சென்னை: 'கட்டா குஸ்தி 2' திரைப்படம் திரையரங்குகளில் நல்ல வரவேற்பைப் பெற்று ஓடிக்கொண்டிருக்கும் நிலையில், அந்த படத்தின் நாயகி ஐஸ்வர்யா லட்சுமி தற்போது சமூக வலைதளங்களிலும் டிரெண்டாகி வருகிறார். இந்த முறை படத்தால் மட்டும் அல்ல... ரசிகர் ஒருவர் சொன்ன ஒரு பாராட்டுக்கே அவர் கொடுத்த ரியாக்ஷன்தான் இணையத்தை முழுக்க ஆக்கிரமித்துள்ளது.
படத்தை ரசிகர்களுடன் சேர்ந்து பார்க்க ஐஸ்வர்யா லட்சுமி திரையரங்குக்கு வந்திருந்தார். சிவப்பு நிற புடவையில் காரிலிருந்து இறங்கி வந்த அவரை பார்த்த ரசிகர்கள் ஆரவாரமாக வரவேற்றனர். அந்த கூட்டத்தில் இருந்த ஒருவர், "மேடம்... நீங்க ரொம்ப அழகா இருக்கீங்க... இந்த சிவப்பு புடவை உங்களுக்கு செம்மையாக இருக்கு... நயன்தாராவை விட நீங்க கலக்குறீங்க!" என்று சத்தமாக கூறினார்.
{image-gattakusthi2-73061783072028jpg tamil.oneindia.com}
வெட்கத்தில் ஐஸ்வர்யா லட்சுமி
அந்த ஒரு வார்த்தையை கேட்டதும் ஐஸ்வர்யா லட்சுமியால் சிரிப்பை அடக்க முடியவில்லை. வெட்கத்தில் முகத்தை கையால் மூடிக்கொண்டு சிரித்தபடி நின்றார். பிறகு மீண்டும் புன்னகையுடன் ரசிகர்களை பார்த்து கையசைத்து உள்ளே சென்றார். அந்த சில நொடிகள் வீடியோவாக பதிவு செய்யப்பட்டு தற்போது இன்ஸ்டாகிராம், எக்ஸ், பேஸ்புக் என அனைத்து சமூக வலைதளங்களிலும் வேகமாக பகிரப்பட்டு வருகிறது.
இந்த வீடியோவை பார்த்த ரசிகர்கள், "இவ்வளவு பெரிய நடிகையாக இருந்தும் எந்த பந்தாவும் இல்லாமல் இவ்வளவு எளிமையாக இருக்கிறாரே!", "அவரோட சிரிப்பே பெரிய அழகு", "வெட்கப்பட்டு சிரிச்ச அந்த ஒரு ரியாக்ஷனே போதும்... அதனால்தான் ஐஸ்வர்யா லட்சுமிக்கு இவ்வளவு ரசிகர்கள்" என்று கமெண்ட் செய்து வருகிறார்கள்.
Gatta Kusthi 2: கட்டா குஸ்தி 2 ரிவ்யூவை தாண்டி ரசிகர்களை பேச வைத்த 5 விஷயங்கள்.. விஷ்ணு விஷால் மீண்டும் வெற்றி பாதையில்!
ஐஸ்வர்யா லட்சுமி பயோகிராபி
டாக்டர் படிப்பை முடித்த பிறகும் சினிமா மீது இருந்த ஆர்வத்தால் நடிப்பை செலக்ட் செய்த ஐஸ்வர்யா லட்சுமி, மலையாள சினிமாவில் தொடங்கி இன்று தமிழ், தெலுங்கு உள்ளிட்ட பல மொழிகளில் தனக்கென ஒரு இடத்தை உருவாக்கியிருக்கிறார். 'ஜகமே தந்திரம்', 'கார்கி', 'பொன்னியின் செல்வன்', 'மாமன்' போன்ற படங்களில் வித்தியாசமான கதாபாத்திரங்களை தேர்வு செய்து ரசிகர்களின் கவனத்தை பெற்றார்.
{image-gattakusthi22-72221783072028jpg tamil.oneindia.com}
கட்டா குஸ்தி பட நடிகை
இப்போது 'கட்டா குஸ்தி 2' படத்திலும் குஸ்தி வீராங்கனையாகவும், அதே நேரத்தில் குடும்ப உணர்வுகளை வெளிப்படுத்தும் மனைவியாகவும் நடித்திருப்பது பாராட்டுகளை குவித்து வருகிறது. குறிப்பாக விஷ்ணு விஷாலுடன் அவருடைய கெமிஸ்ட்ரி, குழந்தையுடன் வரும் எமோஷனல் காட்சிகள், ஆக்ஷன் சீன்கள் என பல அம்சங்கள் ரசிகர்களிடம் நல்ல வரவேற்பை பெற்றுள்ளன.
Gatta Kusthi 2: கட்டா குஸ்தி 2 எப்படி இருக்கு? விஷ்ணு விஷால்- ஐஸ்வர்யா லட்சுமி கூட்டணி மாஸா? வேஸ்டா? ரிவ்யூ இதோ!
அதனால்தான் தற்போது படம் மட்டும் அல்ல... திரையரங்குக்கு வந்த ஐஸ்வர்யா லட்சுமியின் அந்த வெட்க சிரிப்பும் இணையத்தில் தனி ட்ரெண்டாக மாறியுள்ளது. "திரையில் அழகு... நிஜ வாழ்க்கையில் அதைவிட எளிமை" என்று ரசிகர்கள் பகிர்ந்து வரும் இந்த வீடியோ, சமூக வலைதளங்களில் தொடர்ந்து வைரலாகி வருகிறது.