Kerala lottery: ஓணம் பம்பர்.. ரூ.30 கோடி அடித்தாலும் பாதி வரிதான் கட்டனும்.. கையில் எவ்வளவு கிடைக்கும் தெரியுமா?

ரூ.30 கோடியும் அப்படியே கிடைக்காது

கேரள ஓணம் பம்பர் லாட்டரி டிக்கெட்டிற்கான குலுக்கல் இன்று பிற்பகல் 2 மணிக்கு நடைபெறுகிறது. இன்னும் சில நேரங்களில் அதிர்ஷ்ட எண் எதுவென்று தெரிந்துவிடும் என்பதால் லாட்டரி பிரியர்கள் தங்கள் கையில் டிக்கெட்டை வைத்துக்கொண்டு முடிவுக்காக காத்திருக்கிறார்கள்.

Kerala Onam Bumper: ஓணம் பம்பர் லாட்டரி.. 30 கோடி யாருக்கு? வெறித்தனமாக நடக்கும் சேல்ஸ்! கோடிகளை அள்ளும் கேரள அரசு

கடந்த ஆண்டு வரை முதல் பரிசு ரூ.25 கோடி அளிக்கப்பட்டு வந்த நிலையில், இந்த ஆண்டு பரிசுத் தொகை ரூ.5 கோடி உயர்த்தப்பட்டு 30 கோடியாக உயர்த்தப்பட்டுள்ளது. அதிர்ஷ்டம் இருந்தால் 500 ரூபாய் முதலீட்டில் 30 கோடி அள்ள முடியும் என்பதால் லாட்டரி பிரியர்கள் ஆர்வத்துடன் உள்ளார்கள். கேரள லாட்டரிகளை பொறுத்தவரை பரிசு அடித்தால் முழு தொகையும் அப்படியே கையில் கிடைக்காது.

ரூ.14 கோடி வரியிலேயே போய்விடும்

லாட்டரி கமிஷன், டிடிஎஸ் வரி பிடித்தம், செஸ் வரி என பெருமளவு தொகை வரியாகவே பிடிக்கப்பட்டு இருக்கும். அட என்னங்க இது பித்தலாட்டமாக இருக்கு.. 30 கோடி ரூபாய் பரிசு என்று சொல்லிவிட்டு இப்படி வரி மேல் வரியாக சொல்கிறீர்களே எவ்வளவுதான் கையில் கிடைக்கும் அப்போ? என்று நீங்கள் மனதிற்குள் நினைப்பது புரிகிறது. ஓணம் பம்பரில் முதல் பரிசு ரூ.30 கோடி வெல்லும் அதிர்ஷ்டசாலி, ஏஜெண்ட் கமிஷனாக 10 சதவீதம் செலுத்த வேண்டியிருக்கும்.

கேரளா ஓணம் பம்பர் லாட்டரி: டிக்கெட்டின் பின்பக்கம் பெயர் எழுதுவது அவசியமா? லாட்டரி துறை சொல்வதென்ன?

இதன்படி பார்த்தால் ரூ.3 கோடி ஏஜெண்ட் கமிஷனாக போய்விடும். அதற்கு அடுத்தபடியாக டிடிஎஸ் வரிபிடித்தம் 30 சதவீதம் ஆகும். மூன்றாவதாக 4 சதவீதம் சுகாதாரம் மற்றும் கல்வி செஸ் வரியாகவும், பிடித்தம் செய்யப்படும். சர்சார்ஜ் பிடித்தம் என கிட்டதட்ட 37 சதவீதம் வரியாக மட்டும் போய்விடும்.

2 ஆம் பரிசு கையில் எவ்வளவு கிடைக்கும்

இவற்றை எல்லாம் சேர்த்தால் ஓணம் பம்பரில் முதல் பரிசு வெல்பவருக்கு சுமார் ரூ.15,45,91,200 வரவு வைக்கப்படும். 30 கோடி பரிசுத்தொகையில் 14 கோடிக்கு மேல் வரியாக செலுத்த வேண்டியிருக்கும். இரண்டாவது பரிசாக ரூ.1 கோடி பரிசு வெல்பவர்களும் இந்த வரி பிடித்தங்களில் இருந்து தப்ப முடியாது.

கேரள ஓணம் பம்பர்.. முதல் பரிசு இதுவரை இல்லாத அளவுக்கு அதிகரிப்பு! இவ்வளவு கோடியா? சேல்ஸ் எப்போது?

ரூ. 1 கோடி = 10 சதவீத கமிஷன், 30 சதவீத வரி விகிதம், சர்சார்ஜ் இவற்றை எல்லாம் சேர்த்து ரூ.59,11,200 கையில் கிடைக்க கூடும். இந்த தொகையில் சற்றேறக்குறைய மாற்றம் இருக்கும். கேரள அரசு லாட்டரி விதிகளில் இதனை உறுதி செய்யலாம்.