உருவத்தை பார்த்து சிரித்தவர்கள் இன்று மகளை பார்த்து வியக்கிறார்கள்... டிஷ்யூம் பட நடிகர் கின்னஸ் பக்ரு நெகிழ்ச்சி

பல ஆண்டுகளாக திரையுலகில் பயணித்து வரும் அவர், சமீபத்தில் தனது வாழ்க்கையில் மிகவும் உணர்ச்சிகரமான ஒரு தருணத்தை ரசிகர்களுடன் பகிர்ந்து கொண்டுள்ளார். அதுதான் அவரது மகளின் பரதநாட்டிய அரங்கேற்ற விழா.

மகள் பற்றி பெருமிதம்

தனது சமூக வலைதளப் பக்கத்தில் மகளின் அரங்கேற்ற நிகழ்ச்சியின் புகைப்படங்களை பகிர்ந்த கின்னஸ் பக்ரு, நெகிழ்ச்சியான பதிவையும் வெளியிட்டுள்ளார். அதில் தனது மகளின் வாழ்க்கையில் முக்கியமான நாளாக இந்த அரங்கேற்றத்தை குறிப்பிட்ட அவர், நிகழ்ச்சியை வெற்றிகரமாக நடத்த உதவிய குருமார்கள், கலை ஆசிரியர்கள் மற்றும் அனைவருக்கும் நன்றி தெரிவித்துள்ளார்.

புகைப்படங்களில் பாரம்பரிய பரதநாட்டிய உடையில் மேடையில் கம்பீரமாக நிற்கும் அவரது மகள் பலரது கவனத்தையும் ஈர்த்துள்ளார். குறிப்பாக அரங்கேற்றத்துக்கு முன் காலில் சலங்கை கட்டப்படும் தருணத்தில் குடும்பத்தினர் சுற்றி நிற்கும் புகைப்படம் சமூக வலைதளங்களில் அதிகம் பகிரப்பட்டு வருகிறது.

குவியும் கமெண்ட்ஸ்

இந்த புகைப்படங்களை பார்த்த ரசிகர்கள் பலரும், "நேற்று வரை கையில் தூக்கிக்கொண்டு இருந்த குழந்தை இன்று பரதநாட்டிய அரங்கேற்றம் செய்யும் அளவுக்கு வளர்ந்துவிட்டாளே" என்று ஆச்சரியத்துடன் கருத்து தெரிவித்து வருகின்றனர்.

மற்றொரு தரப்பினர், "கின்னஸ் பக்ருவின் மகள் மிகவும் அழகாகவும் தன்னம்பிக்கையுடனும் இருக்கிறார்", "அப்பாவுக்கு பெருமை சேர்த்திருக்கிறார்" என்று வாழ்த்துகளை தெரிவித்து வருகின்றனர்.

கின்னஸ் பக்ருவின் வாழ்க்கை எப்போதுமே பலருக்கும் ஒரு உத்வேகமான கதையாகவே இருந்து வருகிறது. உடல் உயரம் குறைவாக இருப்பதை காரணம் காட்டி பலர் அவரை ஒதுக்க முயன்றாலும், அதை பலமாக மாற்றிக் கொண்டு அவர் சினிமாவில் முன்னேறினார். பல ஆண்டுகளாக தொடர்ந்து நடித்ததன் மூலம் ஆயிரக்கணக்கான ரசிகர்களை சம்பாதித்துள்ளார்.

சாதனை

அவரது பெயருக்கு முன்னால் இருக்கும் "கின்னஸ்" என்ற அடைமொழியும் சாதாரணமாக வந்ததல்ல. உலக சாதனை புத்தகத்தில் இடம்பிடித்ததன் மூலம் அவருக்கு அந்த பெருமை கிடைத்தது. அதன்பிறகு ரசிகர்கள் அவரை அன்புடன் கின்னஸ் பக்ரு என்றே அழைத்து வருகின்றனர்.

ஒரு காலத்தில் தனது உயரத்தை வைத்து கேலி செய்தவர்களே இன்று அவரது வெற்றியை பாராட்டும் நிலை ஏற்பட்டுள்ளது. அதேபோல் தற்போது அவரது மகளின் இந்த சாதனையையும் பலரும் கொண்டாடி வருகின்றனர்.

Jananayagan Audio Launch: கின்னஸ் சாதனையை நோக்கி ஜனநாயகன் ஆடியோ லான்ச், இத்தனை ஏற்பாடு நடக்குதாம்!

திரையுலகில் போராடி வெற்றி பெற்ற ஒரு தந்தையின் மகள் இன்று மேடையில் கலைஞராக ஜொலிக்கும் தருணம் என்பதால், இந்த நிகழ்ச்சி ரசிகர்களிடையே கூடுதல் கவனத்தை பெற்றுள்ளது. சமூக வலைதளங்களில் கின்னஸ் பக்ருவின் இந்த பதிவு தற்போது வைரலாக பரவி வரும் நிலையில், அவரது மகளுக்கு திரையுலக பிரபலங்களும் ரசிகர்களும் வாழ்த்துகளை தெரிவித்து வருகின்றனர்.

"ஒரு நடிகரின் வெற்றியை விட, ஒரு தந்தையாக தனது மகளின் சாதனையை பெருமையாக பார்த்து நெகிழும் இந்த தருணம்தான் பெரிய வெற்றி" என்று பலரும் கருத்து பதிவிட்டு வருகின்றனர். அதனால் கின்னஸ் பக்ருவின் இந்த குடும்ப தருணம் தற்போது இணையத்தில் ரசிகர்களை நெகிழ வைத்துள்ளது.