தமிழ்நாட்டின் முக்கியத் தொழில் மற்றும் வர்த்தக மையங்களில் ஒன்றான சேலம் மாவட்டத்தில், வான்வழிப் போக்குவரத்து சேவையை மேம்படுத்த புதிய திட்டங்கள் வகுக்கப்பட்டு உள்ளன. சென்னை, கோவை, திருச்சி போன்ற பெருநகரங்களைத் தொடர்ந்து, தமிழ்நாட்டின் அனைத்து முக்கிய இரண்டாம் கட்ட (Tier-2) நகரங்களின் பொருளாதார வளர்ச்சியை அடுத்த கட்டத்திற்கு கொண்டு செல்லும் நோக்கில் விமான நிலைய விரிவாக்கப் பணிகள் மிகத் தீவிரமாக நடைபெற்று வருகிறது.
அந்த வகையில், நீண்ட காலமாக கிடப்பில் போடப்பட்டு இருந்த சேலம் காமலாபுரம் விமான நிலையத்தின் முதற்கட்ட (Phase 1) விரிவாக்கப் பணிகளுக்கான நிலம் கையகப்படுத்தும் பணிகள் தற்போது இறுதி வடிவம் பெற்றுள்ளன.
சேலம் விமான நிலைய இயக்குநர் நௌசாத் பகிர்ந்துள்ள விபரங்களின்படி, விமான நிலையத்தின் முதற்கட்ட உள்கட்டமைப்பு விரிவாக்கப் பணிகளுக்காகச் சுமார் 210 ஏக்கர் நிலத்தைக் கையகப்படுத்தும் பணிகள் தற்போது முழு வீச்சில் நடைபெற்று வருகின்றன. இந்த நிலம் கையகப்படுத்தும் பணிகளுக்காகத் சுமார் 360 கோடி ரூபாய் நிதி ஒதுக்கீடு செய்யப்பட்டுள்ளது. இந்த 210 ஏக்கர் கூடுதல் நிலப்பரப்பானது சேலம் விமான நிலையத்தை சர்வதேசத் தரத்திற்கு உயர்த்துவதற்கான அடித்தளமாக அமையவுள்ளது. தற்போது உள்ள சிறிய முனையக் கட்டிடத்திற்குப் பதிலாக, நவீன வசதிகளுடன் கூடிய முற்றிலும் புதியதொரு பிரம்மாண்ட முனையத்தை (Terminal) சேலம் விமான நிலையத்தில் கட்டப்படவுள்ளது. பயணிகள் எவ்விதக் கூட்ட நெரிசலிலும் சிக்காமல் மிக எளிதாகப் பயணம் செய்ய ஏதுவாக, சர்வதேச விமான நிலையங்களைப் போலத் தனித்தனி வருகை (Arrival Hall) மற்றும் புறப்பாடு (Departure Hall) முனைய அரங்குகள் இந்த புதிய கட்டிடத்தில் அமையவுள்ளன. இதற்கான புதிய டெண்டர்கள் (Tenders) இன்னும் சில நாட்களில் வெளியாக உள்ளன என்று விமான நிலைய இயக்குநர் தெரிவித்துள்ளார். இந்த புதிய முனையம் கட்டி முடிக்கப்படும் போது, சேலம் விமான நிலையத்தில் பயணிகளின் எண்ணிக்கையைப் பன்மடங்கு அதிகப்படுத்த உதவும். சேலம் மாவட்ட மக்களின் நீண்ட காலக் கோரிக்கையான இரவு நேர விமானச் சேவை வசதி (Night Landing Facility) தற்போது நனவாகப் போகிறது. இதற்கான அதிநவீனக் கருவிகளை நிறுவுவதற்கும், கூடுதல் விமானங்களை ஒரே நேரத்தில் பாதுகாப்பாக நிறுத்துவதற்குத் தேவையான கூடுதல் 'ஏப்ரன்' (Additional Apron) உள்கட்டமைப்பை உருவாக்குவதற்கும் தேவையான அனைத்து அதிகாரப்பூர்வ அனுமதிகளும் தற்போது இறுதி நிலையை (Final Stages) எட்டியுள்ளன. இந்த வசதிகள் பயன்பாட்டிற்கு வரும்போது, பெங்களூரு, ஹைதராபாத், சென்னை போன்ற பெருநகரங்களுக்கு இரவு நேரங்களிலும் தடையற்ற விமானச் சேவைகளை இயக்க வழிவகை ஏற்படும். சேலம் விமான நிலையத்தின் இந்த ரூ.360 கோடி மதிப்பீட்டிலான மெகா விரிவாக்கப் பணிகள் முழுமையாக நிறைவடையும் போது, கொங்கு மண்டலத்தின் ஒட்டுமொத்தத் தொழில் முதலீடுகளைப் ஈர்க்க உதவுவதுடன், சாமானிய மக்களின் பிராந்திய போக்குவரத்து இணைப்பை சர்வதேச அளவிற்கு வேகப்படுத்தும் என்பதில் எள்ளளவும் சந்தேகமில்லை.210 ஏக்கர் நிலம்
தனித்தனி வருகை மற்றும் புறப்பாடு முனையங்கள்
இரவு நேர லேண்டிங் வசதி