ராதா மகளா இது? “கோ” பட நடிகை வீட்டில் மகிழ்ச்சி செய்தி.. கணவருடன் சந்தோஷத்தை பகிர்ந்த கார்த்திகா

நடிகை கார்த்திகா நாயர் திருமணம்

நடிகை கார்த்திகா நாயருக்கு தொழிலதிபர் ரோஹித்துடன் கடந்த 2013 ஆம் ஆண்டு திருமணம் நடைபெற்றது. அந்த திருமணத்தில் மலையாளம், தமிழ், தெலுங்கு திரை உலகை சேர்ந்த பல முக்கிய பிரபலங்களும் கலந்து கொண்டு மணமக்களை வாழ்த்தி இருந்தனர். ஆனால் திருமணத்திற்கு பிறகு சினிமாவை விட்டு விலகிய கார்த்திகா உடல் எடை கூடி ஆளே அடையாளம் தெரியாத அளவிற்கு மாறியிருக்கிறார்.

ஆளே மாறிய கார்த்திகா

சமீபத்தில் ராதாவின் அம்மா இறப்பின் போது கார்த்திகா மற்றும் அவருடைய தங்கச்சி துளசி இருவருடைய புகைப்படங்களும் ரசிகர்களுக்கு அதிர்ச்சியை ஏற்படுத்தியது. கார்த்திகா லண்டனில் படித்திருந்தாலும் முதலில் தனக்கு சினிமாவில் நடிக்க விருப்பமே இல்லை என்று கூறியிருந்தார். ஆனால் அதற்கு பிறகு கேவி ஆனந்த் இயக்கத்தில் நடிகர் ஜீவா நடித்த கோ திரைப்படத்தின் மூலம் சினிமாவில் கதாநாயகியாக அறிமுகமானார்.

கார்த்திகா வீட்டில் விசேஷம்

முதல் படமே அவருக்கு பெரிய அளவில் பெயர் வாங்கி கொடுத்தது. அதனால் கார்த்திகாவுக்கு அடுத்தடுத்த பலமொழிகளிலும் வாய்ப்பு வந்தது. தமிழில் அன்னக்கொடி, புறம்போக்கு என்கிற பொதுவுடமை, தெலுங்கு, மலையாளம் உட்பட பலமொழிகளின் நடித்தார். ஆனால் அம்மா ராதாவைப் போல ரொம்ப நாட்கள் சினிமாவில் தொடராமல் சில வருடங்களிலேயே சினிமாவை விட்டு விலகிவிட்டார்.

நடிகை கார்த்திகா நாயர் வீட்டில் விசேஷம்.. வாழ்த்து தெரிவித்த அம்மா ராதா.. க்யூட்டான கேப்ஷன்
அதுபோல ராதாவின் இளைய மகள் துளசியும் நடிகையாக அறிமுகமானார். மணிரத்தினம் இயக்கத்தில் கௌதம் கார்த்திக் ஜோடியாக கடல் படத்தில் நடித்தார். ஆனால் அதற்கு பிறகு அவரும் சினிமாவை விட்டு விலகி விட்டார். இந்த நிலையில் தான் இப்போது கார்த்திகாவின் வீட்டு கிரகப்பிரவேச வீடியோ சோசியல் மீடியாவில் பலருடைய கவனத்தை ஈர்த்து வருகிறது.