திருப்பூர்: திருப்பூர் மாவட்டம் தாராபுரம் சட்டமன்றத் தொகுதி இடைத்தேர்தல் வாக்கு எண்ணிக்கையில் மிகப்பெரிய அரசியல் திருப்பம் ஏற்பட்டுள்ளது. தபால் வாக்குகளில் ஆளும் தமிழக வெற்றிக் கழகம் முன்னிலை பெற்றிருந்த நிலையில், மின்னணு வாக்குப்பதிவு இயந்திரங்கள் (EVM) திறக்கப்பட்டதும் அதிமுக தொடக்கத்தில் முன்னிலை பெற்று ஆளுங்கட்சிக்குக் கடுமையான அதிர்ச்சியை அளித்தது. பின்னர் மீண்டும் தவெக அடித்து மேலே வந்தது.
காலையில் 5 சுற்றுகளில் அதிமுக முன்னிலை வகித்த நிலையில் தற்போது பின்னடைவை சந்தித்துள்ளது தற்போதைய இவிஎம் வாக்கு எண்ணிக்கை நிலவரப்படி, அதிமுக வேட்பாளர் 24653 வாக்குகளைப் பெற்று மூன்றாம் இடத்திற்கு சென்றுவிட்டார். ஆளும் தவெக வேட்பாளர் 31117 வாக்குகளைப் பெற்று முதல் இடத்திற்கு சென்றுள்ளார். திமுக வேட்பாளர் 28554 வாக்குகளைப் பெற்று இரண்டாவது இடத்தில் சென்றுள்ளார்.
இந்த இடைத்தேர்தலில் முக்கியக் கட்சிகளின் சார்பில் களம் இறங்கியுள்ள வேட்பாளர்களின் விவரங்கள் தேர்தல் களத்தை மேலும் உற்றுநோக்க வைக்கின்றன. தவெக சார்பில் கடந்த முறை அதிமுக சின்னத்தில் நின்று வெற்றி பெற்ற முன்னாள் எம்.எல்.ஏ பி. சத்யபாமா போட்டியிடுகிறார். அவர் தனது பதவியை ராஜினாமா செய்துவிட்டு தவெகவில் இணைந்ததால் இந்த இடைத்தேர்தல் வந்தது. அவரை எதிர்த்து, திமுக சார்பில் வழக்கறிஞர் எஸ். சுகன்யா அதிகாரப்பூர்வ வேட்பாளராகக் களமிறக்கப்பட்டுள்ளார். இழந்த தொகுதியை மீண்டும் தன்வசமாக்க வேண்டும் என்ற தீவிர முனைப்பில் அதிமுக சார்பில் கே. பானுமதி போட்டியிடுகிறார். இவர்களுடன் நாம் தமிழர் கட்சி சார்பில் எம். கார்த்திகா மற்றும் இடதுசாரி அமைப்புகள், சுயேச்சைகள் என மொத்தம் 22 வேட்பாளர்கள் இத்தொகுதியில் களத்தில் உள்ளனர். இப்படிப்பட்ட நிலையில்தான் அதிமுக இங்கே காலையில் முன்னிலை வகிக்கிறது. காலையில் 5 சுற்றுகளில் அதிமுக முன்னிலை வகித்த நிலையில் தற்போது பின்னடைவை சந்தித்துள்ளது. இந்த முன்னிலை வெறும் தேர்தல் வாக்கு வித்தியாசம் மட்டுமல்ல; அதிமுகவின் பொதுச்செயலாளர் எடப்பாடி கே. பழனிசாமியின் ஒற்றைத் தலைமைக்குக் கிடைத்த மிகப்பெரிய அரசியல் பலமாகக் கருதப்படுகிறது. தேர்தல் களத்தில் அதிமுகவின் முக்கியத் தலைவர்களான எஸ்.பி. வேலுமணி மற்றும் சி.வி. சண்முகம் போன்ற மூத்த தலைவர்கள் தீவிர தேர்தல் பணிகளில் ஈடுபடவில்லை என்ற விமர்சனங்களும் உட்கட்சி சலசலப்புகளும் எழுந்தன. குறிப்பாக கொங்கு மண்டலத்தின் முக்கிய முகமாகப் பார்க்கப்படும் எஸ்.பி. வேலுமணியின் ஆதரவு, சிவி சண்முகத்தின் நேரடிப் பங்களிப்பு இல்லாத சூழலிலும், ஒற்றை ஆளாக நின்று தேர்தல் களத்தை வழிநடத்திய எடப்பாடி பழனிசாமியின் உழைப்பு தற்போது வாக்கு எண்ணிக்கையில் எதிரொலித்துள்ளது. இரண்டு பேருமே எடப்பாடி மீதுள்ள அதிருப்தி காரணமாக பெரிதாக தேர்தல் வேலை செய்யவில்லை. ஆனால் உட்கட்சித் தலைவர்களின் ஆதரவு மற்றும் தேர்தல் களப்பணி சுணக்கமாக இருந்தபோதிலும், ஆளும் தவெக அரசின் முழு அதிகார பலத்தையும், திமுகவின் வியூகங்களையும் தகர்த்து அதிமுக முன்னிலை வகித்து வருவது எடப்பாடி பழனிசாமியின் செல்வாக்கை மீண்டும் உறுதிப்படுத்தியுள்ளது. முன்பு அதிமுகவில் வெற்றி பெற்று பின்னர் ஆளும் தவெகவிற்குச் சென்ற வேட்பாளருக்கு எதிராக உள்ள மனநிலை இதில் எதிரொலித்துள்ளது. அதிமுகவின் இரட்டை இலை சின்னமும் அடிமட்டத் தொண்டர்களின் ஆதரவும் களத்தில் அக்கட்சிக்கு அசைக்க முடியாததாக உள்ளது என்பதையே இந்த இவிஎம் வாக்குகள் உணர்த்துகின்றன. அடுத்தடுத்த சுற்று வாக்கு எண்ணிக்கைகளில் தவெக முன்னிலை நீடிக்குமா அல்லது அதிமுக மீண்டும் தனது பலத்தைக் காட்டுமா என்ற தீவிர எதிர்பார்ப்பு தமிழக அரசியல் வட்டாரத்தில் தற்போது உச்சக்கட்டத்தை எட்டியுள்ளது.வேட்பாளர்கள் யார்?
தொடக்கத்தில் அதிமுக முன்னிலை
எடப்பாடி பழனிசாமியின் உழைப்பு