வீட்டில் இருந்து வேலை செய்பவர்கள் (WFH) தங்கள் லேப்டாப், மேஜையை எந்தத் திசையில் வைக்க வேண்டும்?

அந்த வகையில், வீட்டில் இருந்து வேலை செய்பவர்கள் தங்களின் லேப்டாப் மற்றும் மேஜையை எந்தத் திசையில் வைக்க வேண்டும், எங்கு அமர்ந்தால் வேலைகளில் வெற்றி கிடைக்கும் என்பது குறித்த சுவாரஸ்யமான வாஸ்து வழிகாட்டுதல்களை பார்க்கலாம்.

1. எந்தத் திசை நோக்கி அமர வேண்டும்?

வீட்டில் வேலை செய்யும்போது நீங்கள் அமரும் திசைதான் உங்கள் கவனத்தையும், புதிய சிந்தனைகளையும் (Creativity) தீர்மானிக்கிறது.

வடக்கு திசை (North): வாஸ்து சாஸ்திரத்தில் வடக்கு திசை குபேரனுக்குரியதாகக் கருதப்படுகிறது. புதிய வேலை வாய்ப்புகளைத் தேடுபவர்கள், ஐடி (IT) துறையினர் மற்றும் நிதித்துறையில் (Finance) இருப்பவர்கள் வடக்கு நோக்கி அமர்ந்து வேலை செய்வது அதிக லாபத்தையும், தொழில் வளர்ச்சியையும் தரும்.

கிழக்கு திசை (East): கிழக்கு திசை சூரியனுக்குரியது; இது ஆற்றலையும், தலைமைப் பண்பையும் குறிக்கும். எழுத்தாளர்கள், மார்க்கெட்டிங் துறையினர், ஆலோசகர்கள் மற்றும் நிர்வாகத் துறையில் (Management) இருப்பவர்கள் கிழக்கு நோக்கி அமர்ந்து வேலை செய்யும்போது புதிய ஐடியாக்கள் பிறக்கும்; நிர்வாகத் திறன் கூடும்.

வேலை செய்யும்போது ஒருபோதும் தெற்கு (South) அல்லது மேற்கு (West) திசையைப் பார்த்தவாறு அமரக் கூடாது. இது சோர்வையும், தேவையற்ற மன அழுத்தத்தையும் ஏற்படுத்தும்.

லேப்டாப் மற்றும் மேஜை எங்கு இருக்க வேண்டும்?

உங்கள் வீட்டில் வேலை செய்வதற்கான பிரத்யேக மேஜையை (Work Desk) அமைக்கும் போது பின்வரும் விதிகளையும் கவனிக்க வேண்டும்.

தென்மேற்கு மூலை (South-West): வீட்டின் தென்மேற்கு பகுதி நிலைத் தன்மையைக் குறிக்கும். எனவே, உங்கள் வேலைக்கான மேஜையை வீட்டின் தென்மேற்கு பகுதியில் அமைப்பது உங்கள் வேலையில் நிலையான உயர்வையும், பதவி உயர்வையும் (Promotion) தேடித் தரும்.

மேஜையின் வடகிழக்கு (North-East): உங்கள் மேஜை மீது லேப்டாப், கம்ப்யூட்டர் போன்ற மின்னணு சாதனங்களை வைக்கும் போது, அவற்றை மேஜையின் வடக்கு, கிழக்கு அல்லது வடகிழக்கு பகுதியில் வைப்பது நேர்மறை ஆற்றலைத் தூண்டும்.

மேஜை வடிவம்: வேலை செய்யும் மேஜை எப்போதும் சதுரம் (Square) அல்லது செவ்வக (Rectangle) வடிவத்தில் மட்டுமே இருக்க வேண்டும். வட்ட வடிவ அல்லது எல்-ஷேப் (L-Shape) மேஜைகளைத் தவிர்ப்பது நல்லது.

கவனிக்க வேண்டிய பிற முக்கிய வாஸ்து டிப்ஸ்

சுவர் பின்னணி: நீங்கள் அமரும் நாற்காலிக்குச் சரியாகப் பின்புறம் ஜன்னலோ அல்லது கதவோ இருக்கக் கூடாது. முதுகுக்குப் பின்னால் பலமான சுவர் இருப்பது போன்ற அமைப்பே உங்களுக்குப் பணியிடத்தில் நல்ல ஆதரவையும் (Support) தன்னம்பிக்கையையும் தரும்.

படுக்கையறையைத் தவிர்க்கவும்: முடிந்தவரை படுக்கையறையில் (Bedroom) அமர்ந்து வேலை செய்வதைத் தவிர்க்கவும். இது தூக்கக் கலக்கத்தையும் மந்தநிலையையும் கொடுக்கும். வேறு வழியின்றி படுக்கையறையில் மேஜை அமைத்தால், படுக்கை (Bed) உங்கள் கண்ணில் படாதவாறு பார்த்துக் கொள்ளுங்கள்.

வெளிச்சம்: வேலை செய்யும் இடத்திற்குப் போதுமான இயற்கை வெளிச்சம் (Natural Light) வர வேண்டும். இருண்ட அறையில் வேலை செய்வது எதிர்மறை ஆற்றலை அதிகரிக்கும்.

வீட்டில் வேலை செய்யும் இடத்தில் இந்தச் சிறிய வாஸ்து மாற்றங்களைச் செய்வதன் மூலம், கவனச்சிதறல்களைத் தவிர்த்து, உங்கள் செயல்திறனை அதிகரித்து பணியில் பெரிய வெற்றிகளைப் பெற முடியும் என்று வாஸ்து நிபுணர்கள் குறிப்பிடுகின்றனர்.