சென்னை: விஜய் டிவியில் ஒளிபரப்பாகி வரும் 'சிறகடிக்க ஆசை' சீரியல் மீண்டும் பரபரப்பான கட்டத்தை எட்டியுள்ளது. கடந்த சில நாட்களாக ரேகா - சத்யா காதலை மையமாக வைத்து நகர்ந்து வரும் கதை, தற்போது (Siragadikka Aasai serial june 18th episode update)முத்துவின் அதிரடி திட்டங்களால் இன்னும் சுவாரஸ்யமாக மாறியுள்ளது. ஹாஸ்பிடலில் இருந்து ரேகாவை மாறுவேடத்தில் மீட்டு வந்த முத்து, இப்போது அவர்களின் திருமணத்தையே நடத்தி வைக்க களமிறங்கியிருப்பது ரசிகர்களை உற்சாகப்படுத்தியுள்ளது.
மருத்துவமனையில் இருந்து ரேகாவை கடத்தியதை தெரிந்து கொண்ட அவருடைய அப்பா அதிர்ச்சியில் உறைந்துபோகிறார். உடனடியாக இந்த தகவலை சிந்தாமணியிடம் தெரிவிக்கிறார். ஆனால் எதிர்பார்த்தது போல பதற்றப்படாமல், "ரேகாவை எப்படி திரும்ப வரவைக்கணும்னு எனக்கு தெரியும்" என்று மர்மமாக கூறிவிட்டு அங்கிருந்து கிளம்புகிறார் சிந்தாமணி. அவரது இந்த நம்பிக்கைதான் அடுத்த கட்டத்தில் என்ன நடக்கப் போகிறது என்ற எதிர்பார்ப்பை ரசிகர்களிடம் அதிகரித்துள்ளது. மறுபுறம் பாட்டி வீட்டில் தஞ்சமடைந்துள்ள ரேகா மற்றும் சத்யாவை பார்த்துக்கொண்டிருக்கும் முத்துவும் மீனாவும் அடுத்த கட்ட திட்டத்தை தீட்டுகின்றனர். "இவர்களை இங்கே நீண்ட நாட்கள் மறைத்து வைக்க முடியாது" என்று முத்து கூற, என்ன செய்யலாம் என்று மீனா கேட்கிறார். அப்போது தான் அனைவரையும் ஆச்சரியப்படுத்தும் முடிவை முத்து சொல்கிறார். அதாவது, "இவர்களுக்கு உடனடியாக கல்யாணம் பண்ணி வைக்கணும்" என்று சொல்கிறார். ஆனால் அது அவ்வளவு எளிதான விஷயம் இல்லை. ரெஜிஸ்டர் திருமணம் செய்ய வேண்டுமானால் சில சட்ட நடைமுறைகள் இருக்கின்றன. அதற்கான ஏற்பாடுகளை செய்ய அவர்கள் வெளியே செல்ல வேண்டிய சூழ்நிலை உருவாகிறது. இதற்கிடையில் போலீசார் தங்களை தேடி வரலாம் என்ற ஆபத்தும் இருப்பதாக முத்து கூறுகிறார். அப்போது தான் தனது அடுத்த மாஸ்டர் பிளானை சொல்கிறார். போலீசார் தங்களை கைது செய்ய முடியாத அளவுக்கு ஒரு முக்கிய ஆதாரத்தை உருவாக்க முடிவு செய்கிறார். ரேகாவை உட்கார வைத்து வீடியோ வாக்குமூலம் பதிவு செய்கிறார்கள். அந்த வீடியோவில் ரேகா மிகவும் தெளிவாக பேசுகிறார். "நான் யாராலும் கடத்தப்பட்டு வரவில்லை. என் விருப்பப்படி தான் சத்யாவுடன் வந்திருக்கிறேன். நான் சத்யாவை உயிருக்கு உயிராக காதலிக்கிறேன். அவரைத்தான் திருமணம் செய்து கொள்ளப் போகிறேன்" என்று கூறுகிறார். எதிர்காலத்தில் சட்ட ரீதியாக ஏதேனும் பிரச்சனை ஏற்பட்டாலும் இந்த வீடியோ தங்களை காப்பாற்றும் என முத்து நம்புகிறார். இதற்கிடையில் சிந்தாமணி நேரடியாக விஜயாவின் வீட்டிற்கே சென்று மிரட்டல் விடுக்கிறார். "என்னோட பொண்ணை முத்துவும் மீனாவும் கடத்திட்டாங்க. ஒழுங்கா கொண்டு வந்து விட்டுறுங்க. இல்லன்னா உங்க குடும்பத்தையே போலீஸ்ல சிக்க வைக்கிறேன்" என்று கோபமாக பேசுகிறார். ஆனால் வழக்கம்போல விஜயா அதற்கு அஞ்சவில்லை. சிந்தாமணியை கிண்டலடித்துக் கொண்டே பதில் சொல்கிறார். அவர் கிளம்பிச் சென்ற பிறகும், "அவங்க பொண்ணை நாம எதுக்கு கடத்தணும்? பேசாம அவளையே அவங்க அம்மாக்கிட்ட விட்டுட்டா போதாதா?" என்று கூறி அனைவரையும் குழப்பத்தில் ஆழ்த்துகிறார். இந்த பிரச்சனையால் இன்னொருவர் பயத்தில் நடுங்குகிறார். அவர் மனோஜ். ஏற்கனவே தொழில் பிரச்சனைகளால் சிக்கலில் இருக்கும் மனோஜ், இந்த காதல் விவகாரம் தனது பிசினஸையும் பாதித்துவிடுமோ என்று பதட்டமாக இருக்கிறார். ஒரு காதல் கதை முழு குடும்பத்தையும் எவ்வளவு பெரிய பிரச்சனையில் இழுத்து வந்திருக்கிறது என்பதையே இந்த காட்சிகள் காட்டுகின்றன. இந்நிலையில் முத்துவும் மீனாவும் வழக்கம்போல ஸ்போக்கன் இங்கிலீஷ் வகுப்புக்கு செல்கின்றனர். அங்கே அவர்களுக்கு காத்திருந்தது ஒரு இனிய அதிர்ச்சி. ரேகா - சத்யா காதலை காப்பாற்ற அவர்கள் செய்த சாகசங்களை கேட்டு வகுப்பில் இருந்த அனைவரும் கைதட்டி பாராட்டுகின்றனர். "அவர்களுடைய கல்யாணத்துக்கு எங்களையும் மறக்காம கூப்பிடணும். எங்களால முடிஞ்ச உதவியை கண்டிப்பா செய்வோம்" என்று அவர்கள் கூறுவது முத்துவுக்கும் மீனாவுக்கும் உற்சாகத்தை கொடுக்கிறது. ஒருபுறம் சிந்தாமணி தனது மகளை மீண்டும் பிடிக்க காத்திருக்கிறார். மறுபுறம் முத்து ரேகா - சத்யா திருமணத்தை நடத்தி வைக்க முழு வேகத்தில் செயல்படுகிறார். ரேகா கொடுத்த வீடியோ வாக்குமூலம் சிந்தாமணியின் திட்டத்தை முறியடிக்குமா? காதலர்கள் உண்மையிலேயே திருமணம் செய்து கொள்வார்களா? அல்லது சிந்தாமணி இன்னொரு அதிரடி நகர்வை எடுக்கப் போகிறாரா? என்ற எதிர்பார்ப்புடன் ரசிகர்கள் அடுத்த எபிசோட்டை ஆவலுடன் காத்திருக்கின்றனர்.சிறகடிக்க ஆசை சீரியல் அப்டேட்
முத்துவின் மாஸ்டர் பிளான்
வீடியோ ஆதாரம்
மிரட்டிய சிந்தாமணி
சீரியல் நடிகை வந்தனா திருமண வாழ்க்கையில்.. சிவகார்த்திகேயன் செய்த செயல்! இப்படியும் நடந்ததாமே!
ஜீ தமிழ் அயலி சீரியல் ஹீரோவுக்கு திடீர் கல்யாணம்.. பொண்ணு யாரு தெரியுமா? விஜய் டிவி நடிகை தான்!
பயத்தில் மனோஜ்