எம்எல்ஏக்களுக்கு கார்.. இப்போ இதுதான் அவசியமா? ஜேம்ஸ் வசந்தன் கேள்வி.. கொந்தளிக்கும் சமூக வலைத்தளம்

விவசாயிகள் தொடங்கி பல்வேறு தரப்பினரும் தங்களுடைய பிரச்சனைகளுக்காக போராடிக் கொண்டிருக்கிறார்கள். பல துறைகளும் பல்வேறு சிக்கல்களை சந்தித்து கொண்டிருக்கின்றனர். இந்த சூழலில் மக்கள் பணத்தில் எம்எல்ஏக்களுக்கு சொகுசு வசதிகளை ஏற்படுவது எவ்வளவு அவசியம் என்பதுதான் ஜேம்ஸ் வசந்தனின் கேள்வியின் மையம். அவருடைய பதிவில் இன்னொரு விஷயத்தையும் கடுமையாக சுட்டிக்காட்டி இருக்கிறார்.

தனது பணத்தை வழங்காமல் நம் பணத்தை உதறித்தனமாக அள்ளி வீசுகிறார் என்று விமர்சித்திருக்கிறார். ஏற்கனவே மக்கள் பிரதிநிதிகளுக்கு சம்பளம் மற்றும் பல்வேறு படிகள் இருக்கும்போது அதற்கு மேலாக கார் பராமரிப்பு, உதவியாளர் என கூடுதல் செலவுகளை அரசு ஏற்க வேண்டுமா? என்றும் கேள்வி எழுப்பியுள்ளார்.

சட்டமன்ற உறுப்பினர்களின் சம்பளம்

உண்மையில் தமிழக சட்டமன்ற உறுப்பினர்களுக்கு ஏற்கனவே சம்பளம் மற்றும் பல்வேறு பணிகள் வழங்கப்படுகின்றன. 2024 ஆம் ஆண்டு சட்டப்பேரவை வெளியிட்ட வசதி விவரங்களின்படி சம்பளம் மற்றும் பல்வேறு மாதாந்திர படிகள் சேர்த்து மொத்தம் 1.05 லட்சம் வழங்கப்படுவதாக குறிப்பிடப்பட்டுள்ளது அதனால் இப்போது அறிவிக்கப்பட்டிருக்கும் மாதம் 75 ஆயிரம் வாகன செலவு மற்றும் 25 ஆயிரம் உதவியாளர் செலவு ஏற்கனவே இருக்கும் சலுகைகளுக்கு மேலான கூடுதல் அரசு செலவாகிறது என்று விமர்சித்து இருக்கிறார்.

மக்கள் விவாதம்

இந்த பதிவை சிலர் வரவேற்று இருக்கின்றனர் இன்னும் ஒரு சிலர் விஜய் அறிவித்த இந்த சலுகைகள் ஏற்க முடியாது மக்களுக்கு எவ்வளவோ தேவைகள் இருக்கிறது. அதை விட்டுவிட்டு பல கார்கள் வைத்திருக்கும் எம்எல்ஏக்களுக்கு இப்போ புதியதாக ஒரு கார் கொடுக்க வேண்டிய அவசியம் என்ன? என்று கேள்வி எழுப்புகின்றனர். ஏற்கனவே முந்தைய அரசு கஜானாவை காலி பண்ணி வைத்திருந்தது என்று சொன்னார்கள். ஆனால் இப்போ இவர்கள் செய்கிற செலவை பார்த்தால் கடன் மேல் கடன் வாங்கி மக்கள் தலையில் தான் மொத்தமாக விடிய போகிறதா? என்றும் குரல் கொடுத்து இருக்கிறார்கள்.

மக்கள் பணத்தை மக்களுக்காக செலவு செய்ய வேண்டும் என்பதில் யாருக்கும் மாற்றிக் கருத்து இருக்க முடியாது. ஆனால் எம்.எல்.ஏக்களின் பணியை சிறப்பாக செய்ய இந்து செலவு உண்மையிலேயே அவசியமா? அல்லது தேவையற்ற சலுகையா? என்பதுதான் இப்போ விவாதமாகி வருகிறது.