விஜய்யின் அரசியல் எப்படி இருக்கு? ஒரு வார்த்தையில் ரஜினி ஸ்டைலில் பதில் சொன்ன லதா.. இப்படி சொல்லிட்டாங்களே?

லதா ரஜினிகாந்த் பதில்

நிகழ்ச்சியில் பேசிய லதா ரஜினிகாந்திடம், "முதலமைச்சர் விஜயின் கடந்த 30 நாட்கள் அரசியல் செயல்பாடு பற்றி என்ன நினைக்கிறீர்கள்?" என்ற கேள்வி எழுப்பப்பட்டது. அதற்கு அவர் முதலில், "நான் இதற்கு பதில் சொல்ல விரும்பவில்லை" என்று சுருக்கமாக கூறினார்.

ஆனால் மீண்டும் செய்தியாளர்கள் கேள்வி எழுப்பியபோது, "இப்போதுதான் அவர் தனது அரசியல் பயணத்தை தொடங்கியிருக்கிறார். கொஞ்சம் காலம் செல்லட்டும். அதன் பிறகு அவரது செயல்பாடுகளை மதிப்பிடலாம். இப்போது எதையும் சொல்ல முடியாது" என்று பதிலளித்தார். இந்த பதிலை பார்த்த பலரும், "இது ரஜினிகாந்த் ஸ்டைல் பதில்" என்று சமூக வலைதளங்களில் கருத்து தெரிவித்து வருகின்றனர்.

ரஜினியின் நோ கமெண்ட்ஸ் பாணியா?

பல ஆண்டுகளாக அரசியல் தொடர்பான கேள்விகள் எழும்போதெல்லாம் ரஜினிகாந்த் "நோ கமெண்ட்ஸ்" என்று கூறி சர்ச்சைகளில் இருந்து விலகுவது வழக்கம். அதே பாணியில் தற்போது லதா ரஜினிகாந்தும் பதிலளித்திருப்பது ரசிகர்களின் கவனத்தை ஈர்த்துள்ளது.

"விஜய் பற்றி ஏதாவது பேசினால் அது வேறு விதமாக பொருள் கொள்ளப்படுகிறது. அரசியல் குறித்து பேசினாலும் சர்ச்சையாகிறது. அதனால் கவனமாக இருக்கிறேன்" என்ற அவரது விளக்கமும் தற்போது அதிகம் பகிரப்பட்டு வருகிறது.

மக்கள் மேடை தொடங்கிய பிறகு

சமீபத்தில் லதா ரஜினிகாந்த் "மக்கள் மேடை" என்ற அமைப்பை தொடங்கியதிலிருந்து, அவர் அரசியலுக்கு வருகிறாரா என்ற கேள்வி தொடர்ந்து எழுந்து வருகிறது. அதேபோல், இந்த அமைப்பின் பின்னணியில் ரஜினிகாந்த் இருக்கிறாரா என்ற விவாதமும் சமூக வலைதளங்களில் பரவியது.

ஆனால் அதற்கு முன்னரே லதா ரஜினிகாந்த் விளக்கம் அளித்து, "நான் செய்யும் பணிகளுக்கும் ரஜினிகாந்திற்கும் நேரடி தொடர்பு இல்லை. இது தனிப்பட்ட முயற்சி" என்று கூறியிருந்தார்.

விஜய் மீது பொறாமை சர்ச்சை

சில வாரங்களுக்கு முன்பு, விஜய் முதலமைச்சரான பிறகு, "விஜய் அரசியலில் வெற்றி பெற்றதை பார்த்து ரஜினிக்கு பொறாமை" என்ற வகையிலான கருத்துக்கள் சமூக வலைதளங்களில் பரவின.

அதற்கு நேரடியாக பதிலளித்த லதா ரஜினிகாந்த், "ரஜினிகாந்த் மீது இப்படி பேசுவது மிகவும் தவறு. அவர் பல தலைமுறைகளுக்கு முன்மாதிரியாக இருப்பவர். அவரை இந்த அளவுக்கு இறக்கி பேசுவது ஏற்றுக்கொள்ள முடியாதது" என்று கூறியிருந்தார். அந்த பேட்டி அப்போது பெரிய அளவில் வைரலானது குறிப்பிடத்தக்கது.

ரசிகர்கள் என்ன சொல்கிறார்கள்?

லதாவின் சமீபத்திய பதிலை பார்த்த ரசிகர்கள் இரண்டு தரப்பாக பிரிந்துள்ளனர். ஒரு தரப்பினர், "விஜயின் அரசியல் பயணம் இன்னும் தொடக்க நிலையில்தான் இருக்கிறது. அதனால் காத்திருந்து பார்ப்போம் என்ற லதாவின் கருத்து சரியானது" என்கிறார்கள்.

மற்றொரு தரப்பினர், "மக்கள் மேடை தொடங்கி அரசியல் களத்தில் கால் வைத்த பிறகும் ஏன் நேரடியாக கருத்து சொல்ல தயங்குகிறார்?" என்று கேள்வி எழுப்பி வருகின்றனர்.

உன் நடிப்பு பிடிக்காதுன்னு பாரதிராஜா சொல்லுவாரு.. கடைசிவரை நான் நினைச்சது நடக்கல! ரஜினிகாந்த் உருக்கம்

ரஜினி - விஜய் ஒப்பீடு

ஒரு சாதாரண கேள்விக்கு லதா ரஜினிகாந்த் அளித்த சுருக்கமான பதிலே தற்போது மீண்டும் ரஜினி - விஜய் ஒப்பீட்டை சமூக வலைதளங்களில் பேசுபொருளாக்கியுள்ளது. அரசியலுக்கு வருவதாக அறிவித்து பின்னர் விலகிய ரஜினிகாந்த்... சொன்னதை செய்து தமிழகத்தின் முதலமைச்சராக மாறிய விஜய்... இந்த இரண்டு பெயர்களும் இன்னும் ரசிகர்கள் மத்தியில் ஒப்பிடப்பட்டு கொண்டே இருக்கின்றன.

இந்த சூழலில் லதா ரஜினிகாந்தின் "இப்போ சொல்ல முடியாது... கொஞ்சம் காலம் போகட்டும்" என்ற ஒரே வரி பதில், அரசியல் வட்டாரத்திலும் சமூக வலைதளங்களிலும் புதிய விவாதத்தை கிளப்பியுள்ளது.