திருவனந்தபுரம்: கேரளாவில் விபத்தில் சிக்கி நூலிழையில் உயிர் தப்பிய பெண் ஆடைகள் கிழிந்த ரோட்டில் கிடந்தநிலையில் டீ வியாபாரி ஒருவர் சற்றும் யோசிக்காமல் தான் கட்டியிருந்த வேஷ்டியை கழற்றி அவருக்கு வழங்கி மானத்தையும், உயிரையும் காப்பாற்றிய நெகிழ்ச்சியான சம்பவம் நடந்துள்ளது. இதுதொடர்பான வீடியோ தற்போது இணையதளங்களில் வேகமாக பரவி வரும் நிலையில் பலரும் டீ வியாபாரியை பாராட்டி வருகின்றனர்.
கேரளா மாநிலம் கொச்சி அருகே திரிபுணித்துறையில் ஸ்டாச்சு ஜங்ஷன் உள்ளது. இங்கு டீக்கடை நடத்தி வருபவர் எம்ஆர் ஷாஜி. இவர் வழக்கம்போல் நேற்று முன்தினம் தனது டீக்கடையை திறந்து வியாபாரம் செய்து கொண்டிருந்தார்.
முக்கியமான ஜங்ஷன் என்பதால் அந்த பகுதியில் தினமும் ஏராளமான வாகனங்கள் சென்று வருகிறது. இந்நிலையில் தான் நேற்று முன்தினம் டீக்கடை வழியாக சென்ற தனியார் பஸ் ஒன்று பெண் மீது மோதியது.
இதில், அந்த பெண் பஸ்சின் அடியில் சிக்கினார். இருப்பினும் அதிர்ஷ்டவசமாக நூலிழையில் அந்த பெண் பஸ்சின் சக்கரத்தில் சிக்காமல் தப்பினார்.
இதையடுத்து அங்கிருந்தவர்கள் ஓடிச்சென்று அந்த பெண்ணை மீட்டனர். முதல் ஆளாக டீக்கடைக்காரர் ஷாஜி ஓடிச்சென்று உதவினார். அப்போது பெண்ணின் ஆடைகள் கிழிந்திருந்தது. இதனால் அந்த பெண் சங்கடப்பட்டார். இதையடுத்து சற்றும் யோசிக்காமல் டீக்கடைக்காரர் ஷாஜி சற்றும் யோசிக்காமல் தான் அணிந்திருந்த வேஷ்டியை அவிழ்த்து பெண்ணுக்கு வழங்கினார்.
பிறகு அவரை அருகே அருகே உள்ள மருத்துவமனைக்கு அனுப்பி வைத்தார். காலில் பலத்த காயம் ஏற்பட்ட நிலையில் சிகிச்சை அளிக்கப்பட்டது. தற்போது அவர் நலமாக உள்ளார். தனியார் பஸ்சுக்கு அடியில் சிக்கி நூலிழையில் தப்பிய அந்த பெண்ணை டீக்கடைக்காரர் ஷாஜி முதல் ஆளாக ஒடிச்சென்று மீட்டு அவரது மானத்தையும், உயிரையும் காப்பாற்றிய சம்பவம் அந்த பகுதியில் உள்ள சிசிடிவி கேமராவில் பதிவாகி உள்ளது.
இந்த வீடியோ தற்போது இணையதளங்களில் வெளியாகி வேகமாக பரவி வருகிறது. இந்த வீடியோவை பார்க்கும் பலரும் டீக்கடைக்காரர் ஷாஜியை பாராட்டி வருகின்றனர். இதுபற்றி ஷாஜி கூறுகையில், ''தனியார் பஸ்க்கு அடியில் இருந்து பெண்ணை மீட்டபோது அவரது காலில் காயம் ஏற்பட்டு இருந்தது. அவரால் எழுந்து நிற்க முடியவில்லை. ஆடைகள் கிழிந்திருந்தது. இதனால் அந்த பெண்ணுக்கு நான் அணிந்திருந்த வேஷ்டியை கொடுத்து இருந்தது. ரொம்ப ஹேப்பியாக இருக்கு'' என்றார்.