சென்னை: ஒவ்வொரு ஆண்டும் தண்ணீர் கேட்டு நாம் கர்நாடகாவிடம் சண்டை செய்வதும், கர்நாடகா போதுமான தண்ணீர் கொடுக்காமல் ஏமாற்றுவதும் வழக்கமானதாக மாறியிருக்கிறது. இப்படி இருக்கையில் இந்த ஆண்டு, பருவமழை கர்நாடகாவை விட தமிழகத்தில் அதிகம் பெய்திருக்கிறது. இது குறித்து தமிழ்நாடு வெதர்மேன் போட்டிருக்கும் பதிவு கவனம் பெற்றிருக்கிறது.
தமிழ்நாடு வெதர்மேன் பிரதீப் ஜான் தனது x பக்கத்தில் பதிவிட்டிருப்பதாவது, "வழக்கமாக தென்மேற்கு பருவமழை காலங்களில், கர்நாடகாவில் உள்ள மேற்கு தொடர்ச்சி மலை பகுதியில்தான் அதிக மழை பெய்யும்.
ஆனால், இந்த ஆண்டு.. முதல்முறையாக ஜூன் மாதத்தில் கர்நாடகாவின் மேற்கு தொடர்ச்சி மலை பகுதிகளில் பெய்த மழையை விட.. தமிழகத்தின் கன்னியாகுமரி மற்றும் திருநெல்வேலியின் மேற்கு தொடர்ச்சி மலை பகுதியில் பெய்த மழை அதிகமாக இருக்கிறது. இதில் கவனிக்க வேண்டியது என்னவெனில், எல் நினோ போன்ற கடினமான வானிலை காலங்களில் கூட இந்த மாவட்டங்கள் தங்களின் இயல்பான மழையை தக்க வைத்திருக்கின்றன என்பதுதான். என்னதான் இந்த 2 மாவட்டங்கள் இயல்பை விட அதிக மழையை பெற்றிருந்தாலும், நீலகிரி, தேனி, கோவை போன்ற மாவட்டங்களில் மழை போதுமான அளவுக்கு பெய்யவில்லை. குறிப்பாக நீலகிரியில் இந்த காலத்தில் 400-800 மி.மீ வரை மழை பெய்திருக்க வேண்டும். ஆனால் மழையின் அளவு 325 மி.மீ-ஐ தாண்டவில்லை. அதிகபட்சமாக அவலாஞ்சியில் 371 மி.மீ அளவுக்கு மழை பெய்திருக்கிறது. அதே போல, கோவை மற்றும் தேனியிலும் மழை போதுமான அளவுக்கு இல்லாததால், நீர் நிலைகளில் போதுமான அளவுக்கு நீர் இல்லை. கோவையின் பரம்பிக்குளம் ஆழியாறு, தேனியில் வைகை அணை படுகை நீர் நிலைகளில் குறைவான அளவே நீர் இருக்கிறது. இதனால் இப்பகுதியில் உள்ள வன விலங்குகள் மற்றும் குடிநீருக்காக இந்த நீரை நம்பியிருக்கும் மக்கள் கடுமையாக பாதிக்கப்பட உள்ளனர். கர்நாடகா SWM மழைப்பொழிவு ஜூன் 2026 இல் முதலிடம் இப்படியாக, கர்நாடகாவை விட தமிழகத்தின் மேற்கு தொடர்ச்சி மலை பகுதிகளில் அதிக அளவு மழை பெய்திருக்கிறது.சம்பவம் செய்த மழை
கோவை, தேனிக்கு சிக்கல்
நீர் நிலைகள் காலி
தமிழகத்தில் மழைப்பொழிவு