செஞ்சி சிறுமி பெங்களூரில் இருக்கிறாரா? பாய்ந்த சிபிசிஐடி டீம்.. தந்தையின் உறவினர்களிடம் துருவல்?

பெங்களூருக்கு பாய்ந்தது ஏன்? தந்தையின் உறவினர்கள் பின்னணி

ஆலம்பூண்டி கிராமம் மற்றும் சுற்றுவட்டாரக் கிணறுகள், ஏரிகள், காடுகள் எங்கும் சல்லடை போட்டும் சிறுமிக்கு ஏதேனும் அசம்பாவிதம் நேர்ந்ததற்கான எந்தவொரு அடையாளமும் கிடைக்கவில்லை. இதனால் சிறுமி திட்டமிட்டு எங்கோ கடத்திச் செல்லப்பட்டு மறைத்து வைக்கப்பட்டிருக்கலாம் என்ற சந்தேகம் வலுத்துள்ளது.

இதன் தொடர்ச்சியாக, சிறுமியின் குடும்பப் பின்னணி, தொலைதூர உறவுகள் மற்றும் நிதிப் பரிவர்த்தனைகளை ஆய்வு செய்தபோது, சிறுமியின் தந்தை வடிவேலுவின் நெருங்கிய உறவினர்கள் சிலர் பெங்களூரில் தங்கி வேலை பார்த்து வருவது தெரியவந்துள்ளது.

குடும்பத்திற்குள் நிலவிய பழைய பணப் பிரச்சனைகள், சொத்துத் தகராறுகள் அல்லது முன்பகை காரணமாக குழந்தையைத் தந்தை வழி உறவினர்கள் மூலமாக மறைத்து வைக்கும் திட்டம் ஏதேனும் அரங்கேறியுள்ளதா நள்ளிரவில் ரகசியமாகத் தூக்கிச் செல்லப்பட்ட குழந்தை, ரயில் அல்லது சாலை மார்க்கமாக எல்லை தாண்டி பெங்களூருவுக்குக் கொண்டு செல்லப்பட்டாரா? குழந்தை மாயமாவதற்கு முன்னரும் பின்னரும் பெங்களூருவில் உள்ள உறவினர்களுடன் குடும்பத்தினர் யாரேனும் தொடர்பில் இருந்தார்களா?

இந்தக் கேள்விகளுக்கு விடை காண, ஒரு சிறப்பு சிபிசிஐடி தனிப்படை உடனடியாக பெங்களூருக்கு விரைந்துள்ளது.

செஞ்சி சிறுமி வழக்கில் அடுத்த திருப்பம்.. பாட்டியின் பக்கம் ஃபோகஸை திருப்பிய சிபிசிஐடி! கோணமே மாறுது

பெங்களூரில் சிபிசிஐடி கள ஆய்வு

பெங்களூருக்கு சென்றுள்ள சிபிசிஐடி அதிகாரிகள், அங்கு வசித்து வரும் தந்தை வழி உறவினர்களை நேரில் வரவழைத்துத் தீவிர விசாரணையைத் தொடங்கியுள்ளனர்:

அக்டோபர் 11 மற்றும் 12-ஆம் தேதிகளில் இவர்கள் தமிழகத்திற்கு வந்து சென்றார்களா அல்லது இவர்களை யாரேனும் நேரில் சந்தித்தார்களா என விசாரிக்கப்படுகிறது. அவர்களின் வீடுகள், வேலை செய்யும் இடங்கள் மற்றும் தங்கியிருக்கும் பகுதிகளில் நேரடி சோதனைகள் மேற்கொள்ளப்பட்டு வருகின்றன. செல்போன் அழைப்புப் பதிவுகள் மூலம் இவர்கள் உள்ளூர் நபர்களுடன் பேசிய தகவல்களும் துல்லியமாகச் சரிபார்க்கப்பட்டு வருகின்றன.

செஞ்சி சிறுமியின் பள்ளியில் முகாமிட்ட சிபிசிஐடி.. சிறுமி உயிரோடு இருக்க வாய்ப்பு? என்ன காரணம்?

உள்ளூர் முட்டுக்கட்டையை உடைக்க புது வியூகம்

கிராமப்புற எல்லைகளில் உள்ள சிசிடிவி கேமராக்களில் சிறுமி ஊரைக் கடந்ததற்கான காட்சிகள் பதிவாகாததும், உள்ளூரில் நடத்தப்பட்ட விசாரணைகளில் போதிய தெளிவு கிடைக்காததும் அதிகாரிகளை மாற்றுப் பாதையை நோக்கி நகர்த்தியுள்ளது.

பெங்களூருவில் தந்தை வழி உறவினர்களிடம் நடத்தப்படும் இந்த விசாரணை, 16 நாட்களாக நீடிக்கும் மர்மத்திற்கு மிக விரைவில் முற்றுப்புள்ளி வைக்கும் என்று எதிர்பார்க்கப்படுகிறது.