பாக்யராஜ் பற்றி சிவகுமார் சொன்ன வார்த்தை.. கதறி அழுத பூர்ணிமா.. சந்தோஷத்தில் பேசிய சாந்தனு

நடிகர் சிவகுமார் பேச்சு

அந்த ஏழு நாட்கள், முந்தானை முடிச்சு போன்ற பாக்யராஜின் படங்கள் காலம் கடந்து பேசப்படும் என்றும் டார்லிங் டார்லிங் திரைப்படத்தை தான் இரண்டு முறை பார்த்திருப்பதாகவும் சிவகுமார் பேசினார். மேலும் பாக்யராஜின் படங்களில் இருக்கும் திரைக்கதையும் வசனங்களும் எத்தனை வருடங்கள் ஆனாலும் ரசிகர்கள் மத்தியில் அவரை வாழவைத்துக் கொண்டே இருக்கும் என்று கூறினார்.

கண்கலங்கிய பூர்ணிமா

அதோடு பாக்யராஜுக்கு வாழ்க்கை துணையாக பூர்ணிமா கிடைத்தது அவருடைய பாக்கியம் என்றும் சிவக்குமார் கண் கலங்கியபடி கூறினார். அதை கேட்டு கொண்டிருந்த பூர்ணிமாவால் கண்ணீரை கட்டுப்படுத்த முடியவில்லை. அவர் கதறி அழுத காட்சி அங்கிருந்தவர்களை கண்கலங்க வைத்திருந்தது. அப்போது அருகில் இருந்த சாந்தனுவும் அப்பாவை நினைத்து அழுது கொண்டு இருந்தார். ஆனாலும் அம்மாவிற்கு ஆறுதல் சொல்லிக் கொண்டிருந்தார்.

சாந்தனு பேச்சு

பிறகு சிவகுமாரை தொடர்ந்து சாந்தனு பேசினார். அப்போது சந்தோஷத்தில் பெரிய சந்தோஷம் அடுத்தவர்களை சந்தோஷப்படுத்தி பார்ப்பது தான் என்று அப்பா அடிக்கடி சொல்லுவாரு. அப்பாவை நடிகராகவும் இயக்குனராகவும் பார்த்து வளர்ந்திருக்கிறேன். ஆனால் அவர் மறைந்த பிறகு தான் வாழ்க்கையில் பல பாடங்களை கற்றுக் கொண்டிருக்கிறேன்.

அப்பா இறந்த இரண்டு நாட்கள் என எல்லாவற்றையும் தாண்டி மக்களும் அவருடைய நண்பர்களும் வீட்டிற்கு வந்து ஆறுதல் சொல்லிக்கொண்டே இருந்தார்கள். அதை எல்லாம் பார்த்து அப்பா இத்தனை பேரை சம்பாதித்து வைத்திருக்கிறார் என்று எனக்கு சந்தோஷமாக இருந்தது என்று உருக்கமாக சாந்தனு பேசினார்.