கரிசல் காடும் இலந்தை பழமும்..!

பாவடை தாவணியில்
பள்ளி சென்ற பருவம்…
புத்தகப் பை சுமந்து
பொடி நடையாய்….
கரிசல் காட்டில்
நடந்து சென்ற நாட்கள்…

புளியமர நிழலில்
இளைப்பாறிய தருணங்கள்…
நடக்க சிரமப்பட்டு
நான் நின்ற போது
துணைக்கு நின்ற தோழிகள்…

துவரையும், பாசிப்பயறும்
பறித்து தின்ற நிமிடங்கள்…
இலந்தப்பழம் பறிக்கையில்
கையில் குத்திய கொக்கி முள்…

என எல்லாமே
என் நினைவுச் செல்களில்
நிமிடத்துக்கு ஒருமுறை
வந்து செல்லும்…..

ஏனென்றால்
எங்களுக்கு
இலவச சைக்கிள் தர
அன்று யாருமில்லை

English summary

I am remembering the time spent in my school days. The kind of moments I shared with some of my best buddies were truly the most innocent days of my life, in fact in everyone’s life.