• search
For Quick Alerts
ALLOW NOTIFICATIONS  
For Daily Alerts

மதுரை மீனாட்சி கோயிலுக்கு ஐஎஸ்ஓ தரச்சான்று!

By Shankar
|
Madurai Meenakshi Temple
மதுரை: மதுரை அருள்மிகு மீனாட்சி சுந்தரேசுவரர் திருக்கோயிலுக்கு ஐ.எஸ்.ஓ. தரச்சான்று வழங்கப்பட்டுள்ளது.

மதுரையில் உள்ள மீனாட்சி சுந்தரேசுவரர் திருக்கோயில் உலகப் புகழ் பெற்றது.

சரித்திரத்துக்கும் அப்பால், புராதன காலத்தைச் சேர்ந்த இத்திருக்கோயிலுக்கு தினமும் ஆயிரக்கணக்கான பக்தர்கள் வந்து செல்கின்றனர். இறைவனே மன்னனாக அவதரித்து மதுரையில் ஆட்சி செலுத்தியதாக கோயில் வரலாறு கூறுகிறது.

பக்தர்கள் மட்டுமின்றி கோயிலின் கலை அழகைக் காண்பதற்காக வெளிமாநிலம், வெளிநாட்டைச் சேர்ந்தவர்களும் தினமும் நூற்றுக்கணக்கில் வந்துசெல்கின்றனர்.

இதையடுத்து திருக்கோயில் நிர்வாகம் மற்றும் சுற்றுலாத் துறை சார்பில் கோயில்வளாகம் தற்போது பசுமை நிறைந்ததாகவும், நவீன கற்கள் பதிக்கப்பட்டதாகவும் மேம்படுத்தப்பட்டுள்ளது.

திருக்கோயிலுக்கு தினமும் ஆயிரக்கணக்கானோர் வரும் நிலையில் அவர்களுக்கான சுகாதாரம் உள்ளிட்ட வசதிகளை கோயில் நிர்வாகம் செய்து தந்துள்ளது. இதையடுத்து திருக்கோயில் வளாகத்தின் சுகாதாரம் மற்றும் பக்தர்களுக்கான வசதிகள் இருப்பதை உறுதி செய்யும் வகையில் ஐ.எஸ்.ஓ. தரச்சான்றுக்கு விண்ணப்பிக்கப்பட்டது.

ஐ.எஸ்.ஓ. தரச்சான்றுக்கு கோயில் நிர்வாகம் விண்ணப்பித்திருப்பதை இந்து அமைப்புகள் எதிர்த்தன. இதையடுத்து ஆர்ப்பாட்டங்களும் நடத்தப்பட்டன.

கோயிலுக்கு ஐ.எஸ்.ஓ. தரச்சான்று தேவையற்றது என்று தர ஆய்வு மேற்கொள்ள வந்த குழுவினரிடம் பக்தர்கள் சார்பில் மனுக்களும் அளிக்கப்பட்டன.

இந்த நிலையில் சில வாரங்களுக்கு முன்பு திருக்கோயிலில் ஐ.எஸ்.ஓ. தரச்சான்று குழுவினர் ஆய்வில் ஈடுபட்டனர். பக்தர்களுக்கான வசதிகள், திருக்கோயில் யானை உள்ளிட்டவற்றைப் பராமரிக்கும் இடங்கள், கோயில் சுகாதாரம், குடிநீர் வசதிகள் ஆகியவற்றை நேரில் ஆய்வு மேற்கொண்டனர்.

அந்த ஆய்வின் அடிப்படையில் தற்போது மீனாட்சியம்மன் திருக்கோயிலுக்கு ஐ.எஸ்.ஓ. தரச்சான்று அளிக்கப்பட்டுள்ளது. இச்சான்று ஐ.எஸ்.ஓ. மூலம் திருக்கோயில் நிர்வாக அலுவலர் ஆர்.பத்மநாபனுக்கு அனுப்பி வைக்கப்பட்டுள்ளதாக கோயில் வட்டாரங்கள் தெரிவித்தன.

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் பதிவு இலவசம்!

 
 
 
English summary
The Meenakshi Sundareswarar Temple here has been accorded ISO 9001:2008 certification becoming only the fourth temple in the State to gain this accreditation.
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more