்டுமே களத்தில் இருந்தது. அப்போது நாதகவை பொது வேட்பாளர் என்று யாரும் கேட்கவில்லை. நாதகவின் அத்தனை பேரும் பொது வேட்பாளர் தான். குறிப்பிட்ட சமூகத்திற்கோ, மதத்திற்கோ அல்லது இனத்திற்கோ என்று இல்லை. உலகின் பொது அரசியலை முன் வைத்தது தமிழன் தான் என்று தெரிவித்துள்ளார்.