உதயநிதி பிரச்சாரத்தில் தர்ம சங்கடம்.. தவெகவின் ச்சீப்பான அரசியல்.. பரந்தாமன் பரபர புகார்

மலிவான அரசியல்

போக்குவரத்து ஒத்துழைப்புக்கு காவல்துறை எதுவும் செய்யவில்லை. கண்ணுக்கு எட்டிய வரை காவல்துறையை காணவில்லை. தேசிய நெடுஞ்சாலையில் வந்த அனைவரின் வாகனங்களும் ஸ்தம்பித்துவிட்டது. வாகனங்களை முறைப்படுத்த நடவடிக்கை எடுக்கவில்லை. நாங்கள் ரூட் மேப் கொடுத்தும் எதுவும் செய்யவில்லை. கடைசி இடத்தில் அவர் பேச முடியாத நிலை ஏற்பட்டது. வண்டிகள் தேங்கி நின்றது. வேறு வழியில்லாமல் எதிர் ரோட்டில் சென்று பேசி வேண்டியதாகிவிட்டது.

தவெக ரொம்பவும் மலிவான அரசியலை செய்கிறது. உங்களின் முதலமைச்சர் வரும்போது, ஆளே இல்லாத டீ கடையில் ஆயிரம் போலீஸாரை நிறுத்தினீர்கள். இங்கு நபர்கள் முக்கியமில்லை. பொது மக்கள் பாதுகாப்பு தான் முக்கியம். பொதுத்தேர்தலின்போது தான் அரசு நிர்வாகம் தேர்தல் ஆணையம் வசம் செல்லும். இடைத்தேர்தலில் மாவட்ட நிர்வாகம் தான் பொறுப்பு. தவெக அரசு திமுக மீது அவப்பெயர் ஏற்படுத்த இப்படி செய்துள்ளனர்.

தலைவர் பிரச்சாரம்

எல்லா கட்சி வேட்பாளர்களுக்கும், பொது மக்களுக்கும் பாதுகாப்பளித்து நடவடிக்கை எடுப்பது தான் காவல்துறை வேலை. வேட்பாளரான நானே தேசிய நெடுஞ்சாலை செல்லும்போது பயந்து போகிறேன். போலீஸ் யாருக்கு பயப்படுகிறார்கள் என தெரியவில்லை. தலைமை தேர்தல் அதிகாரி நடவடிக்கை எடுக்க வேண்டும். வருகிற 3 ஆம் தேதி எங்கள் தலைவர் பிரச்சாரத்திற்கு வருகிறார்கள். காவல்துறை, தேர்தல் ஆணையம் உரிய நடவடிக்கை எடுக்க வேண்டும்.

மதுராந்தகம் பகுதியில் அதிக விபத்துகளாகிறது. சாலையை கடக்க மக்கள் சிரமப்படுகிறார்கள். எனக்கு பிரச்சாரம் செய்வோரே விபத்தில் சிக்கி இறந்துள்ளனர். காவல்துறையினர் போக்குவரத்தை சரி செய்ய வேண்டும். காலை, இரவு பீக் ஹவர்களில் காவல்துறை நிச்சயம் போக்குவரத்தை முறைப்படுத்த வேண்டும். நான் தேர்தலில் வெற்றி பெற்றால் அரசு இதை சரி செய்ய நடவடிக்கை எடுக்க வேண்டும்" என்றார்.