சென்னை: மலையாளத்தில் வெளியாகி ரசிகர்கள் மத்தியில் நல்ல வரவேற்பை பெற்ற படங்களை தமிழ்நாட்டிலும் ரசிகர்கள் தேடிப் பார்க்க ஆரம்பித்துவிட்டார்கள். அந்த வரிசையில் சமீபத்தில் அதிக கவனம் பெற்ற படம்தான் நிவின் பாலி நடித்த 'பெத்தலகேம் குடும்ப யூனிட்'. திரையரங்குகளில் நல்ல வரவேற்பை பெற்ற இந்தப் படம் இப்போது ஓடிடிக்கும் வருகிறது.
கடந்த ஆகஸ்ட் 21-ம் தேதி திரையரங்குகளில் வெளியான இந்த படத்தை இயக்குநர் கிரிஷ் ஏடி இயக்கியிருந்தார். நிவின் பாலி, மமிதா பைஜூ இருவரும் இதில் முக்கிய கதாபாத்திரங்களில் நடித்துள்ளனர். படம் வெளியானபோதே இதன் கதைக்களம் ரசிகர்களிடம் கவனத்தை ஈர்த்தது. தன்னைவிட 10 வயது குறைவான பெண்ணை ஒரு ஆண் காதலிப்பதை மையமாக வைத்து இந்தப் படத்தின் கதை உருவாக்கப்பட்டிருக்கிறது.
ஓணம் பண்டிகையை முன்னிட்டு வெளியான இந்தப் படத்துக்கு கேரளாவில் நல்ல வரவேற்பு கிடைத்தது. அதிலும் படம் வெளியான பிறகு அடுத்தடுத்த நாட்களிலும் வசூல் தொடர்ந்து அதிகரித்தது. இதன் காரணமாக மலையாளத்தில் நல்ல வசூல் செய்த படங்களின் வரிசையிலும் 'பெத்தலகேம் குடும்ப யூனிட்' இடம்பெற்றது. படத்துக்கு கேரளாவில் வரவேற்பு கிடைத்த நிலையில், தமிழ்நாட்டிலும் இந்தப் படத்துக்கு ரசிகர்களிடம் நல்ல வரவேற்பு கிடைத்தது. இதையடுத்து தமிழிலும் படம் வெளியிடப்பட்டது. நிவின் பாலிக்கு ஏற்கனவே தமிழ்நாட்டில் தனி ரசிகர்கள் இருப்பதால், அவருடைய படங்கள் மலையாளத்தில் வெளியானாலும் தமிழ்நாட்டிலும் கவனம் பெறுவது வழக்கமாகிவிட்டது. அந்த வகையில் 'பெத்தலகேம் குடும்ப யூனிட்' படத்துக்கும் தமிழ் ரசிகர்கள் மத்தியில் வரவேற்பு கிடைத்தது. இந்தப் படத்தை நடிகர் ஃபகத் ஃபாசில், இயக்குநர் திலீஷ் போத்தன் உள்ளிட்டோர் தயாரித்துள்ளனர். திரையரங்குகளில் படத்தைப் பார்க்க முடியாமல் போன ரசிகர்களுக்கு இப்போது ஒரு நல்ல செய்தி வந்திருக்கிறது. பெத்தலகேம் குடும்ப யூனிட் திரைப்படம் அக்டோபர் 2-ம் தேதி ஜியோ ஹாட்ஸ்டார் ஓடிடி தளத்தில் வெளியாகிறது என்று அதிகாரப்பூர்வமாக அறிவிக்கப்பட்டுள்ளது. அதாவது, திரையரங்குகளில் படம் வெளியாகி ஒரு மாதத்துக்கும் மேலான நிலையில், அக்டோபர் 2 முதல் வீட்டில் இருந்தே நிவின் பாலி-மமிதா பைஜூ கூட்டணியை பார்க்கலாம். குறிப்பாக திரையரங்குகளில் இந்தப் படத்தைப் பார்க்க முடியாமல் போனவர்களுக்கும், படம் எப்படி இருக்கிறது என்று தெரிந்துகொள்ள காத்திருந்தவர்களுக்கும் இந்த ஓடிடி வெளியீடு நல்ல வாய்ப்பாக அமைந்திருக்கிறது. நிவின் பாலியை பொறுத்தவரை, கடந்த சில வருடங்களில் அவருடைய படங்களை ரசிகர்கள் வித்தியாசமான கதைகளுக்காக எதிர்பார்த்து வருகிறார்கள். அந்த வகையில் 'பெத்தலகேம் குடும்ப யூனிட்' படத்தின் கதையும் வழக்கமான காதல் கதையாக இல்லாமல், வயது வித்தியாசத்தை மையமாக வைத்திருப்பதால் ஆரம்பத்திலேயே கவனத்தை பெற்றது. திரையரங்குகளில் படம் பார்த்தவர்கள் தங்களுடைய கருத்துகளை சமூக வலைதளங்களில் பகிர்ந்த நிலையில், இப்போது ஓடிடியில் படம் வெளியாக இருப்பதால் இன்னும் அதிகமான ரசிகர்கள் இந்தப் படத்தை பார்க்க வாய்ப்பு இருக்கிறது. அதுவும் அக்டோபர் 2-ம் தேதி விடுமுறை நாளில் படம் ஓடிடிக்கு வருவதால், குடும்பத்தோடு வீட்டில் உட்கார்ந்து படம் பார்க்க நினைப்பவர்களுக்கும் இது சரியான நேரமாக அமைந்திருக்கிறது.வசூல் நிலவரம்
தமிழ்நாட்டிலும் கவனம்
பெத்தலகேம் குடும்ப யூனிட் ஓடிடி