இந்த வாரம் ஓடிடியில் என்ன படம் பார்க்கலாம்? ஹார்ட் பீட் 3 முதல் நூறு சாமி வரை.. காத்திருக்கும் சர்ப்ரைஸ் படங்கள்

நூறு சாமி

விஜய் ஆண்டனி சுவாசிகா உள்ளிட்டோர் நடித்த நூறு சாமி திரைப்படம் தியேட்டரில் நல்ல வசூல் பெற்றது. குடும்ப உறவுகள், கிராமத்து பின்னணி, கணவனை இழந்த பெண்ணின் இரண்டாவது திருமணம் என பல விஷயங்களை மையமாக வைத்து உருவாக்கப்பட்ட இந்த திரைப்படம் வரும் ஜூலை 31ஆம் தேதி ஜீ5 ஓடிடி தளத்தில் வெளியாக இருக்கிறது.

சின்ன சின்ன ஆசை

நடிகை மதுமிதா மற்றும் இந்திரன்ஸ் நடித்துள்ள சின்ன சின்ன ஆசை திரைப்படம் தமிழ், மலையாள குடும்ப திரைப்படம். ஃபேமிலி ரசிகர்களை கவர் பண்ணுவது மாதிரி இந்த படம் உருவாக்கப்பட்டிருக்கும் நிலையில் இந்த படம் ஜியோ ஹாட்ஸ்டாரில் ஜூலை 28 தேதி அன்று வெளியாகுகிறது.

ராத்

ஆக்சன் மற்றும் மார்சியல் ஆர்ட்ஸ் ரசிகர்களுக்காக உருவான போர்ச்சுகீசிய மொழி வெப்சீரிஸான ராத் (Raath) இந்த வாரம் வரும் ஜூலை 29ஆம் தேதி நெட்பிக்ஸ் தளத்தில் ஒளிபரப்பாக இருக்கிறது. தன்னோட நினைவுகளை இழந்த ஒருவர் எப்படி புதிய வாழ்க்கையை தொடங்குகிறார்? என்பதுதான் இந்த படத்தின் கதை. இந்த படம் தமிழ் டப்பிங்கிலும் வெளியாகிறது

தி லெஜெண்ட் ஆப் கர்ணா

மகாபாரதத்தில் கர்ணனின் வாழ்க்கையை மையமாக வைத்து உருவாக்கப்பட்ட அனிமேஷன் சீரிஸான தி லெஜெண்ட் ஆப் கர்ணா வரும் ஜூலை 31ஆம் தேதி சோனி லைவ்வில் ஒளிபரப்பாக இருக்கிறது. புராண கதைகளை விரும்பும் ரசிகர்களுக்கு இந்த சீரிஸ் நல்ல அனுபவத்தை கொடுக்கும்

அப்ஜக்ஷன் மை லார்ட்

நடிகர் ஸ்ரீகாந்த் நடித்துள்ள தெலுங்கு சீரிஸான அப்ஜெக்ஷன் மை லார்ட் வரும் ஜூலை 31ஆம் தேதி ஜீ5 ஓடிடி தளத்தில் வெளியாக இருக்கிறது. இந்த சீரிஸில் காணாமல் போன மக்களுக்காக போராடிய தந்தையின் மரணத்திற்கு பிறகு ஒரு வழக்கறிஞர் அந்த வழக்கை போராடுவது தான் கதை.