உலக தடகள 400 மீ ஓட்டம்-சான்யா ரிச்சர்ட்ஸ்க்கு தங்கம்
ஜெர்மன் தலைநகர் பெர்லினில் 12வது உலக தடகள சாம்பியன்ஷிப் தொடர் நடக்கிறது. இன்று நடந்த பெண்களுக்கான 400 மீ., ஓட்டத்தில் ஒலிம்பிக் சாம்பியன் இங்கிலாந்தின் கிறிஸ்டின் ஒகுருகு, ஜமைக்காவின் ஷெரிக்கா வில்லியம்ஸ், அமெரிக்காவின் சான்யா ரிச்சர்ட்ஸ் ஆகியோர் கலந்து கொண்டார்.
இதில் சிறப்பாக செயல்பட்ட சான்யா ரிச்சர்ட்ஸ் 49 வினாடிகளில் வந்து தங்கம் வென்றார். வெள்ளி பதக்கத்தை ஜமைக்காவின் ஷெரிக்கா வில்லியம்சும், வெண்கலத்தை ரஷ்யாவின் அன்டோனினா கிரிவோசாப்காவும் கைப்பற்றினர்.
ஆண்களுக்கான 400 மீ. தடை தாண்டும் ஓட்டத்தில் அமெரிக்காவின் கெர்ரான் கிளைமன்ட் முதலிடத்தை தட்டி சென்றார். அடுத்த இரண்டு இடங்களை புயூர்டோ ரிகோவின் ஜாவியர் குல்சனும், அமெரிக்காவின் பெர்ஷான் ஜாக்சனும் பிடித்தனர்.
இன்று இரண்டு தங்கம் வென்ற அமெரிக்கா தற்போது பதக்க பட்டியலில் 3 தங்கம், 2 வெள்ளி, 2 வெண்கல பதக்கம் என மொத்தம் 7 பதக்கங்களுடன் முதலிடத்துக்கு முன்னேறியுள்ளது.