தாராபுரத்திலும் அதிமுகவுக்கு அடிமேல் அடி.. இரண்டாமிடமும் காலி.. வேகமாக முன்னேறிய திமுக

தாராபுரத்தில் ட்விஸ்ட்

மதுராந்தகம், தாராபுரம் இரண்டுமே அதிமுகவின் சிட்டிங் தொகுதிகளாக இருந்தன. இரண்டிலும் வெற்றி பெறுவது அதிமுகவின் கௌரவ பிரச்சனையாக பார்க்கப்பட்டது. ஆட்சியை தக்க வைக்க இரண்டு தொகுதிகளிலும் வெற்றி பெறுவது தவெகவுக்கும் அவசியமாக இருந்தது. மறுபக்கம் பலமான எதிர்க்கட்சியாக செயல்பட தேர்தலில் தங்கள் செல்வாக்கை நிரூபிப்பது திமுகவுக்கும் அவசியமான ஒன்றாக பார்க்கப்பட்டது.

மதுராந்தகத்தில் ஆரம்பத்தில் இருந்தே தவெக முன்னிலை வகித்தது. திமுக இரண்டாமிடத்திலும், அதிமுக மூன்றாம் இடத்திலும் இருந்தது. தாராபுரத்தில் ஆரம்பத்தில் அதிமுக முன்னிலை வகித்தது. தவெக இரண்டு, திமுக மூன்றாம் இடத்திலும் இருந்தது. 5 சுற்றுகள் வரை இந்த நிலை நீடித்தது. ஆறாவது சுற்றில் இருந்து தவெக முன்னிலை வகிக்க தொடங்கியது. 9 சுற்றுகள் முடிந்துள்ள நிலையில் தாராபுரத்தில் தவெக வேட்பாளர் சத்தியபாமா முன்னிலை வகித்தார்.

அதிமுகவுக்கு ஷாக்

அதிமுக இரண்டாமிடத்தில் இருந்தது. ஆனால் தவெக, அதிமுக இடையே வாக்கு வித்தியாசம் குறைவாக இருந்தது. இந்நிலையில், 9 சுற்றுகள் முடிவில் திமுக இரண்டாம் இடத்திற்கு முன்னேறியுள்ளது. அதிமுக மூன்றாம் இடத்திற்கு தள்ளப்பட்டது. தொடர்ந்து வாக்குகள் எண்ணப்பட்ட நிலையில், சத்தியபாமா மாபெரும் வெற்றியைப் பெற்றுள்ளார். மதுராந்தகத்தை தொடர்ந்து தாராபுரத்திலும் மூன்றாமிடத்திற்கு தள்ளப்பட்டிருப்பது அதிமுகவுக்கு அதிர்ச்சியை ஏற்படுத்தியுள்ளது.