சென்னை: ரஜினிகாந்த் நடிப்பில் நெல்சன் இயக்கிய ஜெயிலர் 2 திரைப்படம் வெளியாகி 20 நாட்களை கடந்துவிட்டது. முதல் வாரத்தில் இருந்த அதிரடியான வசூல் இப்போது குறைந்திருந்தாலும், உலகளவில் ரூ.800 கோடி என்ற மைல்கல்லை தாண்டி படம் தொடர்ந்து கவனம் ஈர்த்து வருகிறது. குறிப்பாக, நவம்பர் 2-ம் தேதி திங்கட்கிழமை ரூ.3.40 கோடி வசூல் செய்திருந்த நிலையில், நேற்று நவம்பர் 3-ம் தேதி செவ்வாய்க்கிழமை ரூ.3.35 கோடி நெட் வசூல் கிடைத்துள்ளதாக பாக்ஸ் ஆபீஸ் கணிப்புகள் தெரிவிக்கின்றன.
ஜெயிலர் படத்தின் முதல் பாகத்துக்கு கிடைத்த வரவேற்பை தொடர்ந்து இரண்டாம் பாகத்துக்கும் ரசிகர்கள் மத்தியில் பெரிய எதிர்பார்ப்பு இருந்தது. அந்த எதிர்பார்ப்புக்கு ஏற்ற மாதிரி அக்டோபர் 15-ம் தேதி வெளியான முதல் நாளிலிருந்தே படம் வசூலில் வேகமாக முன்னேறியது. ரஜினிகாந்தின் முத்துவேல் பாண்டியன் கதாபாத்திரம், நெல்சனின் காமெடி கலந்த ஆக்ஷன் காட்சிகள் என ரசிகர்களை திரையரங்குகளுக்கு வரவைத்த பல விஷயங்கள் படத்தில் இருந்தன.
முதல் வாரத்தில் கிடைத்த வசூல் படத்துக்கு மிகப்பெரிய பலமாக அமைந்தது. 8 நாட்கள் முடிவில் இந்தியாவில் மட்டும் ரூ.334.35 கோடி நெட் வசூல் கிடைத்ததாக தகவல் வெளியாகி இருக்கிறது. இரண்டாவது வாரத்தில் வசூல் வேகம் குறைந்தாலும், அந்த வாரத்தில் மட்டும் இந்தியாவில் ரூ.95.55 கோடி நெட் வசூலை பெற்றது. இதனால் இரண்டு வாரங்களின் முடிவிலேயே படம் பெரிய வசூல் சாதனையை நோக்கி நகர்ந்தது. 3வது வார இறுதியிலும் ஜெயிலர் 2 ரசிகர்களை திரையரங்குகளுக்கு அழைத்து வந்தது. அக்டோபர் 30-ம் தேதி வெள்ளிக்கிழமை ரூ.5.50 கோடி வசூல் செய்த படம், சனிக்கிழமை ரூ.9.70 கோடியாக உயர்ந்தது. ஞாயிற்றுக்கிழமை மேலும் அதிகரித்து ரூ.11.20 கோடி நெட் வசூலைப் பெற்றது. இதை பார்த்த ரசிகர்கள் வார இறுதியில் படம் மீண்டும் வேகம் பிடித்து விட்டது என்று கொண்டாடினர். ஆனால் திங்கட்கிழமை வந்ததும் வழக்கம்போல வசூல் குறைந்தது. நவம்பர் 2-ம் தேதி ரூ.3.40 கோடி நெட் வசூல் கிடைத்தது. இதற்கு பிறகு நேற்று செவ்வாய்க்கிழமை ரூ.3.35 கோடி வசூல் செய்திருக்கிறது. ஞாயிற்றுக்கிழமை வசூலுடன் ஒப்பிடும்போது இது குறைவுதான் என்றாலும், திங்கட்கிழமை வசூலைவிட பெரிய அளவில் சரிவு ஏற்படவில்லை என்பதையும் கவனிக்க வேண்டும். இப்போது மொத்த வசூல் கணக்கை பார்த்தால் ரசிகர்களுக்கு இன்னொரு முக்கியமான செய்தி இருக்கிறது. நவம்பர் 3-ம் தேதி முடிவில் இந்தியாவில் ஜெயிலர் 2 படத்தின் நெட் வசூல் சுமார் ரூ.463.05 கோடியாகவும், இந்திய கிராஸ் வசூல் ரூ.541.65 கோடியாகவும் இருப்பதாக Sacnilk கணித்துள்ளது. வெளிநாடுகளில் கிடைத்துள்ள வசூல் சுமார் ரூ.275.25 கோடி. இதையெல்லாம் சேர்த்தால் உலகளவில் படத்தின் மொத்த வசூல் ரூ.816.90 கோடியை தொட்டிருக்கிறது. மொத்தத்தில், 20 நாட்கள் முடிவில் ரூ.816 கோடிக்கும் அதிகமான உலகளாவிய வசூலை பெற்றிருப்பது சாதாரணமான விஷயம் கிடையாது. அதே நேரத்தில், ரூ.850 கோடியை தொடுமா அல்லது தற்போதைய வசூல் வேகத்திலேயே பயணத்தை முடித்துக்கொள்ளுமா என்ற எதிர்பார்ப்பும் ரசிகர்கள் மத்தியில் உருவாகியிருக்கிறது. அடுத்த சில நாட்களின் வசூல்தான் இதற்கு பதில் சொல்லும்.ஜெயிலர் 2 வசூல் நிலவரம்
3வது வார வசூல்
மொத்த வசூல்