சேலம் அரசு டிப்போவில் அடியோடு மாறிய காட்சிகள்.. தவெக கட்சி கொடி கலரில் அரசு பேருந்துகள்

அதனை தொடர்ந்து தமிழ்நாட்டில் புதிதாக வாங்கப்படும் மற்றும் சீரமைக்கப்படும் அரசுப் பேருந்துகளின் நிறம் தவெக கொடியின் நிறத்திற்கு மாற்றுவதற்கான பணிகள் நடந்து வந்தன. அந்த வகையில் புதிய பேருந்துகள் எல்லாம் மஞ்சள், சிவப்பு கலந்து தவெக கொடியின் நிறத்தில் உள்ளன.

அரசுப் பேருந்துகளுக்கு அரசியல் கட்சியின் கொடி நிறத்தைப் பயன்படுத்துவது சரியல்ல என்று பலரும் சமூக வலைத்தளங்களில் விமர்சித்து வருகிறார்கள். ஆனாலும் முதல்வர் விஜய் தலைமையிலான அரசு விமர்சனங்களை பொருட்படுத்தாமல் தொடர்ந்து பேருந்துகளை தவெக கட்சி கொடி நிறத்திற்கு மாற்றும் வேலையில் ஈடுபட்டு வருவதாக எதிர்க்கட்சியினர் விமர்சிக்கிறார்கள்.

பொதுமக்களின் வரிப்பணத்தில் வாங்கப்பட்டு இயங்கும் அரசுப் பேருந்துகளுக்கு ஆளுங்கட்சியின் கொடி நிறத்தைப் பூசி, அரசுச் செலவில் விளம்பரம் தேட முயல்வது எந்த விதத்தில் நியாயம்?" என்று கேள்விகள் எழுந்துள்ளது. அதேபோல் பள்ளி பேருந்துகளின் நிறம் தான் மஞ்சள். பள்ளி வேன், பேருந்துகளை எளிதாக அடையாளம் காண வேண்டும் என்பதற்காகவே மஞ்சள் நிறம் ஒதுக்கப்பட்டது.

இப்போது அரசு பேருந்துகளும் மஞ்சள் சிவப்பு கலந்து மாறும் போது, அந்த பேருந்துகளை அடையாளம் காண்பது மக்களுக்கு கடினமாக இருக்கும் என்று நெட்டிசன்கள் விமர்சிக்கிறார்கள். அரசு அதிகாரிகள் விளக்கம் அளித்தால் தான் இதுபற்றி கூடுதல் விவரங்கள் தெரியவரும். அரசு அதிகாரப்பூர்வமாக விரைவில் இதன் உண்மை தன்மை குறித்து விளக்கம் அளிக்க வேண்டும் என்றும் மக்கள் கோரிக்கை வைத்துள்ளனர்.