ராமநாதபுரம்: ராமநாதபுரத்தில் 28-ஆம் ஆண்டு கம்பன் கழக விழா மிகச் சிறப்பாக நடைபெற்றது. ராமநாதபுரம் ஆயிர வைசிய மகாஜன சபை திருமண மண்டபத்தில், செப்டம்பர் 26 மற்றும் 27 ஆகிய சனி, ஞாயிற்றுக்கிழமைகளில் இந்த இலக்கியத் திருவிழா ஏற்பாடு செய்யப்பட்டிருந்தது.
விழாவிற்கு கம்பன் கழகத்தின் தலைவர் ஆடிட்டர் மா.அ. சுந்தரராஜன் தலைமை தாங்கினார். அவர் பேசுகையில், கம்பன் கழகத்தின் முக்கியப் பணிகள் மற்றும் அதன் தொடர் வளர்ச்சி குறித்து விளக்கினார். மேலும், தமிழ் மொழியையும் இலக்கியத்தையும் அடுத்த தலைமுறைக்குக் கொண்டு சேர்க்க அனைத்துத் தமிழ் ஆர்வலர்களும் ஒன்றுபட்டு உழைக்க வேண்டும் என்று கேட்டுக்கொண்டார்.
விழாவில் பல்வேறு துறைகளில் சிறந்து விளங்கிய சாதனையாளர்களுக்கு விருதுகள் வழங்கிப் பாராட்டப்பட்டது: கம்பன் இலக்கியச் சேவை விருது: துபாய் வாழ் ஊடகவியலாளர் முதுவை ஹிதாயத் இவ்விழாவின் முக்கிய நிகழ்வாக, கழகத் தலைவர் மா.அ. சுந்தரராஜன் எழுதிய இராவணன் ஒரு தமிழன்' என்ற புதிய நூல் வெளியிடப்பட்டது. இதனைத் தொடர்ந்து பொதுச்செயலாளர் மானுடப்பிரியன் தலைமையில் கவியரங்கம் அரங்கேறியது. இதில் கவிஞர்கள் கு.ரா., சதுர்முகி, மணிவண்ணன், பறம்பை இதயா மற்றும் அப்துல் மாலிக் ஆகியோர் கலந்து கொண்டு சிறப்பான கவிதைகளை வாசித்தனர். அடுத்ததாக, குத்தாலம் கம்பர் கழகத் தலைவர் ஜெ. நடராஜன் நடுவராக இருந்து, "கம்பராமாயணம் வெளிப்படுத்துவது வீரமா? விவேகமா? விசுவாசமா?" என்ற தலைப்பில் சுவாரசியமான பட்டிமன்றத்தை நடத்தினார். பேச்சாளர்களின் கருத்து மழையால் அரங்கம் முழுவதும் கைதட்டல்களால் நிறைந்தது. நிகழ்ச்சியில் பொருளாதார குற்றப்பிரிவு காவல் சார்பு ஆய்வாளர் சுபாஷ் சீனிவாசன், கழகப் பொறுப்பாளர்கள், இலக்கிய ஆர்வலர்கள் மற்றும் பொதுமக்கள் எனப் பலரும் திரளாகக் கலந்துகொண்டு விழாவைச் சிறப்பித்தனர்.
கம்பன் சமூக நல்லிணக்க விருது: நிதினா
கம்பன் மருத்துவர் விருது: மருத்துவர் கு. கணேசன்
கம்பன் சுடர் விருது: அன்னக்கிளி
கம்பன் கவி விருது: பறம்பை இதயா
கம்பன் வணிகர் விருது: வே. காளீஸ்வரன்