Wedding Style Potato Podimas Recipe In Tamil: கல்யாண வீடுகளில் பரிமாறப்படும் அந்த மணம் மிக்க, நாவில் கரையும் உருளைக்கிழங்கு போடிமாஸ் சுவையை உங்கள் வீட்டிலேயே கொண்டு வர ஆசையா? உருளைக்கிழங்கு என்றாலே சிறியவர்கள் முதல் பெரியவர்கள் வரை அனைவருக்கும் பிடிக்கும், அதிலும் குறிப்பாக ஹோட்டல் மற்றும் விசேஷ வீடுகளில் செய்யப்படும் பொடிமாஸ் ஒரு தனித்துவமான சுவை மற்றும் மணத்தைக் கொண்டிருக்கும்.
இந்த உருளைக்கிழங்கு பொடிமாஸ் செய்வதற்கு மிகக் குறைந்த நேரமே போதுமானது, ஆனால் இதன் சுவை நீண்ட நேரம் உங்கள் நாவிலேயே நிலைத்து நிற்கும். இதில் நாம் சேர்க்கும் இஞ்சி, பூண்டு மற்றும் கறிவேப்பிலை மணம் செரிமானத்திற்கு பெரிதும் உதவுவதோடு, உடலுக்குத் தேவையான உடனடி ஆற்றலையும் வழங்குகிறது.
அலுவலகம் செல்லும் கணவருக்கோ அல்லது பள்ளிக்குச் செல்லும் குழந்தைகளுக்கோ லஞ்ச் பாக்ஸிற்கு இது ஒரு வரப்பிரசாதம் என்றே சொல்லலாம். ஏனெனில் இது நீண்ட நேரம் கெட்டுப் போகாமல் இருப்பதோடு, ஆறிய பிறகும் அதன் சுவை சற்றும் குறையாது.
இந்த சுவையான கல்யாண வீட்டு உருளைக்கிழங்கு போடிமாஸ் செய்முறைக்குள் விரிவாகச் செல்வோம்.
தேவையான பொருட்கள்
- உருளைக்கிழங்கு - 3 பெரியது (வேகவைத்தது)
- பெரிய வெங்காயம் - 2 (பொடியாக நறுக்கியது)
- பச்சை மிளகாய் - 3 (காரத்திற்கு ஏற்ப)
- இஞ்சி பூண்டு விழுது - 1 டீஸ்பூன்
- மஞ்சள் தூள் - 1/4 டீஸ்பூன்
- கடுகு - 1 டீஸ்பூன்
- உளுத்தம் பருப்பு - 1 டீஸ்பூன்
- கடலைப் பருப்பு - 1 டேபிள் ஸ்பூன்
- கறிவேப்பிலை - ஒரு கொத்து
- கொத்தமல்லி தழை - சிறிதளவு
- பெருங்காயத் தூள் - ஒரு சிட்டிகை
- எண்ணெய் - 2 டேபிள் ஸ்பூன்
- உப்பு - தேவையான அளவு
செய்முறை விளக்கம்
- முதலில், உருளைக்கிழங்கை நன்றாக வேகவைத்து, அதன் தோலை உரித்துவிட்டு, கைகளால் லேசாக மசித்துக் கொள்ள வேண்டும்; மிக நைசாக மசிக்காமல் சிறு சிறு துண்டுகள் இருக்குமாறு பார்த்துக் கொள்ளவும்.
- பின், ஒரு வாணலியில் எண்ணெய் ஊற்றி சூடானதும் கடுகு, உளுத்தம் பருப்பு மற்றும் கடலைப் பருப்பு சேர்த்து அவை பொன்னிறமாகும் வரை மிதமான தீயில் வைத்து வதக்க வேண்டும்.
- அடுத்து, பொடியாக நறுக்கிய வெங்காயம், கீறிய பச்சை மிளகாய் மற்றும் கறிவேப்பிலை சேர்த்து வெங்காயம் கண்ணாடி பதம் வரும் வரை நன்கு வதக்க வேண்டும்.
- பிறகு, இஞ்சி பூண்டு விழுது சேர்த்து அதன் பச்சை வாசனை முழுமையாகப் போகும் வரை வதக்கி, பின் மஞ்சள் தூள், பெருங்காயத் தூள் மற்றும் தேவையான அளவு உப்பு சேர்க்க வேண்டும்.
- இறுதியாக, மசித்து வைத்துள்ள உருளைக்கிழங்கைச் சேர்த்து மசாலாவுடன் நன்கு கலந்து, 5 நிமிடங்கள் சிறு தீயில் (Low Flame) வைத்து கிளறி, கொத்தமல்லி தழை தூவி இறக்கினால் சுவையான போடிமாஸ் தயார்.
உருளைக்கிழங்கு என்றால் குழந்தைகளுக்கு பிடிக்கும் என்பதால் அதை எந்த வகையில் செய்து கொடுத்தாலும் சாப்பிடுவர் என்பதால் வளரும் குழந்தைகளுக்கு கொடுக்கலாம்.