ரூ. 9,800 கோடி செலவில் ஐ.நா தலைமையகம் சீரமைப்பு
நியூயார்க்: ஐ.நா தலைமைச் செயலகத்தை சுமார் 9,800 கோடி ரூபாய் செலவில் சீரமைக்கும் பணி விரைவில் துவங்கவிருக்கிறது. இப்பணி வரும் 2013ம் ஆண்டு முடிவடையும் என எதிர்பார்க்கப்படுகிறது.
ஐ.நா அமைப்பின் தலைமை செயலகம் நியூயார்க் நகரில் அமைந்துள்ளது. 1950ல் கட்டிமுடிக்கப்பட்ட இந்த 32 மாடி கட்டிடத்தை தற்போது ஐ.நா சீரமைக்க திட்டமிட்டுள்ளது. இதற்கான செலவு தொகை சுமார் 9,800 கோடி ரூபாய். இத்திட்டம் 2013ல் முடியும் என எதிர்பார்க்கப்படுகிறது.
இதனால் தற்போது அங்கு இயங்கி வரும் அலுவலகங்கள் வேறு இடத்துக்கு மாற்றப்பட்டுள்ளன. ஐ.நா.வின் பாதுகாப்பு செயலகம் மட்டும் அங்கு மறுசீரமைப்பு செய்யப்படாத பகுதி ஒன்றில் இயங்கும்.
சீரமைப்பு பணிகள் சுற்றுப்புற சூழ்நிலைகளின் வளர்ச்சிக்கு உதவும் வகையில் அமைக்கப்பட்டிருக்கும் என தெரிகிறது.
இத்திட்டத்தின் செயல் இயக்குனர் மைக்கேல் அல்டர்ஸ்டைன் கூறுகையில், இத்திட்டத்தில் கட்டத்தில் இயற்கையில் கிடைக்கும் சூரிய சக்தியை அதிகம் பயன்படுத்த திட்டமிட்டுள்ளோம். இதன்மூலம் 44 சதவீத எரிபொருள் தேவை குறையும்.
சுவர்களில் ஒற்றை கண்ணாடி பதிக்கப்பட்ட திரைகளுக்கு பதிலாக இரண்டு அடுக்கு கொண்ட கண்ணாடி திரைகளை பதிக்கவிருக்கிறோம் என்றார்.