அமெரிக்காவின் முதல் இந்திய நீதிபதியாக விஜய் காந்தி பொறுப்பேற்பு

நியூயார்க் அமெரிக்காவின் முதல் இந்திய அமெரிக்க நீதிபதி என்ற பெருமை விஜய் காந்திக்குக் கிடைத்துள்ளது.

அமெரிக்காவின் கலிபோர்னியா மத்திய மாவட்ட நீதிமன்றத்தில் மாஜிஸ்திரேட்டாக விஜய் காந்தி பொறுப்பேற்கிறார்.

இந்திய அமெரிக்க சமுதாயத்திலிருநது நீதிபதி பதவிக்கு உயர்ந்துள்ள முதல் நபர் விஜய் காந்திதான்.

38 வயதேயாகும் விஜய் காந்தி, கலிபோர்னியா மத்திய மாவட்ட நீதிபதி பதவியை ஏற்கும் இளம் நீதிபதியும் ஆவார்.

அமெரிக்காவிலேயே மிகப் பெரிய மாவட்டம் கலிபோர்னியா மத்திய மாவட்டம்தான் என்பது குறிப்பிடத்தக்கது. இங்கு மொத்தம் 1.9 கோடி பேர் உள்ளனர்.

தெற்கு கலிபோர்னியா சட்டக கல்லூரியில் சட்டம் பயின்றவர் விஜய் காந்தி. 12 வருடங்கள் பால், ஹேஸ்டிங்ஸ், ஜனோஸ்கி, வாக்கர் நிறுவனத்தில் வக்கீலாகப் பணியாற்றினார். பின்னர் அந்த சட்ட நிறுவனத்தின் பங்குதாரராக உயர்ந்தார் என்பது குறிப்பிடத்தக்கது.