தனுஷ் தான் என் கடவுள்.. ஸ்கூல் படிக்கும்போது இருந்தே செய்த உதவி! பாபா பாஸ்கர் உருக்கம்

பாபா பாஸ்கர் பேச்சு

அதன்பிறகு சினிமாவிற்கு வந்த காலத்தையும் நினைவுகூர்ந்த அவர், "நான் சினிமாவில் இன்று இந்த இடத்தில் நிற்பதற்கு தனுஷ் செய்த உதவிகள் மிகப்பெரியது. அவர் இல்லையென்றால் என் திரைப்பயணம் இவ்வளவு தூரம் வந்திருக்காது. பலருக்கு தெரியாமல் பல நேரங்களில் எனக்கு துணையாக நின்றவர் தனுஷ்" என்று நெகிழ்ச்சியுடன் தெரிவித்தார்.

அதுமட்டுமல்லாமல், "என் மகன் பிறந்த நாள் என் வாழ்க்கையின் மிகப்பெரிய சந்தோஷமான தருணம். அப்போது என் மகனுக்கு பெயர் வைக்க வேண்டும் என்று நான் தனுஷிடம் சொன்னேன். எந்த தயக்கமும் இல்லாமல் அவர் நேரில் வந்து, என் மகனுக்கு பெயர் வைத்தார். அந்த தருணத்தை நான் வாழ்நாள் முழுவதும் மறக்க முடியாது" என்று கூறியபோது, அரங்கமே கைதட்டலால் அதிர்ந்தது.

நடிகர் அரசியல்வாதியாக கூடாதா? அதுவும், ஓம் சக்தி... பராசக்தி டயலாக்.. வில்லங்க கேள்விக்கு MS பாஸ்கர் பதிலடி

ரசிகர்களின் கருத்து

பாபா பாஸ்கரின் இந்த பேச்சு தற்போது இணையத்தில் ரசிகர்களால் பகிரப்பட்டு வருகிறது. சமீப காலமாக தனுஷ் குறித்து பல்வேறு விமர்சனங்களும் சர்ச்சைகளும் சமூக வலைதளங்களில் பேசப்பட்டு வரும் நிலையில், அவரால் உதவி பெற்றவர்கள் தொடர்ந்து வெளிப்படையாக நன்றி தெரிவித்து பேசுவது ரசிகர்களிடையே புதிய விவாதத்தை ஏற்படுத்தியுள்ளது.

பலரும், "ஒரு மனிதரின் குணத்தை அவரைப் பற்றி பேசும் நெருக்கமான நண்பர்களின் வார்த்தைகளில்தான் உணர முடியும். பாபா பாஸ்கர் பேசிய ஒவ்வொரு வார்த்தையிலும் உண்மையான நன்றியுணர்வு தெரிகிறது" என்று கருத்து தெரிவித்து வருகின்றனர்.

கர படத்தில் அடையாளம் தெரியாமல் மாறிய எம்எஸ் பாஸ்கர்.. இப்படி ஒரு கேரக்டரில் நடித்திருக்கிறாரே!

பாபா பாஸ்கர் பின்னணி

நடன இயக்குநராக தமிழ், தெலுங்கு உள்ளிட்ட பல மொழிகளில் ஏராளமான படங்களில் பணியாற்றியுள்ள பாபா பாஸ்கர், தனது எளிமையான குணத்தாலும் காமெடி கலந்த பேச்சாலும் ரசிகர்களிடம் தனி இடத்தைப் பிடித்தவர். தொலைக்காட்சி நிகழ்ச்சிகளிலும் நடுவராகவும், சிறப்பு விருந்தினராகவும் தொடர்ந்து பங்கேற்று வருகிறார்.

அதேபோல் நடிகர் தனுஷ், தேசிய விருது பெற்ற நடிகராக மட்டுமல்லாமல், இயக்குநர், தயாரிப்பாளர், பாடலாசிரியர், பாடகர் என பல துறைகளில் தனது திறமையை நிரூபித்துள்ளார். தனது திரைப்பயணத்தில் பல புதிய திறமைகளை அறிமுகப்படுத்தியதோடு, திரைக்குப் பின்னாலும் பலருக்கு உதவி செய்து வருவதாக அவருடன் பணியாற்றிய பல பிரபலங்கள் பல்வேறு நேரங்களில் பகிர்ந்துள்ளனர்.