சிறகடிக்க ஆசை: முத்து கொடுத்த ஐடியா.. சிந்தாமணி குடும்பத்திற்கு செக் வைத்த சத்யா.. ஆட்டத்தை தொடங்கிய ரோகிணி

இந்த சூழ்நிலையில் மனமுடைந்து போன சத்யா, தனது அக்கா மீனாவிடம் ரேகாவை பிரிந்து வாழ முடியாது என கதறுகிறார். "ரேகா இல்லேன்னா நானும் உயிரோட இருக்க மாட்டேன்" என அவர் கூறிய வார்த்தைகள் மீனாவையே அதிர்ச்சியில் ஆழ்த்துகின்றன.

சத்யாவை தடுக்க முயன்ற மீனா

தம்பியின் காதல் விஷயம் பெரிய பிரச்சனையாக மாறிவிடக் கூடாது என்பதால், மீனாவும் அவரது அம்மாவும் சேர்ந்து சத்யாவை சமாதானப்படுத்த முயற்சிக்கின்றனர். "அந்த குடும்பம் நமக்கு செட் ஆகாது... ரேகாவை மறந்துடு" என்று பலமுறை அறிவுரை கூறுகிறார்கள்.

ஆனால் காதலில் உறுதியாக இருக்கும் சத்யா, "இந்த விஷயத்தை முத்து மாமாவிடம் சொல்லட்டுமா?" என்று கேட்க, மீனா உடனடியாக பதறிப் போகிறார். "எதுவானாலும் உங்க மாமாகிட்ட மட்டும் சொல்லிடாத" என்று கண்டிப்பாக எச்சரிக்கிறார்.

அக்கா சொன்னதை மீறிய சத்யா

மீனாவின் எச்சரிக்கையை பொருட்படுத்தாத சத்யா, நேராக முத்துவை சந்தித்து காதல் விவகாரத்தை கூறுகிறார். எல்லா விஷயத்திலும் அதிரடி முடிவு எடுக்கும் முத்து, இந்த விஷயத்திலும் வித்தியாசமான ஆலோசனை வழங்குகிறார்.

"காதலிக்கிறதுல தப்பு இல்லை. ஆனா பயந்து ஓடுறது தான் தப்பு. நேரா போய் ரேகா அப்பாகிட்ட பேசு" என்று முத்து கூறுகிறார். முதலில் தயங்கிய சத்யாவுக்கு, "நான் உனக்கு துணைக்கு வர்றேன். ஆனா பேச வேண்டியது நீ தான்" என்று தைரியம் கொடுக்கிறார்.

ரேகாவின் தந்தையை நேரில் சந்தித்த சத்யா

முத்துவின் வார்த்தைகளால் தைரியம் பெற்ற சத்யா, நேரடியாக ரேகாவின் தந்தையை சந்திக்க செல்கிறார். அவரை பார்த்ததும் எப்படி பேசுவது என்று தெரியாமல் தடுமாறும் சத்யா, இறுதியில் தனது காதலை வெளிப்படையாக கூறிவிடுகிறார்.

சத்யாவின் நேர்மையான அணுகுமுறை ரேகாவின் தந்தையையும் யோசிக்க வைக்கிறது. உடனடியாக கோபப்படாமல், "எனக்கு கொஞ்சம் டைம் வேணும். ரேகா எனக்கு ஒரே பொண்ணு. அவளோட வாழ்க்கையை பற்றி யோசிச்சு முடிவு சொல்லணும்" என அமைதியாக பதிலளிக்கிறார்.

இந்த பதில் சத்யாவுக்கு நம்பிக்கையை கொடுக்கிறது. பின்னர் முத்துவிடம் வந்து நடந்ததை கூற, "உங்க ஓனர் நல்ல மனுஷன் டா... நல்ல முடிவுதான் வரும்" என முத்துவும் நம்பிக்கை அளிக்கிறார்.

மறுபக்கம் ரோகிணியின் ரகசிய திட்டம்

இதே நேரத்தில் ரோகிணி ஒரு கார்ப்பரேட் நிகழ்ச்சியில் ஜோடியாக கலந்து கொள்ள மனோஜை கூப்பிடுகிறார். இதற்காக போன் செய்து அவசரமாக வரச் சொல்கிறார்.

மனோஜும் ரகசியமாக அந்த நிகழ்ச்சிக்கு செல்ல தயாராகிக் கொண்டிருக்கும் நேரத்தில், எதிர்பாராதவிதமாக விஜயா குறுக்கே வருகிறார். என்னோட ஃப்ரெண்ட் நடத்தும் விழாவுக்கு வர வேண்டும் என்றும், அங்கு "சிறந்த அம்மா - மகன்" விருது கிடைக்கும் என்றும் கூறி மனோஜை அழைத்துச் செல்கிறார்.

ரோகிணியை பார்த்ததும் வெடித்த விஜயா

விழாவிற்கு சென்ற பிறகுதான் மனோஜுக்கு அதிர்ச்சி காத்திருக்கிறது. ரோகிணி அழைத்த அதே நிகழ்ச்சிக்குத்தான் விஜயாவும் வந்திருப்பது தெரிய வருகிறது.

அங்கு ரோகிணியை பார்த்ததும் விஜயாவின் முகம் கோபத்தில் சிவந்து போகிறது. ஏற்கனவே ரோகிணி மீது சந்தேகத்துடன் இருக்கும் விஜயா, இந்த சம்பவத்தால் மேலும் கொந்தளிக்கிறார்.

சன் டிவி சீரியலில் என்ட்ரி கொடுத்த சிறகடிக்க ஆசை ரோகிணி.. இனி ஆட்டம் ஆரம்பம்! என்ன கேரக்டர் தெரியுமா?

நாளைய எபிசோடில் என்ன நடக்கப் போகிறது?

ரேகாவின் தந்தை சத்யாவின் காதலுக்கு சம்மதம் சொல்வாரா? ஐதராபாத்தில் இருக்கும் ரேகா மீண்டும் சென்னை திரும்புவாரா? ரோகிணி மற்றும் மனோஜ் இருவரும் ஒரே நிகழ்ச்சியில் இருப்பதை பார்த்த விஜயா என்ன நடவடிக்கை எடுக்கப் போகிறார்? ரோகிணியின் ரகசியங்கள் மீண்டும் வெளிச்சத்துக்கு வருமா?

இந்த கேள்விகளுக்கான பதில்கள் அடுத்த எபிசோடுகளில் தெரியவர உள்ளதால், சிறகடிக்க ஆசை ரசிகர்கள் மத்தியில் மிகப்பெரிய எதிர்பார்ப்பு உருவாகியுள்ளது.