குஷ்பு மகள் கல்யாணத்தில் யாரெல்லாம் குவிந்திருக்காங்க தெரியுமா?.. கோவாவில் செம கிராண்ட் செட்-அப்

குஷ்பூ மகள் திருமணம்

தமிழ் சினிமாவின் முன்னணி நடிகையாக பல ஆண்டுகள் கோலோச்சிய குஷ்பு, இயக்குநர் சுந்தர் சியை காதலித்து திருமணம் செய்துகொண்டார். இவர்களுக்கு அவந்திகா, அனந்திதா என இரண்டு மகள்கள் உள்ளனர். இப்போது அந்த குடும்பத்தின் முதல் திருமணமாக அவந்திகாவின் கல்யாணம் நடைபெறுவதால், இது ரசிகர்கள் மத்தியில் கூடுதல் கவனம் பெற்றுள்ளது. அதுவும் சமீபத்தில் தான் அவந்திகா சினிமாவில் ஹீரோயினாக அறிமுகமாகி இருந்த நிலையில், இவ்வளவு சீக்கிரமாக திருமண வாழ்க்கைக்குள் நுழைவது ரசிகர்களுக்கு ஒரு இனிய சர்ப்ரைஸாக மாறியுள்ளது.

குஷ்பூ மருமகன் குடும்பம்

அவந்திகா, சென்னையைச் சேர்ந்த ஷ்ரவன் சீனிவாசன் என்பவரை காதலித்து வந்ததாக கூறப்படுகிறது. இரு குடும்பங்களின் சம்மதத்துடன் இந்த திருமணம் கோவாவில் ஏற்பாடு செய்யப்பட்டிருக்கிறது.

பெரிய அளவிலான நட்சத்திர கூட்டம் வேண்டாம், நெருக்கமானவர்களுடன் மட்டும் எளிமையாகவும் அழகாகவும் இந்த விழா நடக்க வேண்டும் என்ற குடும்பத்தின் விருப்பத்திற்கேற்ப ஏற்பாடுகள் செய்யப்பட்டிருந்தாலும், குஷ்பு - சுந்தர் சி குடும்பத்திற்கு இருக்கும் சினிமா வட்டார நெருக்கம் காரணமாக சில முக்கிய பிரபலங்கள் ஏற்கனவே கோவாவை அடைந்துவிட்டதாக தகவல்கள் வெளியாகியுள்ளன.

நாகர்ஜுனா என்ட்ரி

அதில் முதலில் பேசப்பட்ட பெயர் நாகார்ஜுனா. நடிகர் நாகார்ஜுனா தனது மனைவி அமலாவுடன் கோவா சென்றிருப்பதாக தகவல் வெளியாகியுள்ளது. கோவாவில் நடந்த பிரி-வெட்டிங் கொண்டாட்டத்தில் குஷ்புவுடன் அவர் சிரித்தபடி பேசிக்கொண்டிருந்த புகைப்படங்களும் இணையத்தில் கவனம் பெற்றுள்ளன.

அதோடு குஷ்புவின் நெருங்கிய தோழிகளான பூர்ணிமா பாக்கியராஜ், சரிதா, டான்ஸ் மாஸ்டர் பிருந்தா ஆகியோரும் இந்த திருமண விழாவில் பங்கேற்றுள்ளனர். இயக்குநர் பாக்கியராஜ் தனது குடும்பத்துடன் வந்திருப்பதாகவும் புகைப்படங்கள் வெளியாகி இருக்கிறது.

குஷ்பூ மகள் கல்யாணத்தில் திரிஷா

இதோடு முடிந்துவிடவில்லை. ரசிகர்களை இன்னும் அதிகமாக கவர்ந்த பெயர் திரிஷா. குஷ்புவுக்கு மிகவும் நெருக்கமானவர்களில் ஒருவராக திரிஷா கருதப்படுகிறார். அதனால், "திரிஷாவும் கோவா சென்றிருக்கிறாராம்" என்ற தகவல் வந்ததும், சோஷியல் மீடியாவில் இதுதான் பெரிய பேச்சாக மாறிவிட்டது.

குடும்பங்களுக்குள் புகுந்து அவதூறு.. 'குற்றம் நிரூபித்தால் உயிரோட விடக்கூடாது!’ குஷ்பு ஆவேச பேட்டி

ஏற்கனவே திரிஷா வெளியிட்ட சமீபத்திய புகைப்படங்கள், ஸ்டோரிகள், விஜய் பிறந்தநாள் போஸ்ட் சர்ச்சை என அவர் பெயர் ட்ரெண்டாகிக் கொண்டிருக்கும் நேரத்தில், இப்போது குஷ்பு மகள் திருமணத்திலும் அவர் பங்கேற்றிருக்கலாம் என்ற தகவல் ரசிகர்களின் கவனத்தை இரட்டிப்பாக்கியுள்ளது.

ரவி மோகன் மனைவி குடும்பம்

அதேபோல், நடிகர் ரவி மோகனின் முன்னாள் மனைவி ஆர்த்தியும் இந்த திருமண விழாவில் கலந்து கொண்டிருப்பதாக கூறப்படுகிறது. இதனால் இந்த திருமணம் ஒரு சாதாரண குடும்ப விழாவாக இல்லாமல், நெருக்கமான சினிமா பிரபலங்கள் கலந்து கொண்ட ஒரு தனி ஸ்டார் கெதர் ஆக மாறியிருக்கிறது. "யார் யார் வந்திருக்காங்க?" என்ற கேள்விக்கே இன்னும் முழு லிஸ்ட் வெளிவராததால், ரசிகர்கள் தொடர்ந்து அப்டேட்களை தேடிக் கொண்டிருக்கிறார்கள்.

குஷ்பு- சுந்தர் சி மகள் கல்யாணம் இன்று! கோவாவில் 25 பேருடன் மட்டும் அவந்திகா–ஷ்ரவன் திருமணம்.. ஏன் தெரியுமா?

கோவாவில் உள்ள நட்சத்திர ஹோட்டலில் இந்த திருமணத்திற்கான ஏற்பாடுகள் பிரமாண்டமாக செய்யப்பட்டிருப்பதாகவும் சொல்லப்படுகிறது. வரவேற்பு விருந்து, குடும்ப புகைப்படங்கள், நண்பர்கள் சந்திப்பு, கல்யாணத்திற்கு முன் நடந்த சின்னச் சின்ன கொண்டாட்டங்கள் - இவை எல்லாம் இப்போது இணையத்தில் மெதுவாக வெளியேறிக் கொண்டிருக்கின்றன.

அதனால், "இது ரொம்ப சிம்பிள் கல்யாணமா... இல்ல கோவாவில் ஸ்டார்களோட கிளாஸியான கொண்டாட்டமா?" என்ற கேள்வியும் ரசிகர்கள் மத்தியில் எழுந்திருக்கிறது. குஷ்புவின் இரண்டு மகள்களும் கடந்த சில ஆண்டுகளில் தங்களது உடல் எடை மாற்றம், சினிமா வருகை, தன்னம்பிக்கை நிறைந்த பொது தோற்றம் ஆகியவற்றால் ரசிகர்களின் கவனத்தை ஈர்த்தவர்கள்.

அதிலும் அவந்திகா சமீபத்தில் ஹீரோயினாக அறிமுகமாகி, பவிஷ் நடிக்கும் 'அட்டாக்கர்' படத்தில் நடிக்கத் தொடங்கியிருந்தார். அந்த நேரத்திலேயே திருமண செய்தி வெளியானது ரசிகர்களை ஆச்சரியப்படுத்தியது. இப்போது அந்த திருமணம் நிஜமாக நடக்கவிருக்கும் நிலையில், "சினிமா தொடக்கம்... உடனே கல்யாணம்... அவந்திகா லைஃப் ரொம்ப வேகமா மூவ் ஆகுது" என்று பலரும் பேசிக் கொண்டிருக்கிறார்கள்.

மொத்தத்தில், குஷ்பு - சுந்தர் சி குடும்பத்தின் இந்த திருமணம் வெறும் குடும்ப விழாவாக இல்லாமல், ரசிகர்கள் கவனமாக பார்த்துக்கொண்டிருக்கும் கோவா ஸ்டார் வெட்டிங் ஆக மாறிவிட்டது. அதிகாரபூர்வமாக யார் யார் வந்தார்கள் என்ற முழு பட்டியல் இன்னும் வெளியாகாததால், ரசிகர்கள் இன்னும் ஆர்வமாக காத்திருக்கிறார்கள்.