சென்னை: சூர்யா நடித்த 'கருப்பு' திரைப்படம் (Karuppu Box Office day 12) பாக்ஸ் ஆபிஸில் தினமும் புதிய சாதனைகளை படைத்து வருகிறது. படம் வெளியாகி 12 நாட்கள் கடந்துவிட்ட நிலையிலும், ரசிகர்களின் வரவேற்பு மட்டும் குறையாமல் தொடர்ந்து அதிகரித்துக்கொண்டே இருக்கிறது. கடும் வெயிலும், வேலை நாட்களும் இருந்தபோதும் தியேட்டர்களில் ரசிகர்கள் கூட்டம் குறையாமல் இருப்பது, இந்த படத்தின் வெற்றியை இன்னும் பெரிய அளவில் பேச வைக்கிறது.
ஆர்.ஜே. பாலாஜி இயக்கத்தில் ஃபேண்டஸி ஆக்சன் டிராமா ஜானரில் உருவான இந்த படத்தில் சூர்யாவுக்கு ஜோடியாக த்ரிஷா நடித்துள்ளார். ஆரம்பத்திலிருந்தே இந்த படத்துக்கு நல்ல ஓப்பனிங் கிடைத்த நிலையில், தற்போது பாக்ஸ் ஆபிஸில் மாஸ் சாதனைகள் தொடர்கின்றன.
சமீபத்திய தகவலின்படி, 'கருப்பு' திரைப்படம் உலகளவில் 300 கோடி வசூலை நெருங்கி வருவதாக கூறப்படுகிறது. அதிலும் தமிழ்நாட்டில் மட்டும் இப்படம் 12 நாட்களில் ரூ.120 கோடிக்கும் மேல் வசூலித்து புதிய சாதனையை படைத்திருக்கிறது. இதன் மூலம், தமிழ்நாட்டில் விஜய் மற்றும் அஜித் நடித்த முக்கிய படங்களின் லைஃப்டைம் வசூலை 'கருப்பு' வெறும் 12 நாட்களிலேயே முந்தியிருக்கிறது. விஜய் நடித்த 'பீஸ்ட்' திரைப்படம் கடந்த 2022-ல் வெளியாகி தமிழ்நாட்டில் சுமார் ரூ.120 கோடி வசூலித்ததாக கூறப்பட்டது. அதேபோல் அஜித் நடித்த 'துணிவு' திரைப்படம் தமிழ்நாட்டில் சுமார் ரூ.116 கோடி வசூலை குவித்திருந்தது. இந்த இரண்டு படங்களின் மொத்த சாதனையையும் தற்போது சூர்யாவின் 'கருப்பு' முறியடித்திருப்பதாக ரசிகர்கள் கொண்டாடி வருகின்றனர். கடந்த சில ஆண்டுகளாக சூர்யாவின் படங்கள் பாக்ஸ் ஆபிஸில் எதிர்பார்த்தளவு மாஸ் தாக்கத்தை ஏற்படுத்தவில்லை என்ற விமர்சனங்கள் இருந்தன. ஆனால் 'கருப்பு' அந்த பேச்சுகளுக்கே பதிலடி கொடுத்திருக்கிறது. ரசிகர்கள் இதை சூர்யாவின் மிகப்பெரிய கம்பேக் என்று கொண்டாடி வருகின்றனர். "பாக்ஸ் ஆபிஸ் கிங் மீண்டும் வந்துட்டார்" என்று சமூக வலைதளங்களில் ரசிகர்கள் பதிவிட்டு வருகின்றனர். இந்த படத்தின் வெற்றிக்கு சூர்யாவின் திரைபிரசன்னமும், ஆர்.ஜே. பாலாஜியின் வித்தியாசமான மேக்கிங்கும், ஃபேண்டஸி கலந்த ஆக்சன் காட்சிகளும் முக்கிய காரணம் என கூறப்படுகிறது. குடும்ப ஆடியன்ஸ் முதல் யூத் ரசிகர்கள் வரை அனைவரையும் படம் கவர்ந்திருப்பது வசூலில் தெளிவாக பிரதிபலிக்கிறது. இதற்கிடையில், 'கருப்பு' படத்தின் ஓடிடி ரிலீஸ் பற்றியும் ரசிகர்களிடையே எதிர்பார்ப்பு அதிகரித்துள்ளது. தியேட்டர் ரன்னுக்குப் பிறகு இப்படத்தின் ஸ்ட்ரீமிங் உரிமையை அமேசான் பிரைம் வீடியோ கைப்பற்றியுள்ள நிலையில், ஓடிடியில் எப்போது வெளியாகும் என்ற கேள்வியும் எழுந்து வருகிறது. மொத்தத்தில், விஜய் - அஜித் படங்களின் வசூல் சாதனையை முந்தி, சூர்யா தனது மாஸ் மார்க்கெட்டை மீண்டும் நிரூபித்திருக்கிறார் என்பதே தற்போதைய கோலிவுட் ஹாட் டாக்.கருப்பு படம் வசூல் நிலவரம்
விஜய் அஜித் படத்துடன் ஒப்பீடு
Karuppu Box Office: 11 நாளில் மாஸ் வேட்டை.. சூர்யாவின் கருப்பு செய்த வசூல் சம்பவம்.. மெகா ரிட்டர்ன்!
சூர்யாவின் சாதனை
கருப்பு படத்தின் ஓடிடி அப்டேட்