கே பாலச்சந்தரின் பேரன் தான் நான் என்பதை சொல்ல விரும்பல.. காரணம் இதுதான்! ரிசார்ட் சீரிஸ் நடிகர் ஓபன்

தனது திறமையே வெற்றி

படப்பிடிப்புக்கு முன்பாக பத்து நாட்கள் முழுவதும் ஆக்டிங் ஒர்க் ஷாப்பில் கலந்து கொண்டதாகவும், குறிப்பாக கோபம், சண்டை, மற்றும் எமோஷனலான காட்சிகளில் நடிப்பது தனக்கு புதிய அனுபவமாக இருந்ததாகவும் அவர் தெரிவித்துள்ளார்.

மேலும், தலைவாசல் விஜய்யுடன் இணைந்து நடித்த அனுபவம் மிகவும் பயனுள்ளதாக இருந்ததாகவும், அவர் ஒவ்வொரு காட்சியிலும் நிறைய விஷயங்களை கற்றுக் கொடுத்ததாகவும் விஷ்ணு கூறியுள்ளார்.

இந்த சீரிஸில் விஷ்ணுவுக்கு ஜோடியாக நடிக்கும் தன்யாவும், தொடக்கத்தில் இந்த சீரிஸ் ரசிகர்களிடம் வரவேற்பு பெறுமா என்ற சந்தேகம் இருந்ததாக தெரிவித்துள்ளார். ஆனால் எதிர்பார்த்ததை விட அதிகமான வரவேற்பு கிடைத்திருப்பது மகிழ்ச்சியாக இருப்பதாகவும், சமையல் பின்னணியில் உருவான இந்த தொடருக்காக பல மணி நேரம் சமையல் செய்து நடித்த அனுபவம் மறக்க முடியாதது என்றும் கூறியுள்ளார்.

இதற்கிடையில், விஷ்ணுவின் இந்த பேட்டி சமூக வலைதளங்களில் புதிய விவாதத்தையும் கிளப்பியுள்ளது.

ரசிகர்கள் கருத்து

தமிழ் சினிமாவில் பல ஆண்டுகளாக "நெப்போட்டிசம்" குறித்து விவாதங்கள் தொடர்ந்து நடைபெற்று வருகின்றன. சினிமா குடும்பத்தைச் சேர்ந்தவர்கள் எளிதாக வாய்ப்புகளை பெறுகிறார்கள் என்றும், அதனால் திறமையான பல புதுமுகங்களுக்கு வாய்ப்பு கிடைக்காமல் போகிறது என்றும் ஒரு தரப்பு குற்றம்சாட்டி வருகிறது. அதே நேரத்தில், சினிமா குடும்பத்தில் பிறந்தவர்களுக்கு கிடைக்கும் வாய்ப்பை விட, அவர்களின் ஒவ்வொரு படமும் ஒப்பீட்டுக்கு உள்ளாகும் என்பதால் அவர்கள் கூடுதல் அழுத்தத்தை சந்திக்க வேண்டியிருப்பதாக மற்றொரு தரப்பு வாதிடுகிறது.

அந்த வகையில், கே. பாலச்சந்தர் போன்ற ஒரு ஜாம்பவானின் பேரனாக இருந்தும், அந்த அடையாளத்தை முன்வைக்காமல் தனது திறமையால் மட்டும் முன்னேற வேண்டும் என்று விஷ்ணு பாலா எடுத்திருக்கும் முடிவு தற்போது பலரது பாராட்டையும் பெற்று வருகிறது.

இப்போது ரசிகர்கள் பலரும், "ரிசார்ட் சீரிஸில் நடித்த விக்கி, கே.பாலச்சந்தரின் பேரன் என்பது இப்போதுதான் தெரிகிறது. திறமையால் தான் அவர் ரசிகர்களின் கவனத்தை ஈர்த்திருக்கிறார்" என்று சமூக வலைதளங்களில் கருத்து தெரிவித்து வருகின்றனர்.