த்ரிஷா மகள் இஸ்ஸி நாய் யாருடைய குழந்தை தெரியுமா?.. ரகசியத்தை உடைத்த விஷ்ணு விஷால்

த்ரிஷாவின் நாய்

ஏற்கனவே த்ரிஷா மிகவும் ஆசையாக வளர்த்த ஜோரோ என்ற செல்ல நாய் உயிரிழந்தபோது, அவர் பல நாட்கள் மனமுடைந்து இருந்தார். அந்த நேரத்தில் த்ரிஷாவின் வாழ்க்கைக்குள் வந்ததுதான் இஸ்ஸி. அதன்பிறகு, இஸ்ஸியை குழந்தையைப் போல வளர்த்து வருகிறார்.

எனக்கும் விஜய்க்கும் எந்த பிரச்சனையும் இல்லை.. அவர் சொன்னதைத்தான் செய்கிறேன்! விஷ்ணு விஷால் பதிலடி

படப்பிடிப்புக்கு போனாலும், வெளிநாட்டு சுற்றுலா சென்றாலும், பிறந்தநாள் கொண்டாடினாலும், வீட்டில் ஓய்வாக இருந்தாலும் இஸ்ஸி இல்லாமல் த்ரிஷாவை பார்க்கவே முடியாது. பலமுறை, "இவள் என் மகள்" என்று அன்புடன் சொல்லி இஸ்ஸியுடன் இருக்கும் புகைப்படங்களையும் வீடியோக்களையும் பகிர்ந்திருக்கிறார்.

இன்ஸ்டா பிரபலம் இஸ்ஸி

இஸ்ஸிக்கென்று தனி ரசிகர் பட்டாளமே இருக்கிறது. சமூக வலைதளங்களில் த்ரிஷா இஸ்ஸியுடன் போடும் ஒவ்வொரு பதிவும் லட்சக்கணக்கான லைக்குகளை குவிக்கும். "பிறந்தா த்ரிஷா வீட்டு நாயாகப் பிறக்கணும்" என்று ரசிகர்கள் ஜாலியாக கமெண்ட் போடும் அளவுக்கு இஸ்ஸி பிரபலமாகிவிட்டது.

ரசிகர்கள் கருத்து

இந்நிலையில், இஸ்ஸி நிஜத்தில் விஷ்ணு விஷால் வளர்க்கும் டெடி நாயின் மகள் என்பது தெரிய வந்ததும், "அடடே... இத்தனை நாள் இந்த உறவு தெரியாம போச்சே!", "இஸ்ஸிக்கு இரண்டு வீடு இருக்குதே!", "த்ரிஷா சோகத்தில் இருந்த நேரத்தில் இப்படி ஒரு குட்டியை கொடுத்த விஷ்ணு விஷாலுக்கு நன்றி சொல்லணும்" என்று ரசிகர்கள் பதிவிட்டு வருகின்றனர்.

இதற்கிடையில், விஷ்ணு விஷால் தற்போது 'கட்டா குஸ்தி 2' படத்தின் வெளியீட்டுக்காக தயாராகி வருகிறார். அதே நேரத்தில், த்ரிஷாவும் தொடர்ந்து பல பெரிய படங்களில் பிஸியாக நடித்து வருகிறார். இருந்தாலும், எவ்வளவு பிஸியாக இருந்தாலும் தனது செல்ல மகள் இஸ்ஸியுடன் செலவிடும் நேரத்தை மட்டும் அவர் ஒருபோதும் குறைப்பதில்லை.