சென்னை: விடுதலைச் சிறுத்தைகள் கட்சியில் இருந்து விலகுவதாக அறிவித்துள்ள பனையூர் பாபு யார் என்பதையும் அவரது பின்னணியையும் பார்க்கலாம். மேலும் திருமாவளவனின் வலதுகரமாக இருந்த அவர் திடீரென கட்சியில் இருந்து விலகியது ஏன் என்பதையும் தெரிந்து கொள்ளலாம்.
பனையூர் விசிக பாபு (Panaiyur VCK Babu) என்பவர் விடுதலைச் சிறுத்தைகள் கட்சியின் (VCK) தென் சென்னை மாவட்டத்தின் மிக முக்கியமான மற்றும் தீவிரமாகச் செயல்பட்டு வரும் ஒரு முன்னணி நிர்வாகி ஆவார்.
அவர் தற்போது திடீரென கட்சியில் இருந்து விலகிய நிலையில் அவர் யார் எந்பதை பார்க்கலாம். இவர் விடுதலைச் சிறுத்தைகள் கட்சியின் மத்திய சென்னை நாடாளுமன்றத் தொகுதிச் செயலாளராகவும், சென்னை மாநகராட்சியின் மண்டல அளவிலான கட்சிப் பொறுப்புகளிலும் இருந்து வருகிறார். விசிக தலைவர் தொல். திருமாவளவனின் மிக நெருக்கமான மற்றும் நம்பிக்கைக்குரிய வட்டாரங்களில் இவரும் ஒருவர். சென்னை பனையூர் மற்றும் இ.சி.ஆர் (ECR) பகுதிகளில் கட்சி வளர்ச்சிக்காகவும், விளிம்புநிலை மக்களின் உரிமைகளுக்காகவும் தொடர்ந்து களப்பணியாற்றி வருபவர். அரசியல் களத்தைத் தாண்டி, தமிழக ஊடகங்கள் மற்றும் சமூக வலைதளங்களில் பனையூர் பாபுவின் பெயர் அடிக்கடி விவாதப் பொருளாக மாறுவதுண்டு. நடிகர் விஜய்யுடன் மோதல் போக்கு (பனையூர் அரசியல்): தமிழக வெற்றிக் கழகத்தின் (தவெக) தலைவர் நடிகர் விஜய்யின் இல்லம் மற்றும் கட்சி அலுவலகம் சென்னை பனையூரில் அமைந்துள்ளது. தவெக அரசியல் கட்சி தொடங்குவதற்கு முன்பிருந்தே, பனையூர் பகுதியில் விசிக-வின் கொடிக்கம்பங்கள் நடுவது, கட்சிப் பலகை வைப்பது தொடர்பாக தவெக ரசிகர்களுக்கும் பனையூர் பாபு தரப்பினருக்கும் இடையே அவ்வப்போது அரசியல் ரீதியான போஸ்டர் யுத்தங்களும், வார்த்தை மோதல்களும் ஏற்பட்டுள்ளன. காவல் துறை வழக்குகள் மற்றும் கைது நடவடிக்கை: பனையூர் மற்றும் சென்னை கிழக்கு கடற்கரைச் சாலை (ECR) பகுதிகளில் நிலத் தகராறுகள், அரசு அதிகாரிகளைப் பணி செய்யவிடாமல் தடுத்தது போன்ற புகார்களின் அடிப்படையில் இவர் மீது சென்னை காவல் துறையினர் பலமுறை வழக்குப் பதிவு செய்து, கைது நடவடிக்கைகளையும் மேற்கொண்டுள்ளனர். சர்ச்சைகள் ஒருபுறமிருந்தாலும், தென் சென்னை மற்றும் இ.சி.ஆர் பகுதிகளில் வாழும் அடித்தட்டு மக்களுக்குக் கல்வி உதவி வழங்குவது, கஜா புயல் மற்றும் சென்னை வெள்ளக் காலங்களில் நிவாரணப் பணிகளை முன்னின்று நடத்துவது போன்றவற்றின் மூலம் தன் பகுதி மக்களிடையே ஒரு செல்வாக்கு மிக்க நிர்வாகியாகவும் அவர் இருந்து வருகிறார். சென்னையில் விடுதலைச் சிறுத்தைகள் கட்சியின் முக்கியத் தூணாகவும், அதே சமயம் அதிரடி அரசியல் மற்றும் சர்ச்சைகளால் அடிக்கடி செய்திகளில் இடம்பெறும் ஒரு நபராகவும் பனையூர் விசிக பாபு அறியப்படுகிறார். திருமாவளவன், தவெக கூட்டணியில் இணைந்ததே பாபுவின் விலகலுக்கு காரணம் என சொல்லப்பட்டாலும் அவர் சட்டசபை தேர்தலில் இருந்தே அதிருப்தியில் இருப்பதாக சொல்லப்படுகிறது. செய்யூர் தொகுதியின் எம்எல்ஏவாக 2021 இல் பாபு போட்டியிட்டு வென்றார். இதையடுத்து 2026 தேர்தலுக்கு முன்பு 6 மாதங்களாகவே அந்த தொகுதியில் தான்தான் வேட்பாளராக அறிவிக்கப்படுவோம் என்ற நம்பிக்கையில் பல்வேறு பணிகளை செய்து செய்யூரை விசிகவின் கோட்டையாக மாற்ற தயார்படுத்தியிருந்தாராம். ஆனால் அவரிடம் எந்த ஆலோசனையும் கேட்காமல் அந்த தொகுதியை தூக்கி சிந்தனைச் செல்வனுக்கு கொடுத்தது மட்டும் இல்லாமல் திமுக ஒதுக்கிய ஒரு இடத்தில் கூட 8 இடங்களில் ஒரு இடம் கூட பாபுவுக்கு ஒதுக்கப்படவில்லையாம். சீட் கிடைக்காத விரக்தி, கட்சியில் முக்கியத்துவம் இல்லாதது உள்ளிட்ட காரணங்களுக்காக அவர் எப்போது வேண்டுமானாலும் விலகலாம் என சொல்லப்பட்டு வந்தது. இந்த நிலையில் விஜய்யை ஆர்எஸ்எஸ் பிள்ளை என கூறிவிட்டு தற்போது அதே பிள்ளை தத்தெடுப்பது, அதாவது தவெக அமைச்சரவையில் விசிக நுழைந்ததை பாபு கொஞ்சம் கூட விரும்பவில்லை என சொல்லப்படுகிறது. இதனால்தான் பாபு கட்சியில் இருந்து விலகிவிடலாம் என்ற முடிவை எடுத்தார் என்கிறார்கள்.1. கட்சியின் பொறுப்பு மற்றும் பின்னணி
2. ஊடக வெளிச்சம் மற்றும் சர்ச்சைகள்
3. சமூகப் பணிகள்