விஜய்யின் பஸ் ரூட்.. பல வருஷத்துக்கு முன்பே சிவகார்த்திகேயன் சொன்னது நடந்துடுச்சே!

விஜய் பற்றி பேச்சு

அப்போது இது ஒரு சாதாரண காமெடி மிமிக்ரி. விஜய் சினிமாவில் மிகப்பெரிய ஹீரோவாக இருந்த காலகட்டத்தில், அவருடைய பஞ்ச் வசனங்கள், ரசிகர்கள் மத்தியில் இருந்த அந்த இமேஜ் எல்லாவற்றையும் வைத்து சிவகார்த்திகேயன் உருவாக்கிய நகைச்சுவை. ஆனால் இப்போது அந்த வீடியோவைப் பார்க்கும்போதுதான் விஷயம் வேற மாதிரி தெரிகிறது.

ஏனென்றால் அந்த வீடியோவில் கற்பனையாக பேசப்பட்ட "விஜய் முதலமைச்சர்" என்ற விஷயம் இன்று நிஜமாகிவிட்டது. 2026-ல் விஜய் தமிழ்நாட்டின் முதலமைச்சராக பதவியேற்றிருக்கும் நிலையில், பல வருடங்களுக்கு முன்பு சிவகார்த்திகேயன் விஜய்யை முதலமைச்சராக வைத்து செய்த அந்த மிமிக்ரியை ரசிகர்கள் மீண்டும் எடுத்துப் பகிர ஆரம்பித்திருக்கிறார்கள். அதிலும் இப்போது நடந்திருக்கிற ஒரு விஷயம் அந்த பழைய வீடியோவுடன் இன்னும் நெருக்கமாக பொருந்துகிறது.

ரசிகர்களை கூட்டி சிவகார்த்திகேயன் செய்த விஷயம்... பின்னணி என்ன? பக்கா பிளான்!

நிஜமான வார்த்தைகள்

அக்டோபர் 2-ம் தேதி முதல்வர் விஜய் 'வெற்றிப் பயணம்' என்ற விரிவுபடுத்தப்பட்ட இலவச பேருந்து பயணத் திட்டத்தை தொடங்கி வைத்தார். கோயம்பேடு பேருந்து நிலையத்தில் நடைபெற்ற நிகழ்ச்சியில் அவர் நேரடியாக பேருந்துக்குள் சென்று பெண்களுக்கு இலவச பயணச்சீட்டுகளை வழங்கினார். இந்த திட்டம் ஏற்கெனவே செயல்பாட்டில் இருந்த மகளிர் இலவச பேருந்து பயணத்தை மேலும் பல வகையான பேருந்துகளுக்கு விரிவுபடுத்துகிறது. இதுதான் இப்போது ரசிகர்களுக்கு அந்த பழைய வீடியோவை மீண்டும் ஞாபகப்படுத்தியிருக்கிறது.

விஜய் மவுசு குறைந்துவிட்டதா? மகன் படத்துக்கு வந்த நிலை... விஜய் சேதுபதியின் 'பத்தா’ கொடுத்த ஷாக்!

"அப்போ காமெடிக்காக சொன்னது.. இப்போ விஜய் உண்மையிலேயே முதல்வர்!" என்று ஒரு தரப்பு ரசிகர்கள் அந்த வீடியோவை பகிர்ந்து வருகிறார்கள். சிவகார்த்திகேயன் உண்மையிலேயே எதிர்காலத்தில் விஜய் முதலமைச்சராக வருவார் என்று தனித்திருக்கிறாரே என்று ரசிகர்கள் கமெண்ட் கொடுத்து இருக்கிறார்கள். அந்த நேரத்தில் அது ஒரு மிமிக்ரி காட்சிக்காக உருவாக்கப்பட்ட கற்பனைதான். ஆனால் காலம் போன விதம் இப்போது அந்த காட்சியைப் பார்ப்பவர்களுக்கு ஒரு சுவாரஸ்யமான ஆச்சரியத்தை கொடுக்கிறது.